عرض للطباعة
لو سمحتوا انا عندي مشكله ان الموتور بيسقف علي الغيار التاني و احيانا علي التالت في البدايه خالص و لما ابقي بطيء جدا ممكن يعمل الموضوع ده علي الغيازر الاول كمان
الار بي ام بيبقي ٩٠٠ و بحس ان الموتور بيرجرج كده و هي واقفه لما ازود بنزين من البوابه سنه بسيطه يعني اخلي الار بي ام علي ١١٠٠ مثلا الرجه دي بتروح
واحد قاللي بوجيهات وواحد قاللي علي الموتور عن طريق الصانوله دي بتاع سلك البنزين وواحد قاللي الموتور تعبان
فعاوز رايكم ايه الصح ؟
ةشكرا جدا
لو ماغيرتش البوجيهات من فترة غيرها الأول وسلك البوجيهات كمان وغير فلتر البنزين والهواء وربنا يقويك !!
بوجيهات و اسلاك بوجيهات جديده
هل فعلا الموتور عاوز يعلي ؟ يعني لو عليته من السلك بتاع البنزين ده اللي في البوابه يتصلح الموضوع ده و لا حاجه تانيه
شيك على
1- البوجيهات وما يتعلق بها
2-فلتر الهواء ويفضل تجيب منظف دورة وقود وانجكشن لو كانت انجكش او منظف كاربراتير
وبالتوفيق
متعليش العربية عن كده لانها مظبوطة انت محتاج شوية صيانة بس مش اكتر فلاتر وبوجيهات
احتمال كبير موديل البوجيهات ما يكونش مناسب لموتور العربية
لان فى البوجيهات ماركة ngk مثلاً بيبقى شكل البوجيهات واحد
لكن فيه موديلات وارقام وحروف على البوجيهات
بتبين خواص كل موديل للى فاهمها طبعاً
وانا مش بفهمها بصراحة
لكن اللى اعرفه ومن المنتدى هنا
ان فية بوجيهات باردة وبوجيهات ساخنة (حامية)
وطبعاً كل عربية بيبقى ليها النوع المناسب ليها
ولما بنركب نوع مش مناسب ده ممكن يدمر المحرك فعلاً
والتسقيفة دى او التصفيع معناه
ان البنزين بينفجر داخل الاسطوانة قبل الشرارة ما توصله
وده ممكن يحصل من نوع البنزين بردوا انه ما يكونش مناسب
لو المشكلة ظهرت مؤخراً بعد تغيير البوجيهات
يبقى اختار النوع المناسب لموتور عربيتك
بس قبل ما تعمل كده غير محطة البنزين الاول
لان البنزين ممكن يكون مغشوش
بس قبل ما تحط بنزين جديد
اتاكد انك استهلكت الموجود فى التانك الاول
ولو مفيش فايدة غير البوجيهات
الكلام اللى بقولهولك ده قليل لما تلاقى صنايعى عارفه
ولكن زى ما بقولك ده خبرتى من الناس القديمة اللى فى المنتدى
واللى لسة بنتعلم منهم
وممكن لو كتبتلى نوع وموديل العربية وسنة الصنع وسعة المحرك
ان شاء الله اقدر اوصل للموديل المناسب ليها
علشان بعد كدة حتى
وربنا معاك
كمان متنساش تشوف البنزين "" ممكن يكون مغشوش""
شكرا يا جماعه علي الردود و المساعده
تم تغيير بوجيه رقم واحد لانه كان معرق زيت و متكربن ( متفحم ) و كان فيه دخنه بيضا من الشكمان بيتهالي الموتور تعب كده
هل اجيب موتور جديد ؟ و الموتور بيعمل كام ؟
العربيه فيات بونتو ١٩٩٥
شكرا يا جماعه علي الردود و المساعده
تم تغيير بوجيه رقم واحد لانه كان معرق زيت و متكربن ( متفحم ) و كان فيه دخنه بيضا من الشكمان بيتهالي الموتور تعب كده
هل اجيب موتور جديد ؟ و الموتور بيعمل كام ؟
العربيه فيات بونتو ١٩٩٥