هل حد قل لك ماتركنش امام المحل
ده مكان اكل عيش
وماذا يكون رد فعلك
عرض للطباعة
هل حد قل لك ماتركنش امام المحل
ده مكان اكل عيش
وماذا يكون رد فعلك
الحكايه دى نسبيه فى محلات فعلا ماينفعش يتركن قدمها و فى محلات تانيه العربيه مش هاتعل ليها مشكله
والله الموضوع فعلا نسبي زي ما قال احمد
المرة الوحيدة اللى كنت عاوزة اركن فيها قدام محل و قالولى لا كان محل موبيليا و انا راكنة عند مدخله فهو هيبقي صعب عليهم يدخلو و يخرجو الاثاث و الموبيليا و فى نفس الوقت ممكن يأذولي العربية فمشيت و خلاص
شكرا لرد الزملاء
بلاش نسبية وبلاش موبيليا ونحدد
لو محل قطع غيار سيارات او ملابس او اى ادوات ومنتجات خفيفة حجمها صغير
متهيألى ان مش من حق صاحبه يشترى المحل والشارع كمان ولا ايه رأى الزملاء
اقتباس:
المشاركة الأصلية كتبت بواسطة Noha.M
هو ده اللى انا قصدى عليه يعنى ممكن محل ميكانيى ماينفعش طول اليوم العربيات دخله و خارجه و كده لكن مثلا لو محل حلاق هايبقى ممنوع تركن قدامه ليه افهك
بس قوليلى يانهى انى مشيتى علشان خايفه على العربيه و لا علشان عرفتى ان ده هايكون سبب فى تعطيل شغلهم
اقتباس:
المشاركة الأصلية كتبت بواسطة AHMEDCAR
احم احم ليه الاحراج دة؟؟ :D
لا بس بامانة والله لما قالى العربية بتيجي نزل موبيليا و عفش و كده قلت فعلا كلامه منطقي و بعدين هو حتى نبهني ان عربيتي هتتبهدل والله مش انا اللى اخدت بالى من الموضوع دة يعني
بس بالنسبة لاى محل تانى صغير او محل ملابس لا بنفض طبعا و بركن , بس الاول كنت عاملة مؤدبة و افضل الف كام لفة كدة و اشوف لو هلاقي مكان تانى :ack2:لكن غالبا بيكون جه حد تانى و ركن فى المكان اللى قدام المحل :pissedoff:فبطلت بصراحة و بقيت بركن على طول و لو حد كلمنى بقوله دقيقتين و راجعة على طول فبيسكتوا والله محدش غلس عليا اوى
حصلت معايا امبارح البواب بتاع العماره اللى جنبى قالى لو سمحت ماتركنش هنا علشان المخرن هايجيب كونتنر بليل و علشان العربيه بتاعتك ماتتجرحش و كده قولتله لما يجى انا هانزل اشيلها ( انا عارف انه بيستهبل علشان اصحاب العماره يركنوا فى الحته دى ) طبعا ركنت و طلعت و مافيش كونتينر ولا حاجه
اقتباس:
المشاركة الأصلية كتبت بواسطة AHMEDCAR
دى قلة زوق بجد و حاجة تحرق الدم !!!
مرة برده كنت راكنة في حتى عندنا فى سوق المعادى قدام محل من اللى بيعملو برفانات مغشوشة دى فركنت و لقيت صاحب المحل برده طالعلى بيقولى واجهة المحل قولتله مالها واجهة المحل اولا انت فى شارع جانبي يعني محدش واخد باله من واجهة المحل بتاعك المهم جليط معايا و بيحاول يخوفنى و يعلي صوته قمت معلية انا اكتر منه و قولتله اصل انا مش راكنة قدام mazaya يعني انت هتمثل , المهم و انا ماشية قالى خافي بقا على عربيتك !!! قمت رجعاله تانى و قلتله فردة shoes بس تهوب ناحية العربية :D
اقتباس:
المشاركة الأصلية كتبت بواسطة Noha.M
لا بجد انتى كده هاتغلبينى فرده شوز كمان
طيب تعملى ايه فى واحده ركنت عربيتها قدام باب الجراج يومين و انتى ماتعرفيش مين دى و كمان عربيتك جوه
فعلا حاجة تحرق الدم
علشان كده انا طرحت السؤال ده
انا عامة حسب حالتى النفسيه وحسب ذوق صاحب المحل لو ذوق بمشى على طول
لو بقله ذوق هاركن واعرفه غلطه
اهم حاجه يكون بمزاجى مش بلطجه
لو انا قرفان ومتضايق ومش عارف اركن فى حته ورايح لدكتور بحد من اسرتى مثلا
بركن وعلى الله حد يقرب للعربيه
بصوا يا جماعة من الناحية النظرية البحتة الشارع مش ملك حد و مش من حق اى حد ان يقولك ما تركنش هنا ادام المحل او ادام باب العمارة و مش من حق السايس انه ياخد فلوس على الركن لان الشارع مش بتاع المرحوم عمه.
ده من الناحية النظرية , من الناحية العملية بقى لو حد قالك ما تركنش هنا او ادفع فلوس على الركن هتضطر تنفذ كلامه لأنك مش حاطط حراسة على العربية على طول و ممكن يعمل فيها اى حاجة و لما ترجع تلاقيها مخدوشة او مراياتها مكسورة او مسروقة او من غير طاسات او ازازها مكسور و تسأله او حتى تعمله محضر هيلبس وش الملاك و مش هتقدر تثبت عليه حاجة.
مرة واحد قالى ما تركنش قدام العمارة رحت متعصب عليه و قلتله مش هركن غير قدام باب العمارة لان الشارع مش ملك حد و هددته ان اى حاجة تحصل فى العربية مش هسيبه و هعمله محضر و هحبسه و اطالبه بالتعويض كمان , و النتيجة ان الراجل نسى الموضوع و طلع نام فى بيتهم قرير العين و انا اللى مانمتش الليلة دى و قعدت كل نص ساعة اطلع البلكونة فى عز البرد علشان ابص على العربية و اشوف لو حد بيعمل فيها حاجة.
ما نقدرش نقول غير حسبنا الله و نعم الوكيل.
اتقالتلي كتييييييييييييييييييييييي ييييييييييييييييييير بس اسخف مرة لما واحد حلاق طلعلي وقالي طلع العربية قدام عشان المحل اتملي دخان (من الموتور المخست بتاعي)
أنا رأيي أن الموضوع ده لازم يكون بالتراضي يعني مثلا ماتبقاش طالع تقعد عند واحد صاحبك ساعتين وقافل باب المحل بتاع الراجل بعربيتك إنما لو 10 دقايق أو كده مش مشكله لأنك بص كده لو داخل تحلق مثلا ولاقيت عربيه قافله باب المحل والتانيه قدامها والتالته وراها هتقعد تلف 7 لفات عشان تعرف تدخل أو تخرج من المحل وممكن تنط بقى من فوق الكبوت وشغلانه طب يبقى هتتضايق ولا لأ ؟
أكيد هتتضايق يبقى الصح أنك ماتركنش أدام باب محل وتحط نفسك مكان اللي داخل المحل ده عشان يقضي مصلحه وفعلا ساعات يكون مفيش ركنه يبقى أركن وأخلي عيني على عربيتي لو مكان تاني فضي أنزل أحركها ومكسلش وأقول أعلى مافي خيله يركبه .
هذا رأيي الشخصي .
يا جماعة اصل العربية اللى بركنها دى مش هتقفل باب المحل يعني ما الناس بتدخل و مفيش مشاكل هي العربيه يعني هي اللى هتوقف حاله؟؟ هو في حد بيبقي رايح محل معين و لو لقا عربية راكنه قدامه هيقول لا مش داخل دة في عربية على باب المحل ؟! هو بس بيبقي عاوز بس المدخل بتاعه يبقي واسع كدة و الناس تدخل على طول و براح و كدة يعني حاجة نفسية بحتة قال يعني كدة هيجيلو زباين اكتر !!! بعدين ماشي المفرو ض بالتراضي و كل حاجة لكن لو فى الاول و الاخر دة طريق عام و مش ملك حد و لو انا مزنوقة فعلا فى ركنة و خلاص مقفلة فى وشي و مفيش غير دي يبقي هركن طبعا و يعمل اللى يعمله لان الطريق مش ملك حد
حصلت معايا كثير
لكن انا عايز اعرف من الناحيه القانونيه هل من حقه يمنعنا ؟
لأ طبعا مش من حقه يمنعك
ده قانوناُ
بس البلطجة فى بلدنا !!!!
حصلت وانا مع اصحابي واحد جه يقول بجليطة وقلة ذوق مفيش بعدها:
"يا كباتن معلش العربية عشان ده باب رزق"
رحت واخده بكلمة تخطفه: "إنت هاتكفر يا عم انت ؟؟"
فطبعا تنّح عشان مش فاهم
كملت عليه: "انت عاوز تقول إن العربية هاتمنع الرزق اللي ربنا باعته ليك.. استغر ربك يا عم.. استغفر ربك"
طبعا بنكون إحنا بعدنا عن العربية.. وهو لسه شغال (Processing) للي سمعه :) :)
كتييييييييييييييييييييييي ييييييييييييييييييييييييي ييير
بصراحة انا لما بروح الصيدلية بتاعتنا و الاقي حد راكنلي قدامها بتخنق و بيركبني ميت عفريت:k22: .. اصلها فشارع جانبي عرضه 5 متر .. الاقي عربية ركنت قدام الصيدلية و عربية تانية ركنت قدامها يبقى كدة خلاص قفلوا مدخل باب الصيدلية.. ده غير كدة مبلاقيش حتة اركن فيها عربيتي شخصيا .. يا جماعة معلش فاللفظ بس اتنوا محستوش القرف اللي الواحد بيبقى حاسه لما بيبقى الواحد قاعد في محله و في عربية راكنة و متغطية قدامه بقالها يومين .. منتهى الاستفزاز .. هو مش هيقفل باب رزق ولا حاجة .. بس المحل لازم تبقى واجهته مفتوحة .. لكن لو فشارع كبير زي فيصل والهرم ليك الحق انك تركن فالحتة اللي تعجبك عشان دة شارع عام " والمفروض الركنة فيه ممنوعة " ...و بعدين فالشوارع الكبيرة بيبقى في رصيف مدي مساحة للمدخل بتاع المحل لكن فالشوارع الجانبية بتبقى خطوتين بينك و بين العربية اللي راكنة قدامك :dunno:
يعني كلو يتخيل نفسه قاعد قدام باب بيته و جه ناس احلولهم يقفوا و يتكلموا قدامك بخطوتين . مش هتتضايق وتقوم ؟ عاملة زي ما يكون واحد واقف في شباك بيتهم فالهوا و جه واحد قام باني حيطة قدام الشباك :k43:
اقتباس:
المشاركة الأصلية كتبت بواسطة Goodle
جامد اوى processing دى:winkiss:
انت كدة عملتلوا failed :funny34d:
وزمانوا بيدورلو على ال setpoint:ack2::ack2:
انا مع صاحب الصيدلية فى رأيه
انا لا اقصد شارع عرضه 5 متر وعربية قافلة طريق الدخول للمحل ومتغطيه يومين
لا اقصد ذلك تماما
انا بتكلم انك تسمح بمرور الناس وشارع متوسط العرض ( الهرم - المنيل ) ويوجد رصيف بعرض مناسب يعنى العربية مش مركونه جوه المحل وقافله الباب بدل الصاج بتاع الباب
مرة كنت فى المطرية والشارع واسع يفوت عربيتين مرتاح وعربيتين راكنين ، لقيت صبى ميكانيكى لاحظت المحل بتاعهم الناحية التانية بيقول المكان دة جايله عربية هانعمل فيها شغل يا استاذ ، بصيت ورايا لقيت اماكن كتيرة بصيت قدام شوية لقيت اماكن رحت طالع علطول راكن فى مكان فاضى بعد عربيتين لقيت رد فعل عجيب
الصبى اتغاظ جدا لدرجة انه وقف فاتح بقه فى مكانه موش متوقع التصرف ده لان المنطقة يسودها البلطجة ومحدش بيسأل ، العربية كانت ساعتها زيرو بقالها اسبوع يظهر انها دايقته
لما تتعرض لموقف زى ده تصرف بحكمة ، يعنى انا بدوخ تحت عمارتنا لما الاقى ركنة جنب رابع او خامس عمارة جنبنا لكن لو حد قاللى انه عاوز المكان فهو حقة (اروح يعنى اركن عند عمارتنا) وهكذا ، وتعتمد على الذوق وقلة الذوق ، لو فيها قلة ذوق مبسألش
لكن فعلا اللى بيضايق انك تكون عايز تفوت لمحل تلاق العربيات لازقين بغراء فى بعضهم مفيس سنتى تفوت منه ده بيبقى مزعج ، وكثير جدا لبس الناس يتقطع من نمرة العربية ، وبتبقى بهدلة ، ولكن حاول تلتمس للى قدامك الاعذار