عرض للطباعة
السلام عليكم ورحمة الله وبركاته
في عربية فولفو إس80 تي6 (ستة سلندر) موديل 99 فابريقة بالكامل - تاني يد م الزيرو مواصفات أمريكي و ماشية 112 الف كيلو بس و العداد شرعي - صالون زيرو - صيانة دورية
الموتور 2800 سم3 و قدرته حوالي 290 حصان - بتمشي ببنزين 92 عادي جدا و بتجمع ال 100 في اقل من 7 ثواني
وسؤالي للخبراء
1- هل العربية دي في مشاكل معروفة عنها؟
2- مدى توافر قطع الغيار؟
3- هل التوكيل الجديد "عز العرب" بيعترف بالعربية دي و بيقبلها عنده؟
وشكرا جزيلا
عربيه ممتازه طبعا
بس الاكيد ان ملهاش قطع غيار ولو لاقت فى الوكيل هيبقى مبالغ فى سعرها
لو عاوز فولفو اركب حاجه من الموديلات الجديده فوق 2011 عشان تلاقى ليها سوق و قطع غيار
شكرا على اهتمامك بالرداقتباس:
المشاركة الأصلية كتبت بواسطة blazer
انا برضو عملت بحث ع النت وقريت ريفيوهات كتير عن العربية دي
وكان حظي حلو لان العربية مواصافات امريكي و كانت مستورده من امريكا
اغلب الريفيوهات فعلا بتحذر من مشاكل تتعلق بالصيانة و تحديدا ناقل الحركة و بعض المشاكل المتعلقة بكهربة السيارة
وده خلاني اعمل مشاركة في منتدى فولفو امريكا و كانت الاجابة من الخبراء هناك ان موديل 99 تحديدا في كمية مشاكل لا حصر لها و ان فولفو تفادت المشاكل دي في الموديلات اللي بعديها
و برضو كلمت التوكيل و سألت عن قطع الغيار و كلامهم ما طمنيش ...واضح انهم بيستوردوا قطع الغيار لو في مشكلة و انها مش متوفره عندهم
فقررت اني اصرف نظر
بس عربية جميلة للاسف