وحوش الاوبترا .. ممكن حد يفيدني بسرعة ؟؟
عربيتي اوبترا 2008 اتوماتيك عاملة 64000 كيلو حالة ممتازة ..
ظهر فيها حاجة غريبة من فترة صغيرة (3 ايام) وانتهت ان النهاردة الصبح بدور عشان اروح الشغل نورت لمبة Check engin ولمة الـ Hold اللى حصل كالتالى :
بعد ما رجعت من سفر طويل بيها رايح جاى حوالى 1000 كيلو
لقيت عداد rpm بيعلى اول ما ادور الصبح ويفضل على 1500 لفة .. وممكن يوصل 2000 بعد اى مشوار داخل المدينة ..
قولت عادى ممكن البوابة عايزة تتنضف في اقرب فرصة هعدى على المهندس الخلوق هانى ميخائيل يشيكلى على العربية ..
المهم قعدت يومين بروح الشغل من الهرم الى 6 اكتوبر رايح جاى وبركن في الباركينج بتاع الشركة لاحظت حاجة وبعد مواعيد العمل وانا خارج من الباركينج ..
انى لما اجي ادور العربية و rpm عالى .. وابدأ بالتحرك بيها على ارض مستوية تماماً احس ان العربية باتطلع وتنزل على مطبات صغيرة وانا ماشيى بيها .. !!!
ظنيت ان في حاجة في الكاوتش او ان الكاوتش نايم .. نزلت باصيت على الكوتشات كله تمام ..
بدات اتحرك بالعربية بتروح الحركة وكله يبقى تمام .. بس بيبقى صوت العربية عالى عشان rpm
امبارح وانا راجع من الشغل حسيت ان العربية صوتها عالى عن اللزوم لما اجى اهدي قبل مطب او اشارة ولما بقف بالعربية بلاقي العربية فيها رجة خفبفة او بتتهز وانت واقف او (بتردن) .. استغربت فجبت الفتيس على N الاقى الرجة تقل خالص بس صوت العربية عالى وده انا عارف عشان rpm..
كملت مشاور لغاية لما ركنت في الجراج وهاجس قالى انزل افتح الكبوت وبص فيه ايه .. فتحت الكابوت لقيت شوية زيت قليلين جدا مرشحين تحت طبة الفتيس الاتوماتيك قولت لا كدة ممكن يكون في حاجة .. قفلت الكبوت وروحت ..
وجيت النهاردة الصبح بدور العربية لقيت لمبة التشيك والهولد منورين
التشيك منور باستمرار والهولد بتنور وتطفى ..
بطلتها ومردتش اطلع بيها
اسف على الاطالة والبواخة دي .. بس عايز اوضحلكم بالظبط القصة
دي ممكن تكون ايه المشكلة انا بصراحة خايف لايكون في حاجة في الفتيس
جزاكم الله خيراً عني
