اقرا كتالوج عربيتك... هتستريح

**MOTOR HEAD** · 08-08-2014 04:03 AM

ياريت الناس تبص فى حتى مش لازم يعنى يفصصوه

تلاقى ناس جيبه عربيه موديل السنه و يقولك الكتالوج ضاع منى :(

**Ahmed Saad** · 08-08-2014 11:28 AM

كلامك صح 100% وده اللي الواحد بيهاتي فيه في المنتدى ان عمرنا ماهنبقي فاهمين اكتر من اللي صنع العربيه دي سلعته وبيقولك اعمل وماتعملش للحصول على أداء سليم من بضاعته بس احنا بنسلم دماغنا للفتايين زي مثلا واحد صاحبي لسه جايب فيرنا زيرو وبيقوللي دانا بقى في الصيف بحط زيت 3000 وانزله على 2000 علشان أحافظ على الموتور طب أقوله ايه ده طب يعم يهديك يرضيك مش مقتنع افتح الكتالوج واقراه يقوللي وانا ايه اللي يخليني احط زيت 10000كم واخليه كل ده في الموتور كده غلط وأحاول أقنعة ولاكن لا حياه لمن تنادي ده بقت ثقافه شعب

**khaled_yehya** · 08-08-2014 03:52 PM

المشاركة الأصلية كتبت بواسطة almohaor

انا قرأت الكتالوج كاملا يمكن خمس مرات قبل مااركب السيارة واسوقها لاول مرة وفضلت راكن العربية اكثر من شهر تحت البيت دون التحرك بها
لانه ببساطة ليست لى خبرة سابقة بالسيارات ولا اجزاءها ولا اعرف القيادة ولم اقود اى سيارة قبلها الا مرة واحدة على سيارة زميلى بارك الله فيه وذلك
لمعرفة الحركات الاساسية لتشغيل السيارة وايقافها وكيفية النقلات للغيارات
وده اللى شجعنى ان اقود سيارتى الزيرو لوحدى ولاول مرة بدون مساعدة احد بعون الله وفضله ولفيت بها المربع السكنى بفضل الله والعودة سالما وبعدها تكرر تجربة القيادة يوم بد يوم والحمد الله الان بقيت تمام فى القيادة وكل كام شهر اعيد قراته
لتنشيط العلومات والكتالوج فعلا ساعدنى على ان اقوم بنفسى بتغيير عدد اتنين فيوز تالف وكمان ركبت فلتر للتكييف اللى غبور منزل الفيرنا الفول اوبشن من غيره برضه بنفسى وكمان تغيير لمبات الصالون الداخلية بلمبات ليد وكمان متابعة جميع السوائل بالعربية من زيوت وماء ردياتير ومساحة وكمان ماء البطارية
وكمان تغيير الكاوتش او فكه وتركيب الاستبن واكتشفت ان كتالوج الراديو به خطأ فى ترتيب الصفحات عند تجميعه عند برمجة وضبط الراديو وقمت باعدة ترتيب صفحاته
الخلاصة لاغنى فعلا عن كتالوج السيارة والالمام به لمراجعه السيارة والتأكد من سلامة اجزاءها خلال استعمالك لها مع بيان جدول للصاينة الدورية الخاص بها

ان شاء الله ح استلم عربيتى الاسبوع ومفيش خبرة بالسواقة
وخايف من العربية ومشاكلها بس كلامك ده بيشجعنى
جزاك الله خيراً

**almohaor** · 08-08-2014 07:53 PM

المشاركة الأصلية كتبت بواسطة borio1704

ربنا يباركلك في العربية إن شاء الله

وصدقني.. مع إن حضرتك ممكن تكون جديد نسبيا في السواقة.. بس أتوقع إن حضرتك عندك إلمام بحاجات كتير أكتر من ناس تانية سايقة عربياتها بقالها 10-20 سنة.

تحياتي لك.

شكرا لكم اخى الكريم وربنا يبارك فيكم
المسأله ترجع فى الاول للاستعداد الشخصى
ويمكن بحكم عملى كمدير فنى بالشركة التى كنت اعمل بها قبل خروجى للمعاش انى كنت اهتم( بالتفاصيل الدقيقة)
يعنى ايه سبب العطل وايه مواصفات قطعه الغيار المطلوبة سواء للشراء او التصنيع حتى تكون مطابقة للاصلية مع مراجعة عمليات الفك والتركيب حسب الاصول الفنية كما الاشتراك فى تركيب خطوط انتاج جديدة فى فروع الشركة ومتابعه تجارب التشغيل والاستلام ومطابقة القدرة الانتاجية ومواصفات المنتج حسب شروط التعاقد
كل ده بيلزمك انك تتطلع على كتالوجات المعدات
وطبعا اى كتالوج معمول لاى جهاز او معدة الصانع بيعمله عشان تعرف الاجزاء وكيفية التعامل معها سواء بالتشغيل الامن او الصيانة لتحصل على قدرة وكفاءة وطول عمر افتراضى اطول
للمعدة

وتقبل منى عظيم احترامى لسيادتكم

...

**almohaor** · 08-08-2014 08:22 PM

المشاركة الأصلية كتبت بواسطة khaled_yehya

ان شاء الله ح استلم عربيتى الاسبوع ومفيش خبرة بالسواقة
وخايف من العربية ومشاكلها بس كلامك ده بيشجعنى
جزاك الله خيراً

الف مبروك اخى الكريم وربنا يديك خيرها ويكفيك شرها

بس خللى بالك انا تجربتى فيه ظروف فرضتها على وقتها انى اعلم نفسى بنفسى السواقة

اولا انا اشتريت العربية ورخصتها قبل ثورة 25 يناير بعشرة ايام
والمرور ايامها تعيش انت ادمر عن اخره و واتعلمت فى الفترة دى السواقة لدرجة انى كنت باروح بالسيارة لحضور دورة تعليم القيادة بعد ستة شهور من الثورة وكانت دورة نظرية يعنى كنت اتعلمت قبل استخراج رخصة القيادة فعليا

ثانيا وده الاهم عدم وجود مراكز لتعليم القيادة بالسويس وقتها
ثالثا انا ساكن فى مدينة سكنية جديدة طبعا شوارعها الداخلية والرئيسية واسعه جدا ولا كثافة مرورية عليها وده اللى شجعنى انى اجرب السيارة بنفسى انى اخد لفة كل يوم ويوم بعد يوم اكبر محيط اللفة وهكذا حتى الخروج للشوارع العمومية
رابعا لازم يبقى عندك ثقة بالنفس لتسوق وتتحكم بالسيارة ولازم تكون منتبه للطريق من جميع الجهات والمرايات بتساعدك على كده ولا اتعدى سرعة 30
وكنت باشغل انوار الانتظار على طول وانا ماشى عشان اعرف اللى حولى انى البيه لسه خام سواقة...هههههههه واهم حاجة التركيز والهدوء وانك تمشى صح وسيبك من تعليقات سائقى السيارات الاخرى اللازعة عليك وكلاكساتهم لافزاعك وبالذات الاجرةههههههههه حتى لاترتبك
خامس حاجة وده كان دافع لى ..كنت بشوف بنات وسيدات بيسوقوا سيارتهم بثقة ..طيب ليه انا بقى ابقى خايف من القيادة ..يعنى هم موش احسن منى ..موش كده والاايه

طبعا المامك بالكتالوج واجزاء السيارة مهم جدا
ونصيحة لحضرتك
والاهم طبعا انك تلتحق( بمركز لتعليم القيادة) وان لم يكن موجود خللى حد من اصدقئك او اقاربك يعلمك ويفضل يكو ن فى مكان وطريق غير مزدحم وراح تلاقى الموضوع سهل وموفق باذن الله تعالى

**khaled_yehya** · 08-08-2014 10:32 PM

المشاركة الأصلية كتبت بواسطة almohaor

الف مبروك اخى الكريم وربنا يديك خيرها ويكفيك شرها

بس خللى بالك انا تجربتى فيه ظروف فرضتها على وقتها انى اعلم نفسى بنفسى السواقة

اولا انا اشتريت العربية ورخصتها قبل ثورة 25 يناير بعشرة ايام
والمرور ايامها تعيش انت ادمر عن اخره و واتعلمت فى الفترة دى السواقة لدرجة انى كنت باروح بالسيارة لحضور دورة تعليم القيادة بعد ستة شهور من الثورة وكانت دورة نظرية يعنى كنت اتعلمت قبل استخراج رخصة القيادة فعليا

ثانيا وده الاهم عدم وجود مراكز لتعليم القيادة بالسويس وقتها
ثالثا انا ساكن فى مدينة سكنية جديدة طبعا شوارعها الداخلية والرئيسية واسعه جدا ولا كثافة مرورية عليها وده اللى شجعنى انى اجرب السيارة بنفسى انى اخد لفة كل يوم ويوم بعد يوم اكبر محيط اللفة وهكذا حتى الخروج للشوارع العمومية
رابعا لازم يبقى عندك ثقة بالنفس لتسوق وتتحكم بالسيارة ولازم تكون منتبه للطريق من جميع الجهات والمرايات بتساعدك على كده ولا اتعدى سرعة 30
وكنت باشغل انوار الانتظار على طول وانا ماشى عشان اعرف اللى حولى انى البيه لسه خام سواقة...هههههههه واهم حاجة التركيز والهدوء وانك تمشى صح وسيبك من تعليقات سائقى السيارات الاخرى اللازعة عليك وكلاكساتهم لافزاعك وبالذات الاجرةههههههههه حتى لاترتبك
خامس حاجة وده كان دافع لى ..كنت بشوف بنات وسيدات بيسوقوا سيارتهم بثقة ..طيب ليه انا بقى ابقى خايف من القيادة ..يعنى هم موش احسن منى ..موش كده والاايه

طبعا المامك بالكتالوج واجزاء السيارة مهم جدا
ونصيحة لحضرتك
والاهم طبعا انك تلتحق( بمركز لتعليم القيادة) وان لم يكن موجود خللى حد من اصدقئك او اقاربك يعلمك ويفضل يكو ن فى مكان وطريق غير مزدحم وراح تلاقى الموضوع سهل وموفق باذن الله تعالى

بشكرك جدا على النصائح الغالية دى
أنا ساكن بمطروح وطبعا مفيش مراكز لتعليم السواقة
بس الدنيا هادية فى مطروح والشوارع اغلبها كويسة يعنى مش ضيقة ولا واسعة معقولة (بس ده كله بعد الصيف م يخلص)
وفعلا اهم حاجة بالسواقة وده اللى اتعلمته لما طلعت الرخصة الشهر الماضى الثقة بالنفس وعدم الخوف وفيه حاجة كمان تحفيز نفسك زى المثال اللى انت ذكرته (كنت بشوف بنات وسيدات بيسوقوا سيارتهم بثقة ..طيب ليه انا بقى ابقى خايف من القيادة ..يعنى هم موش احسن منى ..موش كده والاايه)
اسف على الاطالة وجزاك الله خيرا