ما خاب من استشار تحت امركم فى اى استشارات مالية او عقارية

**mfe** · 07-08-2014 02:43 AM

المشاركة الأصلية كتبت بواسطة ah.farid

د محمد السﻻم عليكم
فى مشاركة سابقة كنت اتكلمت عن فرص اﻻستثمار فى اراضى بمدينة بدر امام مدينتى والمكان هناك شاسع هل لديك معلومات اكتر عن جعرافية المكان واسعارة اكون شاكر جدا

المشاركة دى لحضرتك و استاذ عبد الحكيم
بص ياباشا بدر مدينة قديمة من اقدم المدن الجديدة فى مصر نقول ايه عيوبها و مزاياها
عيوبها الاول
معظم السكان القدامى من الطبقة المتوسطة او اقل
فيها مساكن شعبية فى بعض اجزائها
بعدها النسبى عن القاهرة
طب المزايا
مدينة جميلة و منظمة
فيها اراضى كتير فاضية معظمها فاضى
فيها كل الخدمات الممكنة
طيب انا برشح ايه بالضبط فى بدر
القصة و ما فيها ان الدولة كانت بتنزل ارض بدر تخصيص و قرعة مساحات صغيرة محدش كان بيحجز فيها كله رايح على الشروق و العبور ففى سنة من السنين ٢٠٠٧ على ما اذكر او ٢٠٠٨ الدولة اتجننت و راحوا مقسمين واجهة المدينة على طريق السويس الى هو اميز منطقة قسمين قسم حصصوه مشروعات و التانى اراضر فيلل بمساحات من ٦٠٠ الى ١٦٠٠ متر و راحو منزلينها قرعة و كانت القرعة الرابعة ساعتها
الاراضى ساعتها اتباعت كلها لبناء فيلل دورين على ٤٠٪ من مساحة الارض
المفاجاة كمان انهم عملوها منطقة مغلقة محاطة بحزام اخضر من جميع الجهات و ليها ثلاثة مداخل بس عليها بوابات امنية
يعنى مبقاش ليك علاقة ببدر نفسها بقت كانها منطقة قيلات على طريق السويس ادام مدينتى
طبعا الى موقفها اسم مدينة بدر لكن الواقع العملى من جودة السكن اقدر اقارنها بالشروق الى السعر فيها ثلاثة اضعاف على الاقل
طب لما نعرف كمان ان جامعة بدر الجديدة هتبقى جنبها و ان مركز تسوق عالمى هيبقى جنبها مباشرة يبقى نتحمس اكتر شوية
طب لما بقى كمان نعرف ان الدولة سعرت المتر من سنتين فى المنطقة دى ب ٢٥٠ دولار المتر كاراضى العاملين فى الخارج يبقى نقدر ساعتها نعتبر انها فرصة معمارية
طب احنى ناخدها و نستنى ايه او هتعلى امتى
اما مشروع مصر الجديدة يتبنى و هو مش بعيد عنها و يطرح متر الارض فيه ب ٥ الاف و اما القوات المسلحة تبدا فى الامتداد الى بعدها يبقى ساعتها نبيع بمكسب او نسكن و احنا فرحانين بمستوى السكن الى حوالينا
الى عايز يروح الارض هى واجهة بدر على طريق السويس و معظمها مبنى مش ارض فاضية و فيها قصور بمعنى الكلمة اول متدخل بدر خش يمين من طريق ضيق هتلاقى بوابة امنية هيفتحلك عادى خش و هتلاقى ناس كتير عارضين بس لف شوية و خد ارقام و اسال و دور و فاصل
و لو خدت و ربنا كرمك فيها فى يوم من الايام ان شاء الله بس ادعيلى دعوة حلوة

**mfe** · 07-08-2014 02:47 AM

المشاركة الأصلية كتبت بواسطة buisnessman

السلام عليكم
أنا واتنين من أصدقاءي معنا نبلغ 80000 جنيه وكنا عاوزين نستثمره
هل فيه أي فكرة بالنسبة للمشاريع والاستثمارات المرتبطة بتخصص حضرتك ينفع فيها المبلغ ده
وكم العائد المتوقع لها
؟

بص ياباشا نقدر نستبعد الاستثمار العقارى لانه فى الحالة دى مش مجدى
يبقى نركز على حجتين الاستثمار المالى يعنى الاسهم او مشروعات صغيرة قولى تخصص حضرتك و انا هفيدك ان شاء الله

**mfe** · 07-08-2014 02:58 AM

فى مشاركة فى الموضوع التانى كائن زميل فاضل بسئل عن الفرق بين التاون هاوس و التوين
هوضح النقطة دى
اى كومباوند بيبقى فيه خمسة انواع من النمازج او بعضها
بالترتيب من الاغلى الى الارخص
اولا الفيلا دى بتبقى بدروم و ارض دور اول او ارض و دور اول بس و طبعا السطح البنى بيبقى على ٢٥٪ من مساحة الارض و الباقى حديقة بتاعة الفيلا طبعا المساحات بتختلف و دى بتبقى اغلى وحدة فى اى كومباوند
ثانيا التوين هاوس تقريبا نفس مساحة ارض الفيلا او اكبر حبتين بس مبنية على فيلتين مشتركين مع بعض فى ضلع جانبى او خلفى
يعنى الجنينة بتبقى شبه مشتركة ما بين فيلتين كانك واخد نصف فيلا بس بينهم سور طبعا
التاون هاوس القطة الواحدة هنا بتتقسم اربع فيلات صغيرة مع الضلع الجانبى و الضلع الخلفى كانك واخد ربع فيلا او ربع مبنى. و المساحة بتبقى تانى مساحة الفيلا او اكبر على حسب التصميم
الدوبلكس او اى فيلا بتبقى فيلا جوة عمارة سكنية على دورين من ادوار العمارة دى
الشقة كلنا عارفينها مش محتاجة شرح

**عبدالحكيم** · 07-08-2014 09:03 AM

شكراً جزيلاً لك يا دكتور محمد، ربي يجيزك خير ويبارك في عمرك.. أتذكر إن أستاذنا في الجامعة قال لنا كلمة لازلت أتذكرها: العلم مثل المال كلما أعطيت منه زاد

طبعاً انت عارف إن غالبية المصريين في الخارج حلمهم "بيت" وأموالهم رايحة في شراء العقار أو الاستثمار العقاري، لذلك عندي بعض الأسئلة.. وبصفتك متخصص وخبير في السوق إن شاء الله تفيدنا:

أولاً: هل الأفضل - من ناحية التكلفة - شراء أرض ثم البناء عليها (بالنسبة لبيت عائلة أو فيلا) أم الأفضل شراء عقار جاهز؟ وهل تفضل شراء العقار الجاهز من شركة عقارية في مشروع أم من أفراد عاديين؟

ثانياً: ما هي المدن الجديدة الواعدة التي ترشحها الآن للسكن أو الاستثمار العقاري (ممكن رأيك في بدر والشروق)؟

ثالثاً: كيف أتأكد من صحة ملكية الأرض أو العقار (شقة/ فيلا) الذي اشتريته، في ظل حالات النصب التي نسمع عنها؟

رابعاً: ما رأيك في التجمع الأول؟ هل أسعاره ما زالت معقولة (أنا عشت فيه عام 2007 وأعجبني جداً)؟

خامساً: بالنسبة للاستثمار العقاري الذي يدر دخل شهري، هل الأفضل شراء محل تجاري في منطقة حيوية أو في مول وتأجيره، أم الأفضل شراء شقة أو فيلا وتأجيرها؟

سادساً: هل الأفضل للمواطن المغترب، الذي لا ينزل إلا للأجازة السنوية، شراء بيته الآن أم وضع الفلوس في البنك حتى النزول النهائي عندما يشاء الله بعد سنة أو عشرة ثم البحث عن عقار وشرائه؟

مع الشكر

**svneleven** · 07-08-2014 09:23 AM

ما شاء الله. الخبرة واضحة في كلامك. أنا كان عند شوية أسئلة كده:
ايجار المحل بيبقي نسبته كام من تمنه؟ و يا تري من تمنه بالتوضيب و الا من غير؟ و النسبة ديه بتتطبق في كل مكان في مصر و الا أماكن أماكن؟
لو واحد هيشتري عقار و يأجره. الأحسن يشتري محل و الا شقة و الا شالية؟
لو عندي شقة و عاوز أبيعها. الأحسن أوضبها و الا اسيبها نص تشطيب؟
ايه رأيك في مشروع محطة البنزين و هل فيه حاجة مكسبها مقارب ليه؟
أنا أسف علي الأسألة الكتير لكن ما صدقت لقيت حد فاهم.

**dongol123** · 07-08-2014 09:27 AM

المشاركة الأصلية كتبت بواسطة عبدالحكيم

سادساً: هل الأفضل للمواطن المغترب، الذي لا ينزل إلا للأجازة السنوية، شراء بيته الآن أم وضع الفلوس في البنك حتى النزول النهائي عندما يشاء الله بعد سنة أو عشرة ثم البحث عن عقار وشرائه؟

أنا كمان مهتم باجابة السؤال ده و منتظر الرد عليه

**hesham fawzy h** · 07-08-2014 09:35 AM

ممكن حضرتك تقول لنا بعض المشاريع الصغيرة التى لا يتعدى راس مالها من 50 الى 100 الف
بغض النظر عن تخصصى

وشكرا يا أ/ محمد على هذا الهجهود

**hesham fawzy h** · 07-08-2014 10:32 AM

تشكر يا أ/محمد على المجهود دة و مساعدتك للاخريييين ، فى ميزان حسناتك ان شاء الله

ممكن تقولى مشروع صغير بتكلفة لا تتعدى 100 الف و بصرف النظر عن تخصصى

**أبو_يوسف** · 07-08-2014 10:49 AM

أشكرك يا أستاذ محمد على الموضوع المفيد دا..

في اعلانات بشوفها في الجرائد بتقول امتلك فدان او مزرعة مثلا بالتقسيط وهنزرعها لك ونراعيها ونشتري الانتاج وممكن تبني بيت صغير في الارض دي .. مثال (أفرولاند)
ممكن تفيدنا اكتر في الموضوع دا؟ وازاي الواحد يتجنب احتمالات النصب عليه؟

**mfe** · 07-08-2014 11:00 AM

فى حاجات بس عايز اوضحها خاصة بالنسبة للى بيشتغل بره مصر
لو ناوى ترجع ان شاء الله متحطش فلوس فى البنك اشترى بيها عقار و خاصة قطعة ارض او حاجة فى كومبوند جديد بس اختار صح كده هتعمل اكبر عائد ممكن و دايما اختار فى منطقة جديدة متميزة او متوقع تبقى متميزة حاول تتخيل الى عينيك مش شايفاه دلوقتى
متقولش دى صحرا و مش هتعمر لا هتعمر و تتضاعف تمنها بس انت متستعجلش عليها
المصرى بطبعه مش مغامر فاستغل انت الموضوع ده و خليك انت المغامر و كل مازادت المغامرة ذاد المكسب و متقلقش مفيش حاجة اسعارها بتنزل فى مصر
شوف مثلا لو انت حجزت فى ماونتن فيو من سنتين بالضبط كنت هتحجز فى اول مرحلة ب 4 الاف جنيه دلوفتى المتر فوق السبعة الاف و هى اصلا لسة ما خلصتش و مكسبك مش هيبقى الفرق ده بس لا مكسبك اعلى بكتير لانك بتحسب انت دفعت كام كمقدم و لو حبيت تبيع دلوقتى هتاخد كام