هل حد قال لك لا تركن امام المحل

**mr_kenawy** · 20-10-2008 02:31 PM

بصوا يا جماعة من الناحية النظرية البحتة الشارع مش ملك حد و مش من حق اى حد ان يقولك ما تركنش هنا ادام المحل او ادام باب العمارة و مش من حق السايس انه ياخد فلوس على الركن لان الشارع مش بتاع المرحوم عمه.
ده من الناحية النظرية , من الناحية العملية بقى لو حد قالك ما تركنش هنا او ادفع فلوس على الركن هتضطر تنفذ كلامه لأنك مش حاطط حراسة على العربية على طول و ممكن يعمل فيها اى حاجة و لما ترجع تلاقيها مخدوشة او مراياتها مكسورة او مسروقة او من غير طاسات او ازازها مكسور و تسأله او حتى تعمله محضر هيلبس وش الملاك و مش هتقدر تثبت عليه حاجة.
مرة واحد قالى ما تركنش قدام العمارة رحت متعصب عليه و قلتله مش هركن غير قدام باب العمارة لان الشارع مش ملك حد و هددته ان اى حاجة تحصل فى العربية مش هسيبه و هعمله محضر و هحبسه و اطالبه بالتعويض كمان , و النتيجة ان الراجل نسى الموضوع و طلع نام فى بيتهم قرير العين و انا اللى مانمتش الليلة دى و قعدت كل نص ساعة اطلع البلكونة فى عز البرد علشان ابص على العربية و اشوف لو حد بيعمل فيها حاجة.
ما نقدرش نقول غير حسبنا الله و نعم الوكيل.

**ouba2** · 20-10-2008 03:14 PM

اتقالتلي كتييييييييييييييييييييييي ييييييييييييييييييير بس اسخف مرة لما واحد حلاق طلعلي وقالي طلع العربية قدام عشان المحل اتملي دخان (من الموتور المخست بتاعي)

**bassemali** · 20-10-2008 03:25 PM

أنا رأيي أن الموضوع ده لازم يكون بالتراضي يعني مثلا ماتبقاش طالع تقعد عند واحد صاحبك ساعتين وقافل باب المحل بتاع الراجل بعربيتك إنما لو 10 دقايق أو كده مش مشكله لأنك بص كده لو داخل تحلق مثلا ولاقيت عربيه قافله باب المحل والتانيه قدامها والتالته وراها هتقعد تلف 7 لفات عشان تعرف تدخل أو تخرج من المحل وممكن تنط بقى من فوق الكبوت وشغلانه طب يبقى هتتضايق ولا لأ ؟
أكيد هتتضايق يبقى الصح أنك ماتركنش أدام باب محل وتحط نفسك مكان اللي داخل المحل ده عشان يقضي مصلحه وفعلا ساعات يكون مفيش ركنه يبقى أركن وأخلي عيني على عربيتي لو مكان تاني فضي أنزل أحركها ومكسلش وأقول أعلى مافي خيله يركبه .
هذا رأيي الشخصي .

**Noha.M** · 20-10-2008 03:56 PM

يا جماعة اصل العربية اللى بركنها دى مش هتقفل باب المحل يعني ما الناس بتدخل و مفيش مشاكل هي العربيه يعني هي اللى هتوقف حاله؟؟ هو في حد بيبقي رايح محل معين و لو لقا عربية راكنه قدامه هيقول لا مش داخل دة في عربية على باب المحل ؟! هو بس بيبقي عاوز بس المدخل بتاعه يبقي واسع كدة و الناس تدخل على طول و براح و كدة يعني حاجة نفسية بحتة قال يعني كدة هيجيلو زباين اكتر !!! بعدين ماشي المفرو ض بالتراضي و كل حاجة لكن لو فى الاول و الاخر دة طريق عام و مش ملك حد و لو انا مزنوقة فعلا فى ركنة و خلاص مقفلة فى وشي و مفيش غير دي يبقي هركن طبعا و يعمل اللى يعمله لان الطريق مش ملك حد

**ibrahimsaad** · 20-10-2008 06:23 PM

حصلت معايا كثير

لكن انا عايز اعرف من الناحيه القانونيه هل من حقه يمنعنا ؟

**aratux** · 20-10-2008 06:54 PM

لأ طبعا مش من حقه يمنعك
ده قانوناُ
بس البلطجة فى بلدنا !!!!

**Goodle** · 20-10-2008 07:10 PM

حصلت وانا مع اصحابي واحد جه يقول بجليطة وقلة ذوق مفيش بعدها:
"يا كباتن معلش العربية عشان ده باب رزق"
رحت واخده بكلمة تخطفه: "إنت هاتكفر يا عم انت ؟؟"
فطبعا تنّح عشان مش فاهم
كملت عليه: "انت عاوز تقول إن العربية هاتمنع الرزق اللي ربنا باعته ليك.. استغر ربك يا عم.. استغفر ربك"
طبعا بنكون إحنا بعدنا عن العربية.. وهو لسه شغال (Processing) للي سمعه :) :)

**احمد عز** · 20-10-2008 07:24 PM

كتييييييييييييييييييييييي ييييييييييييييييييييييييي ييير

**محمد أنور** · 20-10-2008 08:06 PM

بصراحة انا لما بروح الصيدلية بتاعتنا و الاقي حد راكنلي قدامها بتخنق و بيركبني ميت عفريت:k22: .. اصلها فشارع جانبي عرضه 5 متر .. الاقي عربية ركنت قدام الصيدلية و عربية تانية ركنت قدامها يبقى كدة خلاص قفلوا مدخل باب الصيدلية.. ده غير كدة مبلاقيش حتة اركن فيها عربيتي شخصيا .. يا جماعة معلش فاللفظ بس اتنوا محستوش القرف اللي الواحد بيبقى حاسه لما بيبقى الواحد قاعد في محله و في عربية راكنة و متغطية قدامه بقالها يومين .. منتهى الاستفزاز .. هو مش هيقفل باب رزق ولا حاجة .. بس المحل لازم تبقى واجهته مفتوحة .. لكن لو فشارع كبير زي فيصل والهرم ليك الحق انك تركن فالحتة اللي تعجبك عشان دة شارع عام " والمفروض الركنة فيه ممنوعة " ...و بعدين فالشوارع الكبيرة بيبقى في رصيف مدي مساحة للمدخل بتاع المحل لكن فالشوارع الجانبية بتبقى خطوتين بينك و بين العربية اللي راكنة قدامك
يعني كلو يتخيل نفسه قاعد قدام باب بيته و جه ناس احلولهم يقفوا و يتكلموا قدامك بخطوتين . مش هتتضايق وتقوم ؟ عاملة زي ما يكون واحد واقف في شباك بيتهم فالهوا و جه واحد قام باني حيطة قدام الشباك :k43:

**solycar** · 21-10-2008 01:05 AM

المشاركة الأصلية كتبت بواسطة Goodle

حصلت وانا مع اصحابي واحد جه يقول بجليطة وقلة ذوق مفيش بعدها:
"يا كباتن معلش العربية عشان ده باب رزق"
رحت واخده بكلمة تخطفه: "إنت هاتكفر يا عم انت ؟؟"
فطبعا تنّح عشان مش فاهم
كملت عليه: "انت عاوز تقول إن العربية هاتمنع الرزق اللي ربنا باعته ليك.. استغر ربك يا عم.. استغفر ربك"
طبعا بنكون إحنا بعدنا عن العربية.. وهو لسه شغال (Processing) للي سمعه :) :)

جامد اوى processing دى

انت كدة عملتلوا failed

وزمانوا بيدورلو على ال setpoint:ack2::ack2:

الموضوع: هل حد قال لك لا تركن امام المحل

LinkBack

أدوات الموضوع

عرض

-

-

-

-

-

المواضيع المتشابهه

اضحك مع الشرطة .. تركن عمودي تتكلبش تركن صف تاني العربية تتغسل :d

رجاء تسعير هذا المحل للاهمية

اهل المنصورة احذروا من صاحب المحل ده

طب نبارك لفادى افتتاح المحل النهارده

المحل اتسرق وعاوز مشوره قانونيه

الكلمات الدلالية لهذا الموضوع

المفضلات

المفضلات

ضوابط المشاركة