عاوز اروح ( عند جامعة شبين الكوم ) بالقطار

اخوه و السادة الافاضل
بعد التحية

عاوز اروح عاوز اروح ( عند جامعة شبين الكوم ) بالقطار
هركب من محطه مصر

فهل يوجد قطار يروح شبين الكوم ؟؟
و لما هنزل شبين الكوم ,, هل جامعه شبين قريبه ام ماذا ؟؟

ارجو الرد
شكرا

اتصل باستعلامات السكه الحديد افضل
اكيد فى قطر بيروح شبين الكوم

شكرا لك
و لكن
مفيش حد بيرد
انا منتظر تفاعل الاعضاء المنتدى

ربنا معاك

شكرا
و ننتظرا تفاعل الاعضاء

هم فيييييييييييييين اهل الكرم
فين اهل المنوفيه ؟؟

منتظرين الردود

هو محدش من المنوفيه خالص ,, طب نسال مين بتوع المنيا ؟؟؟

نصيحة مني اوعى تركب قطار لشبين الكوم

هتقعد 5 ساعات في الطريق لأنه one way يعني كل شوية هيقف ينتظر المقابل

عايز تروح اركب من موقف عبود او من اعلى مترو المظلات و انزل هناك خد تاكسي

طيب ما راى حضرتك فى الركوب القطار الى قويسنا ( قطار اكسربس او التوربينى )
ثم الركوب من كويسنا الى شبين الكوم ؟؟؟

ما عيوب هذه الوصفه ؟؟؟ و ا مميزاتهاا ؟؟

احسن اركب لحد قويسنا ومن هناك اركب عربيه لشبين وانزل في موقف شبين هتروح لاخر عربيات في موقف شبين هتلاقيه اتوبيسات صغيره بيقول قصر جامعه وهتنزل الجامعه يادوب هتعدي الطريق تكون وصلت بالسلامه

لو حضرتك هتروح عند كلية طب المنوفية يبقى الأفضل تركب القطار لبركة السبع ومنها تاخد مواصلة لشبين الكوم هتنزلك عندها بالظبط ... أول أما تنزل بركة السبع تاخد توكتوك وتقوله موقف شبين أقل من 5 دقائق بالتوكتوك