فورد فيستا 2012 (مستعمل) ولا اتراج (جديدة) !! Fiesta 2012 Used VS Attrage New

السلام عليكم ...

أنا عايز أجيب سيارة تعيش معايا, محترمة , ومش متعبة وقطع غيارها مش غالية في حدود 100-120 ألف !
أنا مستحرام ادفع المبلغ ده في سيارة كوري متعش أكتر من 7 سنين.
بعد المقارنة, مش ناوي أجيب ولا كوري ولا صيني ولا فرنساوي ! فـمش لاقي غير الاتراج (جديد) ياباني, شركة محترمة, اقتصادية, واسعة من جوه, وشنطتها كبيرة. بس لقيت ناس كتير مستحرمة المبلغ ده عليها !!
فـلما بصيت فالمستعمل فنفس الرينج لقيت الفيستا 2012

فـمتردد دلوقتي أجيب اتراج جديد ولا أجيب الفيستا (أمان أعلى وامكانيات أفضل) بس مستعمل !!؟؟

الكوري مش بيعيش اكتر من 7 سنين؟!!! انا عندي كيا سيفيا بقلها اكتر من 15 سنه و مفيش مشاكل ، المهم انا شايف ان الاتراج متستحقش لانها 1200ccو تلاته سلندر و كمان صجها خفيف و تقفيلها وحش ، والفيستا حلوه لاكن مفيش انتشار ليها خالص و كمان قطع غيارها قليله جدا و غاليه كمان جوه التوكيل ...لو مكانك اشوف حاجه منتشره و معروفه وليها سوق و قطع غيارها منتشره و متقلش عن 1400cc او 100حصان و فييه عربيات كتيير في الرنج بتاع 120الف ،دور انتا و شيل التفكير بتاع ديه عربيه كوري او فرنساوي يعني عربيه وحشه .
وشكرا و ياريت اكون ساعدتك.

الكوري بيعيش و متنساش اللانوس و النوبيرا 1 و الليجانزا من اول ما نزلوا لغاية دلوقتي.
المهم فورد ليها محلات بتبيع قطع غيار برة التوكيل غير الاستيراد ممكن يكونوا قليلين بس موجودين و طبعا مفيش اي مقارنة بين فورد فيستا و ميتسوبيشي اتراج

انا مش قصدي ان الكوري وحش، انا كان معايا كيا سيفيا و دايو لانوس بس انا قصدي انهم بعد ال٧ سنين بيبتدوا يحتاجوا شغل مش اكتر...

الفورد فوكاس كانت مع زميلى

اسعار قطع غيار مسخرة (كبالن ب 7000جنيه و صلة كاوتش 20 سم لخرطوم الباور ب 230 جنيه)

اكرم جروب و اللى عمله فيه

عربيةمحترمة قطع غيارهاغالية جدا ومبالغ فيها

توكيل عايز واحد جاهز بدفتر الشيكات وما يراجعش وراهم

اقتباس:

---

المشاركة الأصلية كتبت بواسطة م أحمد

الفورد فوكاس كانت مع زميلى

اسعار قطع غيار مسخرة (كبالن ب 7000جنيه و صلة كاوتش 20 سم لخرطوم الباور ب 230 جنيه)

اكرم جروب و اللى عمله فيه

عربيةمحترمة قطع غيارهاغالية جدا ومبالغ فيها

توكيل عايز واحد جاهز بدفتر الشيكات وما يراجعش وراهم

---

هو السعر ده طبعا عالي
لكن من كام شهر هنا في المنتدي كان في موضوع عن واحد معاه اوكتافيا و العربية اتخبطط منه من قدام علي الدائري و محتاجة كبالن ب10000جنيه
النيسان قشقاي من فترة كان في موضوع عنها في المنتدي الكوبلن ب16 او 17 الف(مش فاكر بالظبط) غير المصنعية

الفرق شاسع بين عربية اقتصادية لسة جديدة ومتجربتش زي الاتراج
وبين عربية مميزة ومحترمة لا يعيبها الا التوكيل والانتشار

الفورد حاجة والاتراج حاجة
يعني الفورد افضل فكل شئ
بس قطع غيار غالية وانتشار قليل
شايف انك تشوف خيار تاني

لو مش فارق معاك قطع الغيار يبقى فيستا وانت مغمض