الموضوع: تبادل قطع الغيار بين الأعضاء

السادة المحترمين أعضاء الجروب
فكرة عجبتني قوي شوفتها بين اعضاء منتدى اللادا.. وهي تبادل قطع الغيار بين الأعضاء
طبعا كل واحد فينا بيعمل صيانة لعربيته واحيان كتير بيطلع منها حاجات ممكن تكون سليمة أو جزئيا سليمة بمعني ممكن الاستفادة بباقي أجزاءها .. ودا ممكن يكون غيره من الاعضاء في حاجة ليه ويوفر علينا معاناة البحث عنها في السوق واكيد هيكون اوفر

وفكرتي هي ان كل عضو عنده حاجة مش محتاجها او زيادة عنده هيحطها في بوست هنا على الموضوع ده ويكتب بياناتها بالترتيب كالتالي:

1. طراز وموديل السيارة (مثلا m11 موديل 2010)
2. اسم القطعة (ووظيفتها ومكان تركيبها لو جزء مش معروف بسهولة).
3. حالتها والشغل المعمول فيها.
4. صور لها ان امكن.
5. مكان تواجدها (المنطقة).
6. السعر المعروضة بيه (وياريت يكون مناسب ومش رقم جزافي لأننا بنقول دي حاجات زيادة وبيعها افضل من ركنتها ع الفاضي).

واللي مهتم بشيء يبعت لصاحب الحاجة دي ع الخاص ويقدروا يتفقوا او ياخدوا تليفونات بعض.
وطبعا الامانة في المعلومات دي مسئولية اللي بيعلن وربنا يحاسبه على امانته وشطارة اللي هياخد الحاجة انه يشوفها ويسأل عنها كويس.
ياريت اعرف مدى تأييدكم للفكرة ومشاركتكم فيها.

عندي جير بوكس speranza a620 كان فيه مشكلة في الفلف بودي