عايز اعرف الطريقه
وايه اللى بحصل ؟؟
وايه الناس بيدوها التانى
عايز اعرف الطريقه
وايه اللى بحصل ؟؟
وايه الناس بيدوها التانى
لو مارش بتتزق وتديها تانى(فى ناس بتديها تالت) وتكون فاتح كونتاك وتختار لحظه مناسبه وتسيب دبرياج تدور معاك
لو بطاريه غير قادره على الاداره لاكن فيها كهرباء لتشغيل طقم الاشعال(البوجيهات) نفس الكلام
لو بطاريه فاضيه تماما ياوصله يا تتشد بعربيه عشان حتاخد وقت ومحتاجه سرعه عشان الدينمو يوصل كهربه لطقم الاشعال
شكرا ياباشا ..ياريت الخطوات بالترتيب وهل ادوس بنزيناقتباس:
المشاركة الأصلية كتبت بواسطة rotanamasoud
عادى انت بتعد وتفتح كونتاك كانها ديره وتعشق تانى وتفصل دبرياش وتنتظر اللحظه المناسبه ودوس البنزين او لا حسب تقديرك كانك بتدور بمارش محتاجه ولا مش محتاجه
اشيل رجلى من على الدرياج بسرعه ولا ببطء ..وامتى ادوس بنزين بعد لما اشيل رجلى من الدرياج ولا قبل
دوس دبرياج و هات التاني و خلي الناس تزقك لحد ما العربيه تجري وبعد كده تبدأ تدوس بنزين و في نفس الوقت تشيل رجلك من علي الدبرياج بالراحه. اهم حاجه ما تضغطش بنزين جامد علشان العربيه ما تشرقش منك. لو عايز نصيحتي خللي معاك كابل بطاريه احتياطي في العربيه بدل الزق
تفتح كونتاكت وتجيب التانى وتدوس دبرياج
الناس تزقك لحد سرعة مناسبة ، تشيل رجلك من ع الدبرياج العربية هتنتش منك
بعدين تدوس دبرياج تانى وبنزين ، العربية هتقف في مكانها بس المكنة هتدور ، بعدين تجيب اوﻻنى وتطلع عادى
جرب تعملها والعربية شغالة عادي ، يعنى مش وهى عطلانة فعلا عشان تفهم الفكرة
في مكان امان تيجى تبطل العربية وهى على سرعة 20 مثلا ، وبعدين تفتح كونتاكت وتجيب التانى وتسيب دبرياج وتدوس بنزين هتلاقى العربية دارت وكملت مشى
الفكرة لما تكون الناس هى اللى بتزقك بتشيل دبرياج وتدوس تانى عشان يدوبك الموتور يلقط والعربية ما تعملش حمل جامد عليه وتقوم واقفة منك تانى وتبطل ، او لو كنت بتتزق في حتة ضيقة ومش هينفع تدوس بنزين جامد يخلى العربية تجري وما تبطلش ، وطبعا كمان لان قوة الزق بتاعت الناس بتبقى يدوبك تخلى العربية تلقط بالعافية واول ما بتسيب دبرياج بتكلبش تانى في الارض
جرب التجربة كذا مرة على سرعات اقل ، 10 ، و 5
لحد ما تتقنها تماما ، طبعا مع السرعة الاقل بتبقى اصعب لان لو ما اتصرفتش صح بتكون العربية وقفت خالص منك ومحتاجة تتزق تانى
شكرا على الردود الجميله ..هجرب واقول لكم اللى حصل
اهم شئ متزودش بنزين بدون دبرياجاقتباس:
المشاركة الأصلية كتبت بواسطة juba8
علشان العربية متجريش منك مرة واحدة
هناك طريقة أخرى في حالة ضعف البطارية بدون زق للعربية ولكن هتحتاج شيئين:
1- بطارية أخري
2- صديق للمساعدة
الطريقة:
1- قم بفك بطاريتك وتركيب البطارية الأخرى
2-لا تقم بربط الكابلات على البطارية الأخرى
3-دور سيارتك وأبقي قدمك على دواسة البنزين (ضغط بسيط)
4- مع الحفاظ على ضغطة قدمك على البنزين يقوم صديقك بفك البطارية السليمة أو المساعدة ويركب بطاريتك الضعيفة القديمة
5- زود من ضغط البنزين قليلاً لدقيقة مثلاً ثم امشي بالسيارة حتى يتم شحن البطارية
6- أعد ربط كلبلات البطارية مرة أخرى بعد شحنها.
7- حاول إجراء كشف لمعرفة السبب العطل إن كان مجهولاً حتى لا تتكرر مرة أخرى
هذه الطريقة مجربة
وبالتوفيق
فى طريقه شوفت كهربائى بيدور بها معرفش ازاى
بيعتمد على الزق+التدوير بالمفتاح كذا مره ورا بعض لغايه ما تلقط
أنا عن نفسى اقوم بالطريقة التى ذكرها اخى الكريم mtageldeen
بس طبعا كل الطرق ايضا التى قام بذكرها باقى الاخوة سليمة