المادة اللتى تتخلط بوقود الطائرات

**Sameh** · 20-10-2008 06:19 PM

المادة دى مش بتتخلط مع الوقود ولا حاجة ، دى (عبوات دخان) ملونة ، بتركب فى جسم الطيارة وبيبقا مع الطيار الكونترول فى فتحها وقفلها

أنا كنت فى الحرب الكيماوية فى الجيش وكان الدخان من ضمن مسئوليات الحرب الكيماوية ، لأنه بيستخدم فى التعارف بين التشكيلات من مسافات بعيدة بدون إستخدام اللاسلكى القابل للتصنت والتشويش ، وفى تغطية أهداف مهمة بإستخدام مولدات دخان لإنتاج سحب دخان على مساحة أكبر من الهدف بكتير فتقل فرصة إصابته من الجو، وفى تعمية خطوط هجوم العدو عن طريق صواريخ دخان بس مش هقول إسمها ، و كمان فى عبوات صغيرة تطلق من الدبابات والعربات المدرعة لعمل ستارة دخان تخفى تحرك طوابير الدبابات أو المدرعات لمنع التصويب عليها بدقة

ودلوقتى فيه أجهزة رؤية بالأشعة تحت الحمرا تخترق سحب الخان بسهولة ، فتم تطوير دخان يحتوى على مواد تعيق الأشعة تحت الحمرا

المهم ، المادة الملونة دى دخان ، عبارة عن مادة كيميائية معبأة فى عبوة ، تتفاعل مع الهواء بمجرد فتحها وتنتج دخان لمدة معينة ، وأنا جربتها بنفسى ، واللون يكون حسب المكونات

**abo_hosni** · 20-10-2008 06:52 PM

المشاركة الأصلية كتبت بواسطة Ramy_Ali

مشفتش عروض الطيارات بتعمل الوان فى الجو

أكيد شفت الألوان و العروض. بس حبيت أوضح النقطة دي لأن في ناس فاكرة الدخان الأبيض اللي ورا الطيارات (من غير عروض) هو دخان عادم أو لون مقصود. ده مجرد بخار مياه من العادم و اتكثف لما خرج للهواء البارد

+ نفس اللون الأبيض هتلاقيه ورا الأجنحة (مالوش علاقة بالعادم) بسبب فروق الضغط و تغير سرعة الهواء

Contrail
From Wikipedia

Why does an aircraft leave a white smoke trail?

لكن بالنسبة للألوان المقصودة في العروض و الحروب و كده "لا أعلم" مش عايز أفتي :)

**Nader** · 20-10-2008 07:00 PM

عادي جداً اطحن الموتور شوية لحد ما يفوت وهو يطلع لك احلى

دخان اسود تعمل بة تعمي بة كل اللي وراك زي ما بتعمل التكسيات

واتوبيسات النقل العام والميكروباصات!!

**ouba2** · 20-10-2008 08:05 PM

متهيالي الوان مع البنزين

**AHMEDCAR** · 21-10-2008 11:34 AM

المشاركة الأصلية كتبت بواسطة Nader

عادي جداً اطحن الموتور شوية لحد ما يفوت وهو يطلع لك احلى

دخان اسود تعمل بة تعمي بة كل اللي وراك زي ما بتعمل التكسيات

واتوبيسات النقل العام والميكروباصات!!

برنس كالعاده

**Ramy_Ali** · 21-10-2008 01:34 PM

طب كويس ان الموضوع ليه اصل اهو
زى ما الاخ بيجو وضح بصورة التانك
شكرا ياباشا على المعلومات القيمة

21-10-2008 01:44 PM

المشاركة الأصلية كتبت بواسطة Ramy_Ali

طب كويس ان الموضوع ليه اصل اهو
زى ما الاخ بيجو وضح بصورة التانك
شكرا ياباشا على المعلومات القيمة

you welcome bro
and i`ll send you the kit contents
and from where you can get it
and its setup diagram
insha` allah

**elbaz45** · 21-10-2008 01:53 PM

أحب ااكد ان دى فعلا عبوات دخان يتم اضافتها عند مخرج العادم للطائرات واذا تم فتحها تخرج مع عادم الطائرة . ولا يصلح بتاتا اضافتها غير ذلك لانه بدون الدخول فى تفاصيل محرك الطائرة gas turbine وليس كمحرك السيارة internal combustion engine أى ان محرك الطائرة ياخذ الهواء ويضغطه فىcompressor ضخم جدا ثم يتم اضافة حرارة له بعد ذلك عن ةطريق burner ثم بعد ذلك يحدث تمدد فى للهواء فى تربينة ومنها الى الخارج مسببة قوة الدفع والتى يطلق عليها thrust
أرجو ان اكون اوضحت الفكرة بشكل مبسط وغير معقد