ياشباب
عندي مشكلة في عربيتي - النترا 2013
صوت صرررريخ في العجل لما اضغط فرامل كنت فاكر انها من تيل الفرامل غيرته
والصوت لسه موجود !!!!
كشفت على الهوبات او طنابير الفرامل كله تمام
عملت تدوير للعجل برضه نفس المشكلة
رحت علشان اعمل ترصيص قالولي لو مفيش رجة ولا حدفة تبقى مش محتاجة ترصيص
اااااايه الحل ؟؟
عيب على ايه بالظبط .... ممكن توضح
ايه علاقة الموضوع بالعنوان
دي تالت مرة اسأل ومحدش يفيدني .. رغم اني من متابعين قسم هيونداي جدااااااااااااقتباس:
المشاركة الأصلية كتبت بواسطة عبدالله برعى
ده عيب زوايا كان عندي في التويوتا و راح لما ظبطت الزوايا و اتعمل زرجينه عشان عجله كانت واكله مطب محترماقتباس:
المشاركة الأصلية كتبت بواسطة baherhassan30
+1اقتباس:
المشاركة الأصلية كتبت بواسطة hany63
ظبط زويا
اظبط زوايا فى مكان محترم
يا جماعه بيقول صوت الصريخ ده لما يدوس فرامل ياعني شكلها كده abs مش شغال
ضبط زوايييييييييييييييييييييي ييااااااااااااااااااااااا ااااااااااااااااااا
متابع
بصراحه هوا الكاوتش نفسه صوتوا عالي و مش مريح بس الصريخ دا ممكن يكون في الغالب ضبط زوايا و روح مكان محترم زي مثلا Fit and Fix
اللي في بنزينات توتال .
يا سيدي زي ما الباشمهندس هاني قال : " ظبط زوااااااااااااياااااااااا ا"
ممكن نوع الكاوتشوك انا معايا كوهمو سولس عمال يصرخ ليل مع نهار
السلام عليكماقتباس:
المشاركة الأصلية كتبت بواسطة baherhassan30
بداية كده تعالي نشوف الموضوع بهدوء
ممكن حضرتك تقول لنا الكاوتش عامل كام كيلومتر ؟
و ضغط الاطارات كام بالظبط ؟
و الصوت ده بيصدر عند سرعة كام كم/س ؟
و هل العربية بتحدف أو الطارة فيها حدفة يمين أو شمال ؟
و لما حضرتك بتفرمل هل العربية بتحدف يمين أو شمال ؟
باشمهندس سمير يشرفني مروركاقتباس:
المشاركة الأصلية كتبت بواسطة samir elshahawy
الكاوتش عامل 24 ألف وتم تدوير الكاوتشات عند الـ 20 ألف
نوعه هانكوك - الاستوك
ضغط الاطارات 30 (نيتروجين)
السرعة وقت الفرملة بتكون عند الـ 40 لان الصوت بيكون في التهدئة فقط
والحمد لله مفيش لا حدفة ولا رجة لا في السرعات العالية ولا السرعات البطيئة وحتى مع الفرامل مفيش حاجة ..
للمعلومية
كنت في التوكيل بغير زيت وسألت المهندس هناك وقالي ممكن - مجرد تخمين - ان الفرامل الخلفية فيها مشكلة وبالتالي التحميل كله على الفرامل الامامية
وناوي ان شاء الله ادخلها التوكيل - بس للاسف التوكيل بياخدها اسبوع أقل حاجة ..
1. بداية تدوير الاطارات بيكون كل 10,000 كم و ليس علي 20,000 كماقتباس:
المشاركة الأصلية كتبت بواسطة baherhassan30
2. ضغط الاطارات علي 32 و ليس 30 كما هو موضح بالجدول الموجود علي القائم الايسر بجوار باب السائق
3. حاول أن تقوم بتنظيف الفراغات بالاطارات من أي حصوات أو زلط صغير
4. الموضوع ليس له أي علاقة بالزوايا و لا الفرامل الخلفية الموضوع و ما فيه أن أطارات الهانكوك بعد عدد من الكيلومترات تقريبا بداية من ال 20,000 كم بيرتفع صوتها بالاضافة لوجود فراغات كبيرة في النقشة فبتسبب هذا الصوت (الصفير) مع أقل فرملة و خاصة أذا كان بها زلط صغير أو حصي
المشكلة دي ظهرت عندي تقريبا بعد قطع ال 20,000 كم و كانت بتختفي بعد كل مرة أقوم فيها بتنظيف الاطارات و بعد أن قمت بتغيير الاطارات (بنفس النوع برضه) الصوت أختفي تماما
مافيش داعي للقلق الموضوع بسيط
فيه حاجة مهمة بقي .... مين قال أن التوكيل محتاج العربية أسبوع علشان يكشف علي الفرامل ؟؟ ياراجل يا طيب ده كبيرها ساعة ههههههههه
شوف ورد الكوبلن
اظبط زوايا
وعلشان الظبط يكون صح
لازم تظبط ضغط الهوا او النيتروجين صح الاول
وده معناه ان يكون الاطار بارد ومكان فيه عداد مظبوط
معلش يا جماعة ....
أنتوا عمالين تقولوا ظبط زوايا .. ظبط زوايا
طيب الراجل بيقول العربية مظبوطة و مش بتحدف و الطارة مظبوطة يبقي أيه علاقة الكلام ده بالزوايا
الموضوع له علاقة بنوع الكاوتش نفسه و طبيعة النقشة بتاعته
باشمهندس سمير
الموضوع كان لسه حاصل معايا
وصرخة فى الملفات والفرامل
الهانكوك صوته بيزيد اى نعم
لكن الصريخ فيه قليل
اخي الفاضل و باشمهندس سمير
بص يا هندسه
العربيه لا بتحدف و لا نوع الكاوتش و لا ضغط الاطارات و لا عمر الكاوتش
هي زاويه toe-in و معظم الزواياا مابيضبطوهاش بس كده لا هتحدف و لا اي حاجه بس هتصرخ في الملفات
و بعدين اضبط زوايا و لو مبطلتش انا متبرع بتمن ضبط الزوايا لحضرتك هههههههههههههه
بص على بلي العجل غالبا هو دة العيب
حبيبي يا هندسة يا كبير هههههههههههههاقتباس:
المشاركة الأصلية كتبت بواسطة enghany
خلاص أخونا الفاضل صاحب الشكوي يتفضل يظبط زوايا عند حد كويس أو أنت ترشح له حد يا هندسة
انا مش عارف هو ساكن فين لو مصر الديده او اي حاجه قريبه يتفضل و انا ابعته للراجل بتاعياقتباس:
المشاركة الأصلية كتبت بواسطة samir elshahawy
متشكر لكل الاعضاء الافاضل واخص بالذكر طبعا الباشمهندس سمير
اولا احب اوضح اني في السعودية
والتوكيل فعلا لو اي عربية هيونداي دخلت فيها شكوى مش اقل من اسبوع
ثانيا: انا رحت للعضيب وده من اشهر واكبر الورش المتخصصة في ضبط الزوايا والترصيص والفني قالي العربية مفيهاش حاجة طالما مفيش حدفة ولا رجة ولا فيه تأكل في الكاوتش ..
انا فعلا خلاص قررت ادخلها التوكيل وهشوف هيقولوا ايه ؟
وبشكركم كلكم مرة تانية
طيب بالمرة قبل التوكيل أعمل زي ماقولت لك و نظف الكاوتش من أي زلط و شوف كدهاقتباس:
المشاركة الأصلية كتبت بواسطة baherhassan30