السلام عليكم يا شباب
عايز اعرف افضل نوع زيت ممكن احطه في سيات ابيزا ٩٤ متسقط موتور ٢٠٠٠ سي سي
هل اجرب الوولفر ولا فيه افضل ؟؟
يا ريت الرد يا جماعه عن تجربه
عرض للطباعة
السلام عليكم يا شباب
عايز اعرف افضل نوع زيت ممكن احطه في سيات ابيزا ٩٤ متسقط موتور ٢٠٠٠ سي سي
هل اجرب الوولفر ولا فيه افضل ؟؟
يا ريت الرد يا جماعه عن تجربه
مش شرط ان حد يكون جرب زيت معين فى عربيته يبقى هيكون كويس فى عربيتك
كل موتور وليه ظروفه وحالته و ظروف التشغيل كمان بتحدد نوع الزيت ودرجة لزوجته
وعشان تحدد الزيت المناسب لعربيتك يبقى لازم تقولنا على شوية معلومات زى:
موتورك ماشى كام كيلو
حالة الموتور ايه
بياكل زيت او فيه تعريق او تبخير زيت او لأ
نوع الزيت اللى كنت متعود تحطه في الموتور
طريقة سواقتك ونقلاتك على rpm عالى او لأ
معدل مشيك بالعربية كام كيلو فى اليوم تقريبا وهل الصبح ولا بالليل وهل كلها داخل المدينة ولا بتسافر كتير
+
الموتور موديل كام
كام صباب و كام كامه
حاجه تاني الزيت مش بنوعه الزيت بمستوى أدائه و لزوجته
مثال: اي زيت مستوى أدائه API SM مستوى أدائه أفضل من API SJ و API SJ أفضل من API SF و هكذا
و أنسب لزوجه لجو مصر 20w/50
يا نهار ليل
كل دا عشان احط زيت ؟؟
الاجابه
١- الموتور ماشي ٢٨٥ الف كيلو ومعرفش معلومات عن الموتور غير انه 2e
حالته جيده
مفيش تبخير ولا بياكل زيت
انا شازي العربيه من شهرين ومغيرتش زيت من ساعه ما اشتريتها
مشواري يوميا ١٠٠ كيلو من الهرم لحلوان
بنقل تالت علي ٥٠ رابع علي ٧٠ خامس علي ٩٠
معلش هى الاسئلة كانت كتير بس عشان تحط الزيت الصحاقتباس:
المشاركة الأصلية كتبت بواسطة sharkeyboy
لكن لو حطيت اى زيت مش هتقولك لأ, بس كله على حساب الموتور
عموما بالنسبة للكيلو اللى انت كاتبه ده كيلو العربية لكن مش كيلو الموتور وطالما انت شاريها كده يبقى مش هتعرف الموتور ده ماشى قد ايه ودى ممكن نستغنى عنها اذا عرفنا حالة الموتور ايه
الموتور الـ 2e ده 2000 سى سى انجيكشن 8 صباب و115 حصان وده كان بينزل فى الكوبرا الـ gti موديل 94
بناء على الكلام اللى انت كاتبه عن حالة العربية وطريقة استخدامك ليها يبقى حط زيت نصف تخليقى 10w40 على سبيل التجربة
بمعنى ان الزيت ده بيمشى حوالى 7000 كيلو اذا كمل معاك بدون ما ينقص يبقى خليك عليه
واذا نقص يبقى ادخل على الزيوت المعدنية و الدرجة 15w50 ودى موجودة فى الشل الاصفر او 20w50 ودى موجودة فى انواع كتير
الهدف من التجربة انك تحدد نوع الزيت اللى هيناسب حالة موتورك وتستمر عليه
بالنسبة لنوع الزيت: حط اى نوع زيت بالدرجات اللى قولتك عليها
بس اهم حاجة انه ميكونش مغشوش
وعشان تريح نفسك يبقى تجيبه من الوكيل بتاعه
الانواع اللى جربناها فى قسم سيات هى شيل الاصفر والازرق و موبيل وفاسكو و كاسترول و زادو ليكوى مولى و ولفر
ولو عملت بحث فى القسم هتلاقى تجارب الاعضاء مع الانواع دى
بس زى ما قولتلك فى الاول مش معنى ان نوع زيت معين كويس معايا يبقى هيكون معاك كويس والعكس صحيح
كل موتور ليه حالته وظروفه
الاسعار كلها متقاربة جدا من بعض طالما نفس الدرجة
بعد الاطلاع على البيانات المعروضه
شايف ان ممكن تجرب زيت و ولفر ( Wolver ) الالمانى سوبر لايت api. Sl 10w/40
SUPER LIGHT 10W40 SL
وطبعا مع الموافقه على كل ماقله الأساتذه الأحباء من معلومات استرشاديه وتوضيحيه جزاهم الله خيرا
وعن تجربه لهذا الزيت ولاكن بلزوجه مختلفه سوبر تك 5w40 sm كان اكثر من رائع وده تخليقى بالكامل
Super tec 5w40. API-sm
جرب زيت ولفر 10/40 وإن شاء الله يظبط معاك ولو متبخرش انقل على التخليقى الكامل ..
بس فى معلومة انت قلتهالى فى المقابلة عند عم عصام لازم نذكرها انك غيرت جوان وش سليندر لما الحرارة عليت فى العربية صح ؟
فتجرب نص تخليقى ونشوف لأن ممكن تكتشف انها بتاكل زيت
انا حطيت وولفر من عند اسطي عصام . اخر علبه :)
انا فعلا غيرت جوان بس العربيه مكانتش بتاكل الزيت اللي فيها
عليالعموم هجرب الزيت دا واشوف