-
رينبو ام تمبرا ام اكسيل
السلام عليكم ورحمة الله وبركاته
اخوانى الكرام اسعد الله صباحكم
عارف انى زهقتكم من كثرة السؤال:hugging::hugging:
بس لا خاب من استشار
محتار بين الثلاث سيارات لانها المتاحه فى حدود 30000
و بها تكييف و بور فما رأيكم كترتيب من حيث اعادة البيع و قطع الغيار
-
الرينبو كانت معايا ممتازة على فكرة
الرينبو مفيهاش باور ..
الباور فى الرينو ال 19 (الفرنساوى)
و الرينو ال19 اللى هى نفس الشكل بس قبل سنة 97
موتورها انرجى 1400 سى سى كاتينة كاوتش
لكن الرينبو 4 موديلات بس
وهم انتاج 1997 و 1998 و 1999 و 2000
وهى كل حاجة فرنساوى
عدا بعض المكونات فى الصالون الاكصدامات الكاوتش البطارية .....
لكن العفشة والموتور وكل الاساسيات صناعة فرنسية
ومتجمعة فى تركيا
والموتور 1300 سى سى كاتينة حديد
الكربراتير حساس مش عاوز عك بص لما بيتظبط صح خلاص
ومش من النوع اللى بيتعمله اكس وباب
لان الاكس فيبر بس تمام ما تقلقش وتقول ده الاكس بتاعها فيبر يا عم :)
ولكن بيتعمله باب بس
واسعة ثابتة عريضة عفشة احراش خدمة شاقة :)
بالنسبة لقطع الغيار ارخص من الشاهين
صالون فاخر 2 زجاج كهرباء
وتكييف ومفيش باور بس الدركسيون خفيف
عدا فى الركنة تقيل بس مش زى الفليشيا حبيبتى
اهم حاجة الحالة النظيفة هى قليلة بس موجودة
وهتزيد الف او اتنين عن الرقم بتاعك
وممكن بيه بس مش هتقل ابداً الا فى الحالات التعبانة
ودايماً العربيات الرينو النظيفة فى الاسكندرية مش عارف ليه ؟
والتمبرا اسمع انها ممتازة بردوا
الاكسل مش بنصح بيها دلوقتى
لان اللى هتلاقيها دلوقتى مش هتكون ماشية اقل من 200.000 الى 250.000 كم
وده ما يمشيش من الاكسل لانك غالباً هتكون محتاج تغير الموتور
وربنا يوفقك للخير
ولو عاوز تستفسر اكتر كلمنى ونقعد نحكى براحتنا :))
-
جزاك الله خيرا اخى الفاضل للتوضيح و فعلا غالب السيارات الرينبو فى الاسكندرية
-
طلع الإكسيل برة المقارنة لأنها اقل منها +انها هتكون مستهلكة زي ما ahmedfouad قال
-
-
التمبرا فضلت معايا 3 سنوات فوق الرائعه
ثابته جدا جدا وثقيله والله كنت بمشي بيها 160 مرتاحه:tumb:
بخاف امشي باللانوس 2013 160:fun_36_3_4[1]:
قطع غيارها رخيصه جدا ومتوفره ماعدا بعض حاجات بسيطه استيراد
واسعه جدااااااااااااااااااااااا اااااااااا طبعا ماحدش يختلف انها اكبر عربيه تركبها صالون وشنطه
صيانتها وشغلها زي 128 سهله جدا ماعدا كهربتها معقده شويه عايزا كهربائي شاطر
صاجها محمل وثقيل جداااااااااا
كراسيها قعدتها مريحه جدا واحسن من الانتريه ايللي في بيتنا والله
ياسلام تشوفلك حاجه نظيفه بفتحة سقف عدادات ديجيتال تبأى رائعه
والله لو حد يخلصني من اقساط عربيتي 2013 وارجع تاني ليها ما اترددش
بس اهم حاجه الحاااااااااااااااااااااا ااااااااله
الرينبو ما اعرفش عنها معلومات
الاكسيل جميله جدا لو حالتها نظيفه وانعم في الصوت من التمبرا بس خفيفه وصاجها ورق بالنسبه للتمبرا
بالتوفيق
-
التيمبرا لو سليمه تفصل اتنين تلاته من الاكسيل والرينبو
-
-
السلام عليكم ورحمة الله وبركاته
جزاكم الله خيرا للنصح
اجد ان التمبرا حصدت اصوات اكثر من الرينبو
لكن من خلال متابعتى للاعلانات عن بيع كلا السيارتين
اجد ان اعادة البيع لصالح الرينبو و ليس التمبرا
-
الاحلى من ده كله فورد سكورد 99 عربية خرافة
Content Relevant URLs by
vBSEO 3.6.0 PL2