شكرا على المشاركه دا اولا
ثانيا ان في ناس كتيير بتشكك فى العربيه وبتقول انها مش بتاعت سفر لانها لا يعتمد عليها فبحاول اعرف الناس دى ان العربيه زى الفل ويمكن الاعتماد عليها
عرض للطباعة
650 كم من القاهره لسفاجا مع بعض التوهان في الطريق ورجوع بعدها ب ٤ ايام. اللي بيعترض علي اعتمادية رينو اعتقد ده كلام بقي قديم و بناء علي شويه المشاكل اللي طلعت في الميجان في موديلاتها الأولي و ده كان نتيجه التكنولوجيا المتقدمه و عدم توافر الفنيين اللي فاهمين فيها و عدم توافر الأجهزة اللازمه للكشف بالاضافة لقطع الغيار. الكلام ده كان فعلا مشكله و مؤثر علي الاعتمادية و الانتشار و سعر أعاده البيع إنما رينو درست السوق كويس في الاخر و عرفت التكنولوجيا اللي تناسبنا تبقي عامله ازاي و بالتالي تداركوا الموقف و عملوا سيارات انسب لينا من حيث التكنولوجيا و الملائمه لظروف الجو و الطرق و لذلك استوردوا من تركيا و رومانيا مثلا و الموضوع اتظبط جامد عن زمان و افضل دليل هو الانتشار بتاع الموديلات المختلفه بتاعتها علي الطرق و تحسن عمليه اعاده البيع و سعره
احنا لسه بنشكك وبنتكلم علي اعتمادية الرينو ؟؟!!!!
دي اصبحت منتشره جدا ......... انا بتكعبل فيها كل شوية ............ الفلوانس من كترتها بحس انها السياره المصريه الاولي مثلا واللوجان اصبحت بديل 128
فى امان الله
النهاردة نزلت من البيت احاول افتح العربية انها تفتح ابدا ولقيت اشارة المراية واقعة ... اتجننت و فضلت احاول افتحها
وفى الآخر طلعت عربية تانية شبه بتاعتى بالمللى و راكنة جنبى .... آه والله زمبئولك كدة
الميجان قبل ما تبقي عايزاه ميكانيكي شاطر عايزه مالك فاهم
و مفيش دخان من غير نار وان كانت الأشاعات عن الميجان قد تجاوزت المتعارف عليه يعني الواحد من كتر ما سمع عنها من مشاكل فبمجرد سماع اي مشكله من اي حد بيبقي خلاص مشكله عامه وبتعمم علي كل العربيات بتبقي وحشه
فحتي في هذا الموضوع تلاقي الناس فرحانه انها سافرت بيها إسكندرية ومعطلتش ودا دليل عدم الاعتماديه لأني عندي طبعا كل العربيات معرضه للأعطال بس المعيار مدي ثقتك في عربيتك يعني تبقي تحت رجلك دائماً لتلبية احتياجاتك ومش مجرد ما أوصل من السفر تبقي دي معجزه ومحل تباهي
العربيه الميجان زات اعتمادية جيده جداً ولكن ليس لكل العربيات وإنما للسيارات ئل الحافظ عليها وحافظت علي الصيانه الدوريه وتغير قطع الغيار وفق الكيلومتر ( صيانه وكيل ) وليس لما القطعه تبوظ تتغير
تحياتي
عملت بال a5 مسافه 820 كم من شهر من الأقصر للقاهره .. بعد بوابه حلوان .. طريق الفيوم لأخره .. ل 6 اكتوبر .. لمدينه نصر
وأعتقد ان الفلوينس أكتر اعتماديه من الميجان
الله ينور و كلامك كله لا غبار عليه ماعدا نقطة واحدة عندي تعليق بخصوصا
الواحد لما بيبقى فرحان ان العربية شغالة معاه و ما خذلتوش ده راجع فعلا لنقص ثقته فيها
بس ده مش بالضرورة لأنها ذات اعتمادية قليلة (معاه على الاقل)
بيحصل ان الواحد يبقى مقلق على طول من العربية بسبب سمعتها
انا لما حصل و العربية قطعت بيا بنزين و انا رايح افول , افتكرتها عطلت فعلا
والله ئل بتقول هدا هوا هوا ئل أنا بقوله بس بشكل مختلف
يعني هقول لحضرتك حاجه في الاوكتافيا قلما لما بتعطيل ولو عطلت بيبقي في يقين لصاحب العربية ان فيه حاجه مهزوزه ولا حاجه وما بي جيش في باله اي أعطال ودا راجع لعدم خوفه من العربيه أصلا وثقته فيها الكبيرة ودا ئل صنع سمعه الاوكتافيا في مصر
بس كلنا طبعا لما بنبقي مسافرين وبنوصل مهما كان نوع العربيه كلنا بنحمد ربنا انه محصلش حاجه وحشه وربنا سترها معانا سواء من أعطال وحوادث وكاوتش اي حاجه
بس فعلا شوف ردود الاعضاء هتلاقي فيها انه بيتكلم عن السفر ووصوله بالسلامه بشكل مبالغ فيه يعني أنا لما بقراء الكلام دي بشوفه بيعكس مدي خوف الملاك من هذه السياره وعدم ثقتهم فيها سواء هذا الامر مبني علي السمع والاشاعات او عن مواقف شخصيه
يعني أنا مره كان معايا كيا سيفيا موديل ٢٠٠٠ سافرت بيها سنه ٢٠٠٥ مرسه علم رايح جاي في خلال يومين يعني ١٥٠٠ ك تقريبا في عز الحر ورياح خماسين تسد احلي ردرياتير ولكن الحمد لله ولا ألهوا تقدر تقول لحد معاه ميجان يعمل كده مش عارف بصراحه
علي فكره أنا مش بقول ان الميجان ليست ذات اعتمادية ولكن بقول ان الاعتماديه دي مش موجوده في كل العربيات زي ما زاكرت سابقا لازم تكون صيانه دوريه
هقول لحضرتك فكره موضوع جديد حضرتك تتبناه
اطرح تسأول لملاك الميجان ومعرفه عل يوجد سياره اخري بالمنزل وكام مره سافرت بالميجان وكام مره بالسياره الأخري او كأم مره حاولت تجنب السفر بالميجان
بيتهيألي الميجان ميزتها اصلا في السفر ناعمه مريحه وعزل وثبات فعلا اللي بيسافر كتير وبأستمرار استحاله ميشكرش فيها
وبالنسبه للأعطال اي عربيه فيها اهمال في صيانتها هتزعلك
هى فعلا سبب انى عملت الموضوع دا انى كل لما اجي اروح بيها مشوار بعيد بكون خايف لتعطل منى بس مع الوقت بقيت بثق فيها وبطمنلها ودا راجع للاشاعات الى بشكك فيها ولقلة الصنايعيه الشاطريين الى ممكن يساعدوك فى حل اى مشكله ممكن تواجه الواحد لا قدر الله
ومما لا شك فيه انها عربيه ممتازه ثبات وراحه وامان وربنا يسترها معانا ويعرضش حد لاى عطله