عايز اشترى موبايل بامكانيات تجسس عالية

اولا اكيد الكل عارف االمشاكل اللى بتبقى فى البلد واللى ممكن الشخص يتعرض لها فى اى لحظة
او الواحد ممكن يروح يقابل ناس ويحس بحركة غدر منهم او يحب يسجل اتفاق او كلام معين بيتقال عشان لو حصلت حاجة يبقى معاه اثباتات وخصوصا ان القانون فى بلدنا لايحمى المغفلين وثانيا عشان شهادة الزور اللى بقت اسهل من قزقزة اللب
يعنى بدون الدخول فى تفاصيل اكتر
عايز حاجة تبقى الكاميرا بتاعتها قوية وواضحة بالحيث لو حبيت القط صورة شخص معين او اصوره فيديو
المشكلة انى بحس ان الكاميرات كلها سيئة وبنفس الجودة تقريبا وخصوصا انى جربت كذا حاجة فانا مش عارف اذا كان فى حاجات بتصور فيديو واضح بالحيث لو حبيت اصور شخص معين او اصور خناقة الخ
انا جبت nokia lumia 820 و samsung galaxy tab فى الاساس جايبهم استعمال عادى بس بحس ان التصوير مش قد كده
مش عارف اذا كان ده بتهيالى و لا الاجهزة كلها جودتها اى كلام
ويهمنى كمان غير التصوير و التسجيل يكون فى امكانيات زى تسجيل المكالمات لو حد بيكلمنى وعايز اسجل له ويكون برضه حجمه معقول صغير
مش عارف اذا كانت الامكانيات دى موجودة فى موبايل ولا لا
وايه رايكم فى الكاميرات الاقلام و الزراير ()
يعنى من الاخر اللى يعرف حاجة ميبخلش

بص يا باشا الاول اوعى اللى حقولهولك تستخدمه فيما يغضب ربنا
تقدر تجيب بمنتهى السهوله من النت قلم فيه عدسه سحريه بتشبكه فى قميصك ويسجل صوت وصوره لفترات طويله
فى كمان زرار مختفى تحت القميص بيسجل صوت وصوره
فى كمان ميداليه مفاتيح بتسجل صوت وصوره
كل ده افضل من موبايل مكشوف

كل ادوات التجسس لو اتمسكت بيها فى حتة مهمة او ظابط يغلس عليك حتروح فى ستين داهية
الحل فى موبايل من 2700 و انت طالع بكاميرا نضيفة و لو دورت فى برامج الاندرويد حتلاقي مليون برنامج يسجل مكالمات و يسجل صوت و يسجل و فيديو و يسجل شات و هكذا

متهيالى انت لو سجلت اى حاجة لاى حد بدون علمه وبدون إذن ده غير قانونى وغير اخلاق
الله يهدك يا اللى فى بالى

اسمحلى الفت نظر حضرتك لحاجه .

ان التسجيل بدون اذن الشخص او بدون اذن النيابة . مش حيحبس الشخص الغلطان .
حيحبس حضرتك .

علشان كده لما حضرتك بتكلم اى خدمة عملاء زى مثلا فودافون بيقولك ( برجاء العلم ان المكالمة قد تكون مسجلة )

لانه لا يجوز التسجيل لاى شخص سواء فيديو او صوت بدون اذنه او بدون اذن نيابه .

أفضل الهواتف فئة الكاميرا هى نوكيا لوميا ويليها السامسونج تصويرهم الافضل أما بالنسبة لطلب حضرتك فى هاتف من نوكيا أكثر من رائع ولسة نازل جديد Nokia Lumia 1520 من أفضل الهواتف فى التصوير حتى الأن

الكلام اللى انتوا بتقولوه ده خطأ بدليل ان فى ناس ساعات بتتعرض لمواقف او حد يتبلى عليه والتسجيل اللى بيتم بالموبايل هو الوسيلة الوحيدة بتبقى للاثبات ومش شايف فيها حاجة يعنى افرض لو حرامى جه يسرق الشقة مثلا هيروح اقوله تسمحلى اصورلك؟
ولا مثلا حد جه اتخانق معاك وانتا عايز تصور الاعتداء عشان يبقى دليل عليه هتروح تقوله استنى اصورك

اقتباس:

---

المشاركة الأصلية كتبت بواسطة zorg

الكلام اللى انتوا بتقولوه ده خطأ بدليل ان فى ناس ساعات بتتعرض لمواقف او حد يتبلى عليه والتسجيل اللى بيتم بالموبايل هو الوسيلة الوحيدة بتبقى للاثبات ومش شايف فيها حاجة يعنى افرض لو حرامى جه يسرق الشقة مثلا هيروح اقوله تسمحلى اصورلك؟
ولا مثلا حد جه اتخانق معاك وانتا عايز تصور الاعتداء عشان يبقى دليل عليه هتروح تقوله استنى اصورك

---

أولا حضرتك بتسأل سؤال وانا قولت افيدك فى الموضوع ورد حضرتك هجومى جدا

تعرف حضرتك أن لو ظابط فتش شقة بدون اذن نيابة ولاقى فيها 5 طن مخدرات مفيش قضية مع ان الحرز والحيازة موجودين ولكن مفيش اذن نيابة فالقضية باظت .

تعرف حضرتك ان لو عندك برنامج بيسجل المكالمات و فى المكالمة واحد قاللك ان سرقت منك مليون جنيه وانت اديت التسجيل للنيابة حضرتك اللى حتتحبس علشان الطرف التانى مكنش عارف انه بيتسجل له .

الموضوع مختلف فى حالة انى حاطط كاميرا فى شركة وجه حرامى يسرق .

انما انك تسجل لشخص بصورة مخفية زى كاميرا فى الهدوم والكلام ده لازم اذن نيابة . او انت اللى حتضر

زى بالظبط وصل الامانة اللى على بياض لو انت واخد وصل امانة على بياض على واحد و بعد مثلا سنة كتبت فيه مبلغ وقدمته للنيابة انت اللى حتتحبس لان المعمل الجنائى حيثبت ان حضرتك اللى كتبت الرقم و صاحب الوصل كان ماضى على بياض وساعتها اسمها خيانة امانة من حضرتك

حضرتك القانون مش بالمنطق . القانون مواد و نصوص احيانا تعرض المنطق او بالاصح بيكون لها وجه نظر مختلفة انها تسامح اكتر من مجرم علشان متظلمش برئ .