ازاي اروح الزقازيق بالعربية من المعادي
عرض للطباعة
ازاي اروح الزقازيق بالعربية من المعادي
بص يا باشا هتمسك الدائرى اتجاه السلام او اتجاه اسكندريه الصحراوى وتفضل ماشى لحد متوصل عند نزلة العبور هتلاقى يافطه مكتوب عليها اتجاه العبور وبلبيس هيا النزله اسمها محور الفريق حاجه بس مش فاكر اسمه اوى المهم هتنزل النازله دى هتلاقى نفسك بقيت فى العبور هتفضل ماشى لاخر العبور زى ما انت لحد متقابلك البوابه اللى هتدفع منها الكارته وبعد كده الطريق هيبقى اجبارى لحد متوصل الكارته التانيه اللى هيا كارتة بلبيس وبعد كده هتفضل زى ما انت ماشى هتلاقى الطريق اجبارى كده كده لحد متوصل الزقازيق
لكن هو هياخد اتجاه اسكندرية الزراعي مش الصحراوي.
بص يا ريس
هتاخد الدائرى اتجاه السلام هتعدى علي اول نفق (التجمع الخامس) وتعدى على تانى نفق (نفق زهراء العاشر ) وبعد ما تعدى على مخرج طريق السويس بحوالى 4 كيلو هتلاقي مخرج المشير الشاذلي تسيب الدائري وتاخد مخرج المشير وفى اخر المخرج تمسك شمال وتاخد نفق العبور تاخد فى وشك على طول لغايه ما تقابل بوابه الصحراوى تدفع 2 ج رسوم وتاخد فى وشك طوالى لغايه البوابه الثانيه اخر الطريق بعد البوابه هتلاقي صانيه تاخد شمال وتاخد فى وشك هتعدى على الكليه الجويه وعلى ترعه - بعد ما تعدى الكوبرى بتاع الترعه دى بشويه نهايه الطريق تاخد يمين تمشي فى وشك على طول هتلاقي كوبري علوى تطلع من عليه وبعد بتاع 5 كيلو هتلاقي الطريق اجبارى يمين وهتعدى من على السكه الحديد وتاخد فى وشك على طول وبكدا تكون وصلت مفارق الزقازيق ونقدر نقولك الحمد لله على سلامتك
ولا اقولك شوف الخريطه ولو عاوز تروح اى مكان فى الزقازيق انا تحت امرك
https://www.google.com.eg/maps/dir/A...7935!3e0?hl=en
ودى خريطه بتوضح طريق الزقازيق عن طريق الاسكندريه الزراعى لو حابب تاخد الطريق دا
https://www.google.com.eg/maps/dir/A...!1m0!3e0?hl=en
فى نزلتين للعبور من على الدائرى نزلة المشيييير الشازلى و فى نزلة بعديها كمان مكتوب عليها العبور ، نزلة المشير مختصرة واسرع .
و ممكن نزل العبووور من النزلة الى بعد موقف العاشر (موقف السلام ) بعد دخلة الهايكستب بتاعت التجنيييد .
شوووف من اقربلك وروحو ..
بعد متنزل نزلة العبووور الى هى نفق العبوووور هتكمل على طوووول لحد متوصل للكارتة هتعدى الكارتة وتكمل على طوووول هتلاقى كارتة بلبييييس، كمل على طوووول اكنك رايح بلبييييس والطريق بعد كدة سهل و اجبارى .
اسال عند كارتة بلبيييس ارووووح الزقازيق ازاى علشان متتلخبطش فى الصينية بتاعت الطيارة
لو هتسال حد عن الطريق اسال محل او حد شكلة نظييييف على الطريق علشان بيبقي فى سرقة بللييييل :)
سافر بالنهار احسن
انا من الشرقية اصلا :)
من الدائرى بلبيس افضل بكتير
اسمه محور الفريق سعد الدين الشاذلى