الموضوع: ميكانيكى للاستروين بيكاسو c4 ديزل بالسكندرية .

ملاك ال c4 بالاسكندرية افيدونى بالله عليكم مين الميكانكية اللى بيشتغلو فى الاستروين الديزل علشان انا جبت العربية ومش فاهم اى حاجة فى موضوع الديزل دة ....
انا كشفت على العربية فى المصرية الاروبية لصيانة السيارات هى موديل 2008 وعاملة 100 الف كيلو وفبريكة بره وجوة ومش متهانة وبجد العربية ممتازة جدا جدا بس بردة موضوع الديزل دة على اد ما هو كويس اليومين دول بس مش عارف اعمل اية ولا مين اللى بيشتغل فيها .
فى المصرية الاوربيه طلعولى تقرير بشوية حاجات لازم تتعمل ضرورى
1- العفشة :
يلزم تغير تيل فرامل امامى + طنابير +2 بارة دركسيون +2بيضة +طنابير خلفية .
( بالنسبىة للتيل الفرامل حتى الان زى الفل اوى ... الطنابير سألت قالولى بتتخرط .... بارة الدركسيون دى بقة لسة مش فاهم اية هى ... )

2- تحتاج طقم دبرياج ضرورى لا يوجد سحب بالسيارة .
( سألت بردة وعرفت انى لازم اغير الاول فلاتر السولار والهواء والتكيف والسحب حيتظبط . )

3- الجهاز او كشف الكمبيوتر الحمد لله لا يوجد اعطال مسجلة .

اتمنى الافادة من اعضاء المنتدى الجيد جدا والذى افادنى جدا جدا جدا طوال بحثى عن سيارتى والتخبط بين الكثير من الموديلات المختلفة .
وياريت اللى يعرف اسعار الحاجات دى يعرفنى علشان استعد بردة لرحلة الشقاء .... ولكل الاعضاء كل الاحترام والتقدير والحب مقدما من ساعدنى ومن قراء فقط .... واسف على الاطالة .

المشاركة الأصلية كتبت بواسطة migo123

انا معايا العربية دي بس للاسف في القاهرة مش هقدر افيدك في صنايعية اسكندرية بس لة احتجت اي حاجة من القاهرة قولي ... والف مبروك على العربية

الله يبارك فيك والف شكر على المساعدة وبأذن الله اوصل لصنيعى كويس فى اسكندرية و شكرا مرة اخرى .