الموضوع: موضوع لطرح مقترحات اعضاء و زوار قسم سكودا و ذلك للايجاد افكار جديدة بناءه

المشاركة الأصلية كتبت بواسطة طارق _عبد السلام

اقترح ان يكون هناك موضوعات فى المثبتات بالترتيب

جميع موديلات اوكتافيا a4 l موضوع a5 موضوع وهكذا الفانتازيا و a7 -- كل موديل يموضوع مش موديل سنه طبعا ..هيكون موضوع شامل للايه فور وموضوع شامل للايه فايف بفئاتها وهكذا

كل موضوع شرح للعربيه بصورها وذكر جميع فئاتها وقدره المحرك كل شىء يفيد الباحث عن معلومه

مش معقول كل من سيدخل القسم هيكون مركز على a7 لانها جديده نثبتها لا طبعا

ناس كتير بتدخل تدور على معلومه لانه هيشترى مستعمل وممكن يكون اول مره يدخل القسم هيلاقى الموضوع فى اعلى الصفحه .. هتعمل ترتيب كويس وتنسيق للقسم .. لانى عانيت من حاجه زى دى لانى بدور على عربيه وكل ما ادخل قسم فى المنتدى التركيز الاكبر على موديل السنه فقط وانا اغرف فى بحر المشاركات علشان اطلع بمعلومه مرتبه


اقتراح كمان ان نشوف اعلى موضوع فيه نسبه مشاركه ونشط كميه المعلومات كتيره ومفيده للاعضاء يثبت لفتره معينه

وممكن تجديد تيم سكودا او دخول اعضاء نشطه صاحبه معلومات عاليه ولا يتأخروا فى الرد على اسئله زوار القسم لتنشيط القسم

كمان موضوع اى شىء بيتباع فى القسم عندنا يعنى زميل بيبع قطعه غيار زائده عنده يحط صورتها ولاااااااااااازم يضع السعر فى المشاركه نمنع موضوع كلمنى خاص لان بعرض السعر اغلبنا يعرف الاسعار وهنقيم السعر لكن على الخاص معلشى هى مش سر عسكرى وكمان منعا للاستغلال اى عضو معندوش فكره عن السعر

ولو اى فكره زادت هسجلها ان شاء الله

اولا شكرا للاستاذ احمد سيدلطرحه هذا الموضوع للارتقاء بالقسم
و ثانيا اشكرك استاذ طارق عبد السلام على تناولك هذه الافكار التى اعتقد انها مهمة للغاية و هذا طبعا من وجهة نظرى حيث الترتيب للموضوعات يسهل عملية البحث ليحقق المنتدى مبتغاه فى وصول المعلومة لكل من يبحث عنها
ثانيا موضوع قطع الغيار اكيد ضرورى لان اكيد اكثر الزملاء يمتلكون بعض قطع الغيار الزائدة عنهم و ممكن ان يتنازلوا عنها مقابل سعر فستكون افادة للطرفين
كمان الجملة دى عجبتنى اوى
(كمان موضوع اى شىء بيتباع فى القسم عندنا يعنى زميل بيبع قطعه غيار زائده عنده يحط صورتها ولاااااااااااازم يضع السعر فى المشاركه نمنع موضوع كلمنى خاص لان بعرض السعر اغلبنا يعرف الاسعار وهنقيم السعر لكن على الخاص معلشى هى مش سر عسكرى وكمان منعا للاستغلال اى عضو معندوش فكره عن السعر)
اتمنى لكم التوفيق و من نصر الى نصر على رأى الزميل صدام