باركولي يا جماعه اشتريت نوبيرا 2007 بس عندي كام ملحوظه يا ريت تفيدوني أولا العربيه بتغيب علي ما تدور و ممكن اضطر اديها سنه بنزين عشان تلقط يا تري ده بوجيهات ولا رشاشات و ثانيا بحس بهوا سخن تحت عند رجليا ده من ايه و شاكر لعمالقه النوبيرا
عرض للطباعة
باركولي يا جماعه اشتريت نوبيرا 2007 بس عندي كام ملحوظه يا ريت تفيدوني أولا العربيه بتغيب علي ما تدور و ممكن اضطر اديها سنه بنزين عشان تلقط يا تري ده بوجيهات ولا رشاشات و ثانيا بحس بهوا سخن تحت عند رجليا ده من ايه و شاكر لعمالقه النوبيرا
الف مبروك العربيه
غير الرشاشات و البوجيهات و هتلاقى الدواره بقى زى الفل ان شاء الله
وشوف العربيه محتاجه صيانات ايه واعملها
صيانة الكاتينة بتكون سير كاتينة و بليه ثابته و بليه متحركه و خلى الميكانيكى يبصلك لو فيه اى اويل سيل محتاج يتغير لو بيسرب زيت
و فلاتر الهو و البنزين و الزيت
تيل الفرامل
و بص على الكاوتش
الف مبروك
حضرتك عملت الصيانات الأساسية أول ما جبتها ؟ يعنى سيور وفلاتر وبوجيهات ولا لسه
انا شاريها من مكانيكي قالي انه عمل لها كل حاجه ماعدا البوجيهات طب و موضوع السخونيه اللي تحت عند البدالات ده ممكن يكون ايه ؟
ممكن السعر بعد اذنك
قبل تغيير الرشاشات او البوجيهات انت بتفتح الكونتكت وتستنى شوية ولا لا علشان طرمبة البنزين تحضر لو مش بتعمل كده جرب اعمل كده الاول
المشكله مش هتخرج من 3 نواحى (طرمب بنزين او رشاشات و الاعف احتمالا البوجيهات)
لو رشاشات غيرها بهيونداى النترا 2005
طرمبة البنزين الgm ب 450 الماليزى ب 350 الصينى ب 200 جميعهم كاملين
بوجيهات هات بتوع النوبيرا بالكود واسف على عدم تذكرى للكود ولو انى مش مقتنع انهم هينفعولكن انا بفضل عدد الشمات الاكثر (انا مركب بوجيهات عدد 3 شمعه )
و ربنا يكفيك شرها و يرزقك خيرها
و نصيحه غير كل السيور و البيلى عشان تبقى حاسب حجاتك و مشاويرك بنفسك
السخونه غالبا هتبقى الشكمان العلبه اللى فى الوسط وللتاكيد حط ايدك عند الكونسول لو سخن اعرف ان العلبه الوسط محتاجه تتغير (عندى نفس المشكله فى الدواسات + الكونسول)
ألف مبروك على النوبيرا الجميلة ربنا يعطيك خيرها ويكفيك شر الطريق
وأنصح حضرتك بأخراج صدقة
موضوع تاخيرالدوارة ده غالبا رشاشات