عرض للطباعة
السلام عليكم
عارفه ان في مواضيع عنهم قبل كده بس عايزه اسال حد جديد اشتري اي عربية فيهم بالنسبة لموديلات ٢٠١٥
الحقيقة جوزي محتار جدا بين العربيتين وقولت اسالكم هو ملهوش في مواضيع ع النت
انا شايفه في ميزة في الهيونداي انها مش بتغير شكلها كل سنتين تلاته زي كيا فمتحسش ان العربية قدمت بسرعة
وكمان عفشتها انعم من الكيا
لكن بردو الاسبورتاج قوية
الحقيقة انا مش عارفه ايه الفروق الجوهرية بينهم فياريت تساعدوني لاننا تعبنا من التفكير
ال ااي اكس اعلي مبيعات في مصر حاليا لفئتها
السبورتاج سمعة اقوى
السلام عليكم واضح من نوعية الاختيار هو التركيز على سيارة عالية عن الارض و مريحة من جهة العفشة و الصالون الداخلى و ده نفس اللى بفكر فيه بعد ما سافرت الغردقة بسيارة لاندكروزر ( مش بتعتى) حسيت بالفرق الكبير فى الراحة فى القيادة وبين سيرتى النيسان وطبعا شرائها بالنسبة لى و للكثيريين غير اقتصادى بالمرة سواء سعرها او صيانتها او استهلاك الوقود 4800 سى سى و البديل المتاح لنا الجراند تريوس ( صالونها معجبنيش ) و السبورتاج و الهونداى اكس اى و هما قربين من بعض جدا و ده سبب التردد عموما اعتقد لازم الواحد يجرب السيارة بنفسه او على الاقل يجلس فى صالون السيارة و يقودها ولو للحظات علشان فى شئ اسمه القبول النفسى و الاحساس بالراحة و ده يختلف من شخص لاخر و اعتقد ده المحك لان العربييتين متقاربتين و اخيرا لو تشابهت الاذواق لبارت السلع و بالتوفيق ان شاء الله
بخصوص الشكل العربيتين قربوا يغيروا الشكل بعد حوالى سنه
الأفضل يستنى القشقاى الجديدة هتنزل في شهر 10 ان شاء الله
وافضل من الاتنين
بميل للكيا اكتر
لو انا يبقى هختار سبورتاج
فعلا اا
شكرا لمشاركة حضرتك
اقتباس:
المشاركة الأصلية كتبت بواسطة mohaismail
قشقاي لسه نازله لحقو ينزلو منها تاني جديد
ال ix فى ناس اشتكت من تقفيلها
رأيي سبورتاج
في الفئة ديه بحس ان كل السيارات مبالغ في سعرها سواء سبورتج او اي اكس 35 او قشقاي وخاصة ان ولا واحدة فيهم 4x4 الي بحس سعرها فيها سوبارو xv لو هتجيب سيارة مش بتفكر تبعها قريب في رايي افضل اختيار
اكيد طبعا غاليين بس ايه في العربيات رخيص في مصر كله كده
اقتباس:
المشاركة الأصلية كتبت بواسطة j a g u a r
لحقت ناس اشتكت من تقفيلها
حضرتك قريت ده هنا في المنتدي ولا من اصحاب ليك
هنا فى المنتدىاقتباس:
المشاركة الأصلية كتبت بواسطة Shiemaa
كيا سبورتاج
انا سالت اذا كان في حد اشتكي من تقفيل الهيونداي محدش رد علي
ينتظر النيسان قشقاي 2015 أفضل
ليه ايه الفرق فيها ؟ كدا حد قال كده بس ايه الفرق
حضرتك اركبى العربيتين وشوفى تقفيلهماقتباس:
المشاركة الأصلية كتبت بواسطة shiemaa
بالنسبه للوسع الداخلي الix35 اوسعهم , وتيجي بعدها السبورتاج بفرق بسيط وفي الاخر القشقاي الجديده لانها اضيقهم في الكنبه الخلفيه .
تقفيل/وخامات /الشياكه/الحداثه للصالون الداخلي : هنا القشقاي تكسب وتيجي بعدها السبورتج وفي الاخر الIX35
انظمة التعليق في المطبات : هنا القشقاي تكسب لانها انعم وال ix35 والسبورتاج زي بعض.
الثبات على الطريق : تقريبا مفيش فروق كبيرة بينهم.
الشنطه : الix35 والسبورتاج تقريبا نفس الوسع , بس القشقاي اصغر بكتير حوالي 25%
الاوبـشنز: السبورتاج أول فئه افضل من الix35 أول فئه ( فيها EBD - حساس مطر - باركينج سنسورز - بلوتوث ) وبالنسبه للقشقاي لسه منزلتش مصر فـمش عارفين سعرها ولا الأوبشنز بتاعتها.
الضمان : هنا السبورتج تكسب بال 5 سنين ضمان أو 100 ألف كيلو , القشقاي والix35 تلات سنين بس .
بالنسبه لتغيير الشكل : الix35 هينزل الشكل الجديد في معرض ألمانيا في نوفمبر , متوقع ينزل مصر على نص السنة الجاية أو اخرها حسب الوكيل.
السبورتاج الشكل الجديد متوقع مش قبل 2017 حسب بعض المواقع المختصه بالسيارات.
القشقاي طبعا لسة جديد هينزل على اكتوبر ان شاء الله.
وربنا يوفقك.
ربنا يكرمك متشكرة اوي علي مقارنتك
افدتني كتير
السلام عليكم
أنا اشتريت أي اكس 35 2015 العربية ماشاءالله ممتازة و موضوع التقفيل ده أنا مش فاهمه ساعات الناس بتحب تقول كلام و خلاص.. يعني ايه تقفيل؟! العربية تجميع و مواصفات أوروبية و الملاحظة الوحيدة أن الشنطة الخلفية فيها صوت بسيط في المطبات و بتتعمل في التوكيل في الضمان مجانا و ضمانها على فكرة خمس سنين و للعلم هيونداي في كوريا نفسها مبيعاتها ضعف مبيعات كيا بس اللي بيدور على تسارع سريع وعربية رياضية مش هتعجبه لأنها عربية عائلية
اسبوتاج
اقتباس:
المشاركة الأصلية كتبت بواسطة nader salim
الف مبروك وربنا يباركلك فيها ويكفيك شر الطريق
جوزي خلاص حجز السبورتاج وربنا يسهل
تقرير مختصر عن IX 35 Full Loaded الفئة الاعلى ..
املك السيارة منذ عام .. وهذه ملاحظاتي ووجهة نظري في السيارة في منتهى الامانة وبتأكيد اصدقاء لي تم تجربة السيارة من خلالهم للرغبة في شراء IX 35 ..
1- الشكل العام للسيارة .. جيد جدا
2- العفشة .. جيده جدا
3- الإضاءة الداخلية والخارجية .. جيده جدا
4- الكلاكس .. الصوت ضعيف وغير مناسب لحجم السيارة
6- المساحة الداخلية للركاب والشنطة .. جيده جدا
7- كونسول الميديا .. جيد ( كنت افضل ان يكون الكونسول DVD باللمس )
8- المقاعد ومساند الرأس .. فاخرة
9- التكييف .. جيد جدا ( علما بأنه لا يوجد خرج للمقاعد الخلفية ولكن الفتحات الامامية كافية للتوزيع لمساحة السيارة .. بشهادة الجالسين بالمقاعد الخلفية )
10- كونسول القيادة .. جيد جدا
11- استهلاك البنزين .. جيد جدا
12- الثبات .. جيد جدا ( طريق السخنة الغردقة .. تم الوصول الى سرعة 180 كم .. وكانت هذه اقصى سرعة للسيارة .. بمعنى الضغط الكامل على دواسة البنزين .. علما بأن اقصى سرعة للسيارة هى 220 كم .. وبالرجوع للتوكيل افادوا بأن هذه السرعة فعلا هى اقصى سرعة للأمان .. ولكن للوصول للسرعة 220 كم .. يوجد قطعة من الجلد اسفل دواسة البنزين يمكن نزعها .. ولكن على مسئوليتك )
13- اوبشن السيارة .. جيدة جدا ( وكنت اتمنى ان يكون هناك ماكينة الرفع للزجاج وايضا غلق الابواب أوتوماتيكيا عند تشغيل السيارة والعكس Center Lock .
14- بالنسبة لوضع التربو .. وهو زيادة السرعة بشكل لحظي لتخطي سيارة ما .. لم يكن واضح بالنسبة لي .. وبالرجوع للتوكيل .. افادوا بأن وضع التربو هو تحويل عصا الفتيس من الوضع الاوتوماتيك الى الوضع الرياضي ( اليدوي 6 سرعات ) وتحريك العصا الى الوضع السالب ( الاسفل ) .. وبصراحة لم يتم تجربة هذا الوضع حتى الان ؟؟؟
هذه وجهة نظري الشخصية .. اما بالنسبة للسيارات الأخرى .. الله اعلم
مع تحياتي