المشكلة مش مشكلة كارفور ديه مشكلة الشرطة. كارفور عامل الجراج ببلاش خدمة للناس و كاتب أنه مش مسؤل عن السيارات تماما.
المشكلة مش مشكلة كارفور ديه مشكلة الشرطة. كارفور عامل الجراج ببلاش خدمة للناس و كاتب أنه مش مسؤل عن السيارات تماما.
لا كلام حضرتك غلط المشكلة مشكلة كارفور والا مكنش يفتش العربيات اللي داخلة ويوقفها ويفتح شنطها
مع أحترامى للجميع فيه فرق بين أمن كارفور و أمن سيتى سنتر و المسئول عن الباركينج هو أمن سيتى سنتر
و ربنا يسترها مع الجميع
مشكلة بلدنا ان فعلاً مفهاش نجدة تنجدك
بالكم انتوا لو قفشتوا الحرامي حتى ومسكتوا ضربتوه واتصلت على النجدة قلتلهم يا جماعه ده. انا مسكت الحرامي. تعالوا خودوه ... هيقولولك طيب هاتوا وتعاله :) ... ومش ناقص. غير يقولولك وانتا جي ابقى عدي على اي مكتبه هات ورقتين فلوسكاب معاك وقلم علشان نكتبلك المحضر !!!!
- طيب المسئول عن الباركينج هو أمن سيتى سنتر تمام
نفترض و ده مجرد فرض ... انه مش مسئول عن السيارات اللى فى الباركينج الخاص به
أولا .. انت بتفتش ليه اللى داخل ؟ علشان يأمن السنتر اللى البارك جزء منه .. تمام بالتالى تبعية الباركينج ترجع لأمن سيتى سنتر .. معايا
ثانيا .. أمن السنتر مش مسئول عن السيارات و عندك كاميرات مراقبة بتراقب السنتر من الخارج
الباركينج يعنى .. ليه حاططها و لزمتها ايه ؟!!!
ثالثا ... هانفترض تالت ان الامن مش مسئول عن السيارات دى .. طيب حصلت حادثة فى المنطقة اللى انت مسئول عنها مش فيه اجراءات ممكن تعملها ؟!! تساعد الناس اللى فى المشكلة زى مثلا تاخد نمر العربيات و نمر موبايلات اصحابها .. تتصل بالشرطة تأثيرك كاسنتر كبير ممكن يحركهم اسرع !!! تهدى الناس دى و تقولهم انشالله بالكذب انك هاتتصرف و تحاول تعمل حاجة و لو ان ده صميم شغلك ..
لكن تسيبنا بمنتهى العجرفة و قلة الادب مش الذوق و زى مايكون بيقولنا اخبطوا دماغكم فى الحيط ... يبقى لازم يكون فى وقفة و يعرف ان الناس مش لازم تكون فلان باشا او ابن فلان بيه علشان يهتم .. و لا ايه ؟!!
http://youtu.be/1qbVG4WuhSs
ده رابط للفيديو اللى انا مصوره لعربيتى و العربية التانية
طبعا كلام حضرتك صح مليون ال مية. أضعف الايمان يتعاونو مع الناس. لكن أنا بقول أن الغلط الأكبر يقع علي عاتق الشرطة اللي سايبة الحرامية و البلطجية في الشوارع و مش فاضية غير لقمع المظاهرات و لم الأطفال بتوع المدارس (بغض النظر عن أن المظاهرات تعبر عن رأي صح و الا غلط)
أولا هو حضرتك مين عشان تقول كلامي صح و الا غلط؟ المفروض يكون أسلوبك أحسن من كده. ممكن تقولي أنك غير متفق معايا لكن غلط ديه مش بتاعتك. يا ريت بلاش نعمل مشاحنات علي الفاضي بينا و بين بعض.
و مش معني أنه بيفتش يبقي مسؤل. لأ ده معناه أنه بيحاول يمنع المصايب الكبيرة زي الانفجارات و ما الي ذلك و حضرتك عارف أن الكلام ده حصل بعد الثورة و قبل كده ما كانش فيه تفتيش غير في حاجات قليلة زي سيتي ستارز في مدينة نصر مثلا.
و أكبر دليل أنه مش مسؤل أنه كاتب في كل مكان أن الحاجات اللي في العربية مسؤلية صاحبها. ده معناه ايه؟