محتاجة ارائكم وخبراتكم بكل موضوعية
السلام عليكم
انا ناويه ان شاء الله اجيب عربية جديدة
وبعد بحث وتدوير وقراءة موضوعات كتيرة
استقريت على البيجو 301 لاقيتها ثمنها معقول وانتشرت خلال الفترة اللى فاتت ودا طمنى جدا
ولكن المشكلة ظهرت لما لاقيت ناس كتير بتعلق على انه التوكيل بتعها سيئ جدا
ولكن بردو فى ناس ما اشتكتش منه
المهم رجعت ادور على عربية تانية وناس نصحونى ب التويوتا ياريس 2015 هى اغلى شوية
بس قالولى جيدة جدا وافضل من البيجو
قولت حلو اشتريها
للاسف بردو لما سألت قالولى هى كويسة وكل حاجة بس عيبها الوحيد انها مش منتشرة
يعنى مبيعتها قليلة بالمقارنة مع عربيات تانية فى نفس الفئة او اقل زى (البيجو301) مثلا
ودا هيأثر على إعادة البيع او (Resale) فى حالة لو حبيت ابعها
معلش طولت عليكم بس أنا فعلا محتاجة اارئكم وخبراتكم بكل موضوعية
وشكرا