السلام عليكم اعضاء المنتدي المحترمين ارجو مساعدتي في اختيار عربية حيث اعمل بالكويت وانوي شراء عربية للاستخدام لمدة 4 سنوات او خمسة ثم للاستخدام في مصر
الحيرة بين فلوانس الفئة الثانية سعرها حوالي 108 الف جنيه مصري وبين كورولا ااقل مواصفات سعرها 126 الف مصر + جمارك العربيتين تقريبا نفس قيمة الجمارك
الفروق بينهم
1- الكورولا ااقل مواصفات فقط تحكم بالصوت من الدريكسيون واشارات بالمرايا وفرش بيج فقط
2- الكورولا نفس لفتيس القديم 4 غيارات وليس cvt مثل كورولا في مصر
3- زيادة في سعر العربية حوالي 20 الف جنيه
اما الفلوانس فتزيد
1- رنجات الومنيوم مقاس 16
2- مثبت سرعة ومحدد سرعة
3- كشافات ضباب شكله مستدير تختلف عن موديل فلوانس الفيس لف في مصر
4- زجاج امامي للسائق فتح وغلق بضغطة واحدة
5- الكنبة الخلفية قابلة للطي
6- مسند وحامل ااكواب بمنتصف الكنبة الخلفية.
7- توقف الزجاج عن غلقة عند وجود عائق
8- كاسيت بلوتوث +usb+aux+ تحكم من الدركسيون
9- عدسات بالكشافات الامامية لاكن الاضاءة هالوجين مش زنون
الصالون رمادي والتابلوه ااسود
يعيب الفلوانس هنا ان واجهة العربية تختلف عن الفيس لفت في مصر من حيث الشبك الامامي والاكصدام الامامي فقط اما الموتور والجير والتكييف من نيسان نفس النسخة اللي في مصر
انا عملت تست دريف ليها وماشاء الله ممتازة يعيبها فقط ان الصالون رمادي وكنت حابب البيج مع اللون الموكا
فياريت الاعضاء يفيدوني وارجو في ااقرب وقت لاني حجزت الفلوانس بس خايف من توافر قطع الغيار في مصر وهل فعلا معمرة تعيش معايا مثلا 20 سنة زي الكورولا ومن حيث سعر اعادة البيع مش بفكر فيه انا مش هاغير ياعني عربية العمر
تنصحوني اشتريها والا اشتري الكورولا الاقل بالمواصفات والفتيس القديم وااعلي بالسعر حوالي 20 الف لانها مرغوبة في الخليج بعكس الكورولا وانا نشرت الموضوع في قسم رينو قبل كدة والاراء اختلفت ارجو قسم تيوتا يفيدوني لاستخدامهم الكورولا وهل فعلا الاعتمادية تغني عن كل الاوبشن واادفع كمان مقابل ااعلي في سبيل عمر العربية وتكون معمرة وهل تعتقدو رينو تكون معمرة مع موتور وفتيس نيسان واسف طولت عليكم
الاسعار هنا 4200 فلوانس تاني فئة
4850 كورولا ااقل فئة