بطلت أشد خالص بال301 شوفوا استهلاك البنزين بقى عامل ازاي !! (بالصور)

انا معايا بيجو 301 ماينوال .. جت علي فتره ولأسباب نفسيه كانت سواقتي سواقة ملوكي ماشي على مهلي لا باشد ولا باخلي الRPM يعني ال3 او ال2.5 ساعات من الاخر كنت باسوق السواقه الطبيعية اللي بيقولوا عليها في الكتالوج .

قبلها كان متوسط استهلاكي من 8 الى 9 في ال100 لتر والتنك بيقعد حوالي 500 كيلو او اقل .

بعد بقى سأترك الصورة تتحدث عن نفسها :

http://imagizer.imageshack.us/v2/280...537/rbLsL7.jpg
http://imagizer.imageshack.us/v2/280...661/Em0qKz.jpg

وبالمناسبة السرعه لا بتوصل حد بدري ولا السواقه الهاديه بتوصل حد متاخر احنا في مصر كله بيقف جنب بعضه في الاخر في الزحمه الاهم راحة بالك .

ازاي الصورتين نفس عدد الكيلومتر؟؟؟؟

اقتباس:

---

المشاركة الأصلية كتبت بواسطة pioneerahmed

ازاي الصورتين نفس عدد الكيلومتر؟؟؟؟

---

نفس اللى حقوله

اقتباس:

---

المشاركة الأصلية كتبت بواسطة pioneerahmed

ازاي الصورتين نفس عدد الكيلومتر؟؟؟؟

---

:oh:

مش فاهم

دول صورتين ورا بعض يا جدعان في نفس اللحظة بعد طريقته الجديدة في السواقة

واحدة فيها التنك يمشيك قد ايه والتانية معدل الاستهلاك.!


مش قبل وبعد يعنی !
انتو فهمتوا ايه !!

اقتباس:

---

المشاركة الأصلية كتبت بواسطة pioneerahmed

ازاي الصورتين نفس عدد الكيلومتر؟؟؟؟

---

واضح ان الصورتين فى نفس الوقت واحدة بتقول انه التانك يمشيه 800 كم والثانية متوسط الاستهلاك 6.5 لتر لكل 100 كم

الصورتين لاستهلاك العربية بعد تغيير طريقة السواقه .. واحده لاستهلاك اللترات في ال100 كيلو والتانيه للمسافة اللي العربية تمشيها بمتوسط الاستهلاك ده .. انا معتمد ان اي واحد داخل يقرا الموضوع عارف المتوسط الطبيعي للسواقه العادية انا نفسي مجربه بيعمل حوالي 500 كيلو الFull tank واحيانا كمان 400

مع التنويه لإني ماعرفتش أكرر معدل الاستهلاك ده تاني ومعدل استهلاكي الحالي 460 كيلو في ال Full tank

استهلاك فوق الممتاز

ياريت تقول على الطرق اللى بتمشى فيها و استخدامك للتكييف

معقول جداً
بس ده طبعاً لو 6.5 لتر/100كم ده متوسط استهلاكك فعلاً
يعنى تكون مشيت كام يوم كده والرقم ده هو النتيجة ، يبقى هايل.

الكلام ده لحظي و مستحيل يبقا علي المتوسط
الا لو حضرتك مثلا علي طريق طوالي و مش هتقف نهائي و هتمشي متوسط السرعه100 كم في الساعه
غير كده لازم المتوسط يزيد نتيجة تكرار الوقوف و التحرك

الكلام ده في مسافة حوالي 800 كيلو سواقه منهم 500 سفر بحكم شغلي ومتوسط سرعتي في السفر 100-120 ولكن من اهم الحاجات اللي اتعلمتها من التجربة دي :

1- المانيوال أوفر في البنزين بمراحل لإن الأصل في العربية انها واقفه وانت بتحركها على عكس الاتوماتيك انها ماشيه وانت بتوقفها ولما سافرت اوروبا لقيت معظم العربيات مانيوال والاوتوماتيك نادر لان البنزين هناك كان غالي جدا اللتر يعمل 80 جنيه تقريبا نظرا لإن أقرب بير بترول ليهم على بعد قارتين .

2- في الزحمه في المانيوال لما تنقل اول سيب العربيه ماشيه عالسلانسيه وهتمشي معاك زي ما انت عايز ما تكبسش بنزين طول ما الطريق بطيء بأي حال .

3- في النقل ما توصل ال rpm لل3 وابدأ انقل بين 2000 و 2.500 لفه .

4- استخدم الطرق المفتوحه السريعه حتى لو أطول حفاظا على استهلاك البنزين وعلى اعصابك ومرارتك .

5- في السفر او الطرق السريعه مادام السرعه عال100 الاستهلاك هيبقى ممتاز ، من اول 120 فما فوق الاستهلاك هيبقى خرافي وصل معايا عال160 ل18 لتر في 100 كيلو

دي اهم الملاحظات عالفتره دي

الرقم دا بيبقي تقريبي مش حقيقي,
يعني لو دوست جامد الرقم هيعلي معاك وهيقولك اللي باقي معاك في التنك يمشيك مسافة قليلة لو نمط سواقتك رياضي ورجليك تقيلة علي دواسة البنزين وطبعاً هتستهلك بنزين أكتر.
لكن مش معني كدا أنها هتكون نفس الرقم اللي طلع لك دا,,
دا مجرد رينج دا.


حتي الرقم اللي بيطلع لك وأنت ماشي هادي مش بيكون هوا الرقم اللي بتمشيه بالبنزين اللي في التانك
لأنك بتقف في زحمة ومطبات وبتمشي جوا البلد ودا بيرفع أستهلاك البنزين تاني بعد الرقم الكويس اللي قريته وأنت ماشي هادي علي السريع

لو العربية عملت المسافة دي
تبقي غلبت العربيات ال 3 سلندر ال 1000

اقتباس:

---

المشاركة الأصلية كتبت بواسطة hmghamry

الصورتين لاستهلاك العربية بعد تغيير طريقة السواقه .. واحده لاستهلاك اللترات في ال100 كيلو والتانيه للمسافة اللي العربية تمشيها بمتوسط الاستهلاك ده .. انا معتمد ان اي واحد داخل يقرا الموضوع عارف المتوسط الطبيعي للسواقه العادية انا نفسي مجربه بيعمل حوالي 500 كيلو الfull tank واحيانا كمان 400

مع التنويه لإني ماعرفتش أكرر معدل الاستهلاك ده تاني ومعدل استهلاكي الحالي 460 كيلو في ال full tank

---

اعمل ريستارت للعربيه بفصل كابل الارضى 30 ثانبه هاترجع قيمه الكيلو متر لعدد اللترات الموجوده فى السياره زى ماجت من المصنع

السلام عليكم

الموضوع بسيط ال 800 كم دل لمعدل اللاستهلاك في حالة القياده بسرعة 56 ميل/الساعة ( 94 كيلومتر )

و 6.5 دي في هالة نفس القياده طبعا معا بداية الحركة القرائات دي كلها بتتغير علي حسب عوامل كتير جدا

(الرياح -خالة الطريق - التكييف - طريقة القيادة ضغط الكاوتش - الخ...... )

معدل الاستهلاك الطبيقي داخل الميدنة ل السيارات ال 1600 بالتكييف يتراوح من 180كم الي 200 كم لكل 20 لتر و علي الطرق السريعة بتختلف من عربية للتانية حسب التكنولجيا المستخدمة يعني مثلا لو اتكلمنا عن ال 301 هتعمل علي طريق مفتوح زي العين السخنة علي سرعة 110 كم الاستعلاك كان 7.4 لتر / 100 كم فا ده معدل هايل بصراحة

ربنا يبركلكم جميعا و يكفيكم شر الطريق

اقتباس:

---

المشاركة الأصلية كتبت بواسطة hmghamry

1- المانيوال أوفر في البنزين بمراحل لإن الأصل في العربية انها واقفه وانت بتحركها على عكس الاتوماتيك انها ماشيه وانت بتوقفها ولما سافرت اوروبا لقيت معظم العربيات مانيوال والاوتوماتيك نادر لان البنزين هناك كان غالي جدا اللتر يعمل 80 جنيه تقريبا نظرا لإن أقرب بير بترول ليهم على بعد قارتين .

---

فعلا اغرب العربيات فى اوروبا مانيوال بس الطرق هناك مش زحمة و مطبات و حفر....

بس اللتر ب 15-18 جنيه, واضح ان دى غلطة مطبعية