السلام عليكم ورحمه الله
اخواني الاعزاء كيف الحال
انا عندي بنتي سنتين وشهرين
المهم علاقتي بيها ماشاء الله الدلع كله والبنت مرتبطة بيا أكثر من مامتها
فجأة اليومين اللي فاتو تصرفاتها إبتدت تتغير
مش راضية تمسك إيديا واحنا بره ولا عاوزاني اشيلها
بطلت تلعب معايا ولا تنام فحضني زي ألاول
هو كان في موقف حصل
كنت بربط السرير وهي بتحب تقلدني فكل التصرفات
يعني امسك الشاكوش تعمل زيي
اجيب مسمار أربط السرير برضه تعمل زيي
وكانت لخماني فضربتها واتعصبت عليها عشان الجو كان حر والنور قاطع وعاوز اربط السرير وقاعد ساعة عمال اعمل فيها نجار
وهي كانت بتعمل صبي النجار
من بعدها بجيبلها حلويات وبراضي فيها وهي تقلانة عألاخر
تفتكرو ان ده ممكن يكون السبب ولا بما ان مافيش حد بتلعب معاه لان العائلة في أسيوط
ويادوب زوجتي وبنتي قاعدين دايما لوحدهم
فكنت عاوز أرائكو وهل حد يقدر يفيديني فسيكولوجية الطفل فالسن ده