القديمه كانت لانسر 2004 بومه ودلوقت سوبر اكشن 2008 ما شفتش حاجه بوظها البنزين 80
عرض للطباعة
القديمه كانت لانسر 2004 بومه ودلوقت سوبر اكشن 2008 ما شفتش حاجه بوظها البنزين 80
كدة هادمر الموتور خلال سنتين تلاتة بالكتير
اهم حاجه تعرف نسبه انضغاط الوتور عندك كام
و على هذا الاساس تحدد ينفع تحط 80 و لا لأ
متجيش تفتح موضوع بعد شوية تشتكى من النيسان وتقول موتورها عايز نص عمرة و توكيل سيء الخ الخ الخ
طالما ارتضيت يبقي ارضي !
كنت قريت هنا مشاركه في المنتدى ..بس مش فاكر إسمها ..واحد معاه فيات أونو موديل 2004 تقريبا ..أو 2003 ..مش فاكر بالضبط ..المهم العرييه عنده كان فيها برجله ورعشه ..ومحدش عرف سببها ..غير أي شيء ممكن أي حد ينصحه بتغييره في المعتاد ..زي بوجيهات وفلاتر وتنظيف بوابه وعمل حاجات كتير قوي ..مع العلم إنه كان بيحط بنزين 80 من يوم ما جابها من الزيرو وده بناء على كلامه ..وبعد ظهور المشكلة اللي بدون حل دي كان من ضمن الحلول إن بطل بنزين 80 ده أصلا وبدأ يحط 90 ..أيام ما كان في بنزين 90 في 2013 ...لإن المشاركة دي أنا قاريها أياميها في 2013 ..المهم آخر ما غلب راح التوكيل بتاع فيات عشان يشوف حل للمشكلة دي من اللي صنع العربية نفسها ..وكانت المفاجأه ..إن البوابه عاوزه تتغير ..وما ينفعش فيها تصليح ..وبعد ما قالولو إن البوابه هتتكلف 4000 جنيه ..رجعوا قالولوه ده المانفول بالبوابه كلها عاوز يتغير ..وطلعت التكلفة 7000 جنيه ..ولما سأل إيه سبب تلف البوابه ..قالولو كتير إستخدام المنظفات ..مع إستخدام وقود غير موصى به من المصنع ..المهم الراجل صاحب العربيه كان خايف يروح يشتري المانفول من بره إستعمال على حسابه ..تطلع المشكله مش من المانفول ..وكده بقى بين نارين ..إما إنه يغير عند التوكيل بضمانة التوكيل ..أو إنه يغير بره على حسابه ويجيب حاجه إستيراد ..وعلى التجربة ..
دي مشاركة لواحد معرفوش ..بس من ساعتها وهي معلقة معايا ..ودايما أقول لنفسي ..هتوفر كام في كام سنه ..عشان تدفعهم مره واحده في سنة واحده
كتر استخدام المنظفات
هو ده السبب الوحيد اعتقد
ده علشان المنظفات اللي في السوق فيها ماده قريبه من ميه النار زي المياه الخضرا بالظبط وللاسف في ناس كتير متعرفش، المهم ـ العربيه اللي معايا دلوقت مكتوب عليها انه ينصح باستعمال بنزين 95 فقط ووالله من ساعه ما اشترتها عمري ما فولت 95 ولا اعرف سعره كام ولا باظت ولا بوابه ولا اي حاجه وبعدين مفيش بنزين بيبوظ عربيه اققف مع اي ميكانيكي هاتشوفه بيغير كل يوم مواتير ياما واكيد برده مش بسبب البنزين اما موضوع 7000 جنيه في التوكيل فده عادي توكيل وفي مصر وعموما دي تجربتي
هتحس ان السحب اقل
وممكن تسمع صوت تسقيف خاصه مع التكييف والحر هتلاحظها لو حاولت تقرص فى مطلع كوبرى
الصوت هيكون اعلى حاجه بسيطه
هتحس بفرق كبير فى السعر والموضوع فى الاخر يرجع لراحتك النفسيه
من وجهه نظرى ان الضرر هايبقى على التسقيف لو حصل وده يعتمد على اسلوب السواقه والظروف كمان من ناحيه الجو والعربيه محمله الخ... الكلام ده وطبعا التسقيف مضرر على المدى الطويل
حاجه تانيه بقى دى اجتهاد منى
انه بسبب ان البنزين غير مناسب يبقى القدره هاتقل وعلشان حضرتك تعوض القدره دى هاتضطر تقرص على الماتور علشان تاخد منه عزم مناسب فالموضوع يتوقف عليك