عندى فوق شمال
تحت يمين
هل ده طبيعى ولا مقلوبه عندى
عرض للطباعة
عندى فوق شمال
تحت يمين
هل ده طبيعى ولا مقلوبه عندى
لا يا زعيم هي كده مظبوطه
ووصيتي ليك حافظ علي العربيه ديه بعنيك من احلي و اجمل العربيات
انا معايا البيجو 504 و معايا لانسر بومه 2007 عفشة البيجو انعم بكتيرررررررررررررررر
طبيعى عشان اصلا الدراع على اليمين
عايز ما تتلخبطش (خصوصا لو بتركب عربيتين )
انت لما تبقى هتلف لاتجاه ، بص للدراع ، وكأنك هتلف ايدك في دايرة في الاتجاه اللى انت عايزه
يبقى لما الدراع يكون يمين (عند الساعة 3 ) وعايز تدي اشارة يمين ، يبقى لازم تضغط لتحت لان ده هيبقى اتجاه حركة ايدك الطبيعية على الدركسيون (مع عقارب الساعة للف يمين )
اي عربية تانية (الدراع عند الساعة 9 ) يبقى الاشارة اليمين لفوق لان ده بردو هيبقى الاتجاه اللى هيمشى مع حركة ايدك وانت بتلف
وطبعا مش منطقى في الـ 504 انك تبقى بتلف يمين مثلا وايدك رايحة لتحت من ناحية الدراع وتقوم محركه لفوق عشان تدى الاشارة
اى عربية مع اتجاه العقارب تنور اليمين
عكس العقارب تنور الشمال
السلام عليكم. حضرتك الاشارة كدا مضبوطة لو رفعت الدراع لفوق وانت بتلف شمال هيشغل اشارة شمال ولو نزلته لتحت هينور يمين. ولو الدراع سليم علي اصله هتلاقي انه بمجرد مترجع الدريكسيون لطبيعته الدراع يرد تاني لوقفته عند الساعة 3. وعلي فكرة انا بستمتع جدا لما بكون بلف يمين او شمال وماسك الطارة بايد واحد ان احرك دراع الاشارة بطرف صباعي باقل مجهود . وافكر حضرتك برضو ان هو نفس الدراع اللي بيشغل الكلاكس. .... برضو بطرف الاصبع.من غير ما تشيل ايدك من علي طارة الدريكسيون
وزي ما اعضاء كتير بيقولو لحضرتك ...حافظ عليها لانها عربية يعتمد عليها في المهام الصعبة.
بمناسبة البيجو 504 انا ليا استفسار واتمني ان السادة الاعضاء يفيدوني
انا محتاج عداد جديد (استيراد) طبعا بس يكون عداداته كلها شغالة مضبوط.
ومحتاج اسطوانة وديسك بس اصلي. فاتمني حد يقولي فين الاقيهم في القاهرة.
انا عندي في اسيوط كل حاجة البيجو بس طبعا اغلب المحلات بتشتغل في الصيني ولو لقيت حاجة نضيفة بتكون اسعارها نار.
في القاهرة انا ساكن في جسر السويس علشان لو حد تكرم بالرد يا ريت يوصف لي اروح المكان ازاي من منطقة سكني. ولكم جزيل الشكر جميعا