محتار في عربية في حدود 135000 ،، ياريت اتشرف برأيكم

السلام عليكم
دلوقتي انا ناوي ان شاء الله اشتري عربية اقصى سعر ليها 135000
واهم حاجة تكون اوتوماتيك
اما بقيت الحاجات المهمة بالنسبة ليا بالترتيب كالتالي :-
1- الامان
2- الثبات وتكون العربية قوية وبتستحمل لان هيكون عليها ضغط جامد
3- اسعار رخيصة للصيانة وقطع الغيار
4- تكون واسعة من الداخل
بقيت الكماليات والحاجات التانية مش فارقة اوي
انا دورت كده على ادي لقيت العربيات المتاحة في السعر ده
هيونداي اكسنت
كيا ريو
متسوبيشي اتراج
فيات لينيا او جراند بونتو
اوبترا الجديدة
سترووين سي اليزيه
بيجو 301
وبريليناس FSV
طبعا في حاجات تانية كتير :C_laugh[1]:
بس دول اقرب حاجة ممكن اجيبهم ومحتار جدا جدا جدا لاني معنديش خبرة في العربيات الصراحة
معلش طولت عليكم بس ياريت تنصحوني ولو في عربية تانية شايفين انها افضل متبخلوش عليا برأيكم

لو تقدر تشترى سيراتو اول فئه اوتو تبقى احسن اختيار حتى لو خليجى و تشترى لها ضمان
ولو كسر زيرو ممكن سيراتو 2012 هاى لاين و هتبقى ب 115 الف

اقتباس:

---

المشاركة الأصلية كتبت بواسطة blazer

لو تقدر تشترى سيراتو اول فئه اوتو تبقى احسن اختيار حتى لو خليجى و تشترى لها ضمان
ولو كسر زيرو ممكن سيراتو 2012 هاى لاين و هتبقى ب 115 الف

---

طيب هي عاملة كام تقريبا ؟؟
ويعني ايه كسر زيرو ( مفيش خبرة في العربيات تماما :d )

بص يا باشا ما دام حضرتك حاطط فيات لينيا في المقارنة يبقي توكل علي الله فيها لأنها أحسن عربية في فئتها و لا ينقصها غير توكيل محترم يهتم بيها و بعدين فيها كل ما تتمني بالسعر المتاح ... ابعد تماما عن الأكسنت لأنها غير ثابتة بالمرة

اقتباس:

---

المشاركة الأصلية كتبت بواسطة eng.mark

بص يا باشا ما دام حضرتك حاطط فيات لينيا في المقارنة يبقي توكل علي الله فيها لأنها أحسن عربية في فئتها و لا ينقصها غير توكيل محترم يهتم بيها و بعدين فيها كل ما تتمني بالسعر المتاح ... ابعد تماما عن الأكسنت لأنها غير ثابتة بالمرة

---

شكرا على النصيحة بس انا سمعت ان الفيات توكيلها مقرف لدرحة تكرهك في العربية
وهل عندك معلومات عن اسعار قطع غيارها ؟؟

Lancer 1st category

لانسر مستبعده الا لو حتجيب خليجي اول فئه اللي فيها اي بي اس يبقى اتكل على الله
انا بتكلم في حدود السعر اللي حضرتك حاطه
الريو متهيالي متتركبش الا هايلاين
اوبترا الجديده ممكن ولو لسه مطلعلهاش تقارير استخدام ورغما عن انها من مصنع الصين "عشان انا واثق في المصنع اللي بيطلعها ثقه زياده شويه"
باقي الاختيارات "انا شخصيا مبحبهمش لاسباب مختلفه"
ونصيحه متقرصش على نفسك زياده في الفلوس الا لو خلاص قافله معاك عربيه معينه وحاببها قوي قوي قوي
ومعلش اركب زيرو زيرو زيرو "برضه رايي الشخصي"

اقتباس:

---

المشاركة الأصلية كتبت بواسطة dreslam

لانسر مستبعده الا لو حتجيب خليجي اول فئه اللي فيها اي بي اس يبقى اتكل على الله
انا بتكلم في حدود السعر اللي حضرتك حاطه
الريو متهيالي متتركبش الا هايلاين
اوبترا الجديده ممكن ولو لسه مطلعلهاش تقارير استخدام ورغما عن انها من مصنع الصين "عشان انا واثق في المصنع اللي بيطلعها ثقه زياده شويه"
باقي الاختيارات "انا شخصيا مبحبهمش لاسباب مختلفه"
ونصيحه متقرصش على نفسك زياده في الفلوس الا لو خلاص قافله معاك عربيه معينه وحاببها قوي قوي قوي
ومعلش اركب زيرو زيرو زيرو "برضه رايي الشخصي"

---

مهو انا مش ناوي اجيب مستعمل ان شاء الله
بس بردو حضرتك متدتنيش جواب حاسم ، يعني لو حضرتك معاك المبلغ ده هتجيب ايه ؟؟

صح انا مديتكش جواب حاسم قوي...بس عشان انا عندي طفلتين فحفكر في عربيه كبيره فحستبعد الريو..مكنش حيبقى قدامي برضه الا الشارك والاوبترا الجديده...كنت حجيب شارك الصراحه

اقتباس:

---

المشاركة الأصلية كتبت بواسطة dreslam

صح انا مديتكش جواب حاسم قوي...بس عشان انا عندي طفلتين فحفكر في عربيه كبيره فحستبعد الريو..مكنش حيبقى قدامي برضه الا الشارك والاوبترا الجديده...كنت حجيب شارك الصراحه

---

الشارك جميلة مفيش كلام ، انا معايا واحدة بس مش في مصر اعلى فئة ال gt اعتقد مش موجودة في مصر وعربية بسم الله ما شاء الله عليها جامدة بخلاف شوية حاجات رخمة عادية ،، بس المشكلة ان سعرها في مصر غالي عليا ومعدي الميزانية بتاعتي

يعني مش عايز تجيبها اول فئه خليجي ؟

اقتباس:

---

المشاركة الأصلية كتبت بواسطة dreslam

يعني مش عايز تجيبها اول فئه خليجي ؟

---

هي عاملة كام اول فئة خليجي ،،، واكيد طبعا بتكون من غير ضمان مش كده ؟؟

رجاله القاهره الافاضل يجاوبوك في الحته دي.........انا حدودي في اسكندريه :)

بس هي في حدود المبلغ بتاعك متلقش...والضمان في اللانسر زي عدمه الحقيقه..مش محتاجه الله اكبر

تسلم يا باشا عملت اللي عليك وزيادة :)

لو بفكر هقول السيفيك 2010

اقتباس:

---

المشاركة الأصلية كتبت بواسطة sam_777

طيب هي عاملة كام تقريبا ؟؟
ويعني ايه كسر زيرو ( مفيش خبرة في العربيات تماما :d )

---

تقريبا زى ما قلتلك حوالى 135-140
كسر زيرو يعنى مش عامله اكتر من 25 الف كيلو موديل 2012 او 2013

اقتباس:

---

المشاركة الأصلية كتبت بواسطة s o p h o s

لو بفكر هقول السيفيك 2010

---

تجاربي مع المستعمل خليتني احرم اجيب مستعمل تاني

اقتباس:

---

المشاركة الأصلية كتبت بواسطة blazer

تقريبا زى ما قلتلك حوالى 135-140
كسر زيرو يعنى مش عامله اكتر من 25 الف كيلو موديل 2012 او 2013

---

تسلم يا باشا ،، بس هي فين الهاي لاين اللي ب 115 دي ،، انا اول مرة اشوف في بلد العربيات المستعملة فيه بتغلى

طيب ايه رايكوا يا رجالة في السوزوكي سويفت ؟؟ سامع عنها كلام كويس

اقتباس:

---

المشاركة الأصلية كتبت بواسطة sam_777

طيب ايه رايكوا يا رجالة في السوزوكي سويفت ؟؟ سامع عنها كلام كويس

---

حضرتك كده لفيت 180 درجه وعدت من حيث انا بدات...انا كنت حتجنن على السويفت لذيذه وممتعه وحتثبت نفسها جامد واستهلاك بنزين راااائع...لحد ما المدام رفضت عشان احتياجات الاسره عربيه كبيره وبشنطه محترمه زي اللي كنت نازل منها "ميجان 2009" متحيرش نفسك..لو مكانش عندي الاحتياجات دي كنت بصيت لحاجات تانيه كتير هاتش باك واولهم السوزوكي سويفت عشان ال value for money

اقتباس:

---

المشاركة الأصلية كتبت بواسطة dreslam

حضرتك كده لفيت 180 درجه وعدت من حيث انا بدات...انا كنت حتجنن على السويفت لذيذه وممتعه وحتثبت نفسها جامد واستهلاك بنزين راااائع...لحد ما المدام رفضت عشان احتياجات الاسره عربيه كبيره وبشنطه محترمه زي اللي كنت نازل منها "ميجان 2009" متحيرش نفسك..لو مكانش عندي الاحتياجات دي كنت بصيت لحاجات تانيه كتير هاتش باك واولهم السوزوكي سويفت عشان ال value for money

---

كده انت تقريبا حسمتلي رأيي ،، شكرا جدا على الافادة