النهاردة إن شاء الله عندى فرح فى مريديان الهرم (مش عارف إيه الأفراح إللى فى نص الأسبوع و كمان فى الهرم :pissedoff:) و أنا ساكن فى مدينة نصر
ممكن حد يشرح لى أحسن طريق إيه و مكان الميريديان فى الهرم فين بالظبط
عرض للطباعة
النهاردة إن شاء الله عندى فرح فى مريديان الهرم (مش عارف إيه الأفراح إللى فى نص الأسبوع و كمان فى الهرم :pissedoff:) و أنا ساكن فى مدينة نصر
ممكن حد يشرح لى أحسن طريق إيه و مكان الميريديان فى الهرم فين بالظبط
مكانه عند ميدان الرمايه .. اعتقد احسن طريق تاخد الدائرى لحد نزله الماريوطيه او المنصوريه الى شارع الهرم ثم الى ميدان الرمايه
انا معرفش مكانة فين بالظبط يا أحمد، بس عاوز اقول لك ان مخارج
ومداخل مدينة نصر متبرشمة بالضبة والمفتاح من يوم امس الدائري
من كل الطرق اللي بتودي على الـNA والاوتوستراد من المنصة
لحد بعد منشية ناصر. يعني لو عاوز تلحق الفرح تنزل بدري ساعة
علشان الطريق يأما هتروح متأخر وتلاقيهم اتجوزوا وجابوا امجد
وهناء كمان!!.
وحسبي الله ونعم الوكيل في اللي كان السبب.
عندك 3 طرق اختار اللى يناسبك
تاخذ صلاح سالم فى اتجاه الجيزه ومنه تدخل شارع الهرم وتكمل شارع الهرم لحد اخره الشارع هيلف يمين خليك معاه تلاقى فى وشك على طول صنيه كبيره ده ميدان الرمايه وعلى يمينك المريديان
الطريق الثانى تاخذ الاتوستراد وتنزل منه تاخذ الدائرى من مطلع المنيب وتكمل لحد نزله المريوطيه تنزل من الدائرى تكمل الشارع ده لاخره لحد ما يتقاطع شارع الهرم
هتعدى التقاطع تمشى ناحيه الشمال وتكمل شويه صغيره شارع الهر م هيلف يمين برضوا مكمل لحد ميدان الرمايه والفندق على يمينك
الطريق الثالث الدائرى من مدينه نصر فى اتجاه كارفور المعادى وتكمل على طول لحد نزله المريوطيه تنزل وتكمل لما يقابلك شارع الهرم هتاخذ الاتجاه الشمال لاخر الشارع لحد ميدان الرمايه
ملحوظه
لو اخذت نزله المريوطيه من الدائرى هتقابلك محطه بنزين بعدها فيه ناس بتدخل شمال انت مليكش دعوه انت هتكمل على طول لحد ما يقابلك شارع الهرم
كمان الشارع ده شغالين فيه عشان وصله الدائرى الجديده بس الشارع كويس تقدر تمشى بهدوء ومش زحمه متقلقش
الطريق الدائرى من م. نصر فى اتجاه كارفور افضل اختيار بس انزل من نزلة المنصوريه مش المريوطيه عشان الوصله الجديده فى طريق المريوطيه الطريق فيها مدمر تماما
انزل نزلة المنصورية افضل 100 مرة من المريوطية
نزلة المنصورية فين من الدائرى
و بعد كده أمشى إزاى ؟