أن شاء الله نويت أحجز السنترا

أن شاء الله نويت أحجز السنترا يوم الجمعه الجايه الهاى لاين ومحتار بين اللون الفضى والفرانى .. أنا شخصيا بحب اللون الفضى بصفه عامه وكان معايا صنى 2010 فضى لكن اللون الفرانى برده عليها شايفه حلو أوى وشايف معظم الاعلانات اللى عليها بتبقى فى اللون الفرانى وحاسس أن ده اللون الماستر بتاعها .. فياريت تدونى أراءكم فى موضوع اللون ده ومخبيش عليكم انى من ساعه ماكانت معايا الصنى وأنا بحلم بالعربيه دى ومتابعها بقالى سنتين على النت ولما بعت الصنى كان نفسى الوكيل ينزلها وكنت مستنيها والحمد لله ربنا حقق الحلم وربنا يكملها على خير وميحصلش مشاكل وشكرا مسبقا على تفاعلكم

عربية محترمة جدا

تستلم على خير ان شاء الله

هو الوكيل نزلها مصر خلاص؟

اصبرررررررررررررر العربيه شكلها فقيرة جدااااا و اشك في مدي انتشارهااا و خد بالك ان الكروز هتغير شكل و هيكون منافس قوي جدااا و برضه الله اعلم بمشاكل الدفعه الاولي اللي بتشرف مصر لان كل العربيات زي الكروز و التويوتا كورولا و الفلونس كان فيهم مشاكل في الدفعات الاولي

و اهلا باهل السادات انا كمان مقيم هناااك

أهلا بيك طب مقيم فين فى السادات ومقر عملك ايه

العربية لو ملحقتش تحجز حضرتك دلوقتى هتغلي ومتخصص ٧ عربيات بيع بالشهر فقط لكل فرع وخلال ٦ اشهر هتتجمع في مصر فهاتها تايلاندى احسن ،تقفيلها كويس هى نفس فئة السبورت هنا في الخليج لكن بدون شاشة ولا بلوتوث ولا كاميرا
ارشحلك الرمادي او الفيرانى كما يسمى لان الفضى مش ميتاللك زى ما احنا متعودين عليه بتلاقيه مطفى ويليه الابيض اللؤلؤى اللي مدي علي كريمى تحفة عليها غير طبعا النبيتى واهم حاجة تبعد عن الاسود والكحلى

الفيراني والنبيتي

طيب الاخ اللى بيقول أن الفضى مش ميتالك عرق منين المعلومه دى .. أنا كنت ناوى على الفرانى بس لما شوفته ما عجبنيش اوى مصغر العربيه شويه بالرغم ان العربيه كبيره