ميتسوبيشى اتراج ولا byd l3
ميتسوبيشى اتراج ولا BYD L3
الاتراج معروفه لكتير من الناس وال BYD L3 معلومات اكتر عنها وصور فى الموضوع فى اللينك ده
الاستخدام الرئيسى داخل البلد وسفر ممكن مرتين فى الشهر من القاهرة للاسكندرية واهم حاجه عوامل الامان ومهم اتساع العربية وخصوصا للسواق لانى طويل ومش عايز اقفل الكنبه اللى ورا لما اسوقها
كل عربية فيهم لها مزايا وعيوب بس حابب نتناقش فيهم
مزايا الاتراج
اقتصاديه فى البنزين بدرجة كبير, انتشار اعلى فى السوق رغم حداثتها وبنشوفها دلوقى فى الشارع, من ميستوبيشى فمتوقع جوده السيارة كمكونات
العيوب
الموتور ال 3 سلندر "قد" يوثر على سحب العربية مع التكييف, مش عارف هيبقى ايه موقفها فى السفر, سعرها مرتفع نسبياً
مزايا ال L3
كماليات كثيرة من حتى المانوال المتوفرة حالياً , موتور اقوى 1500 سى سى 107 حصان, معظم التوقعات عليها لنجاح اختها F3
عيوبها
انتشارها غير مضمون, توكيل مبيهتمش بتسويق العربية, تقفيل مصرى ومش محتاجه شرح, العربية نزلت من كام سنه بره بس فى مصر لسه متجربتش عكس ال F3 اللى اتفرمت تجارب مع سائقى التاكسى