السلام عليكم
يا اخونا انهارده بدون مقدمات كنت ماشى على التانى
ويدوي السرعه 15 كيلو يعنى بالراحة خالص
والاقى الماتور فجاه سخن جدا مره واحده والميه فارت وخرجت من قربه الميه
انا بستخدم ميه خضراء
والسياره نوبيرا 2
ياريت الى عارف ده من ايه يقولنا
وجزاكم الله خيرا
اتاكد ان المراوح شغاله لما الحرارة بتعلى .. لو مش شغاله شوف الترموستات او المروحه نفسها عند كهربائى .. ممكن تتاكد ان المروحه شغالة لو شغلت التكييف
حصلت معايا قبل كده وطلع مشكلة فيوز المروحه
ها قول لك وعن تجربه علشان حصلت معايا علشان في ناس ممكن تتوهك
1- خرج الهوا اللي في دوره المياه اي حد بتاع را دياتير او الميكانيكي بتاعك
او انت ممكم تعملها هي سهله انا عملتها لوحدي
الطريقه والعربيه بارده او وانت مدورها لو كانت شغاله اخلع الخرطوم الرفيع الي واصل الردياتير
فك الافيز الاول بالراحه لوحده وبعدين بالراحه اخلع الخرطوم علشان البزبوز ما يتكسرش
الميه ها تنزل من بزبوز الردياتير علي الارض افتح غطا القربه وزود ميه في القربه
وبص علي الميه اللي خارجه من البزبوز هتلاقي فقاعات هوا افضل زود في القربه لحد
لما تلاقي الميه مندفعه من البزبوز من غير فقاقيع
ركب الخرطوم بسرعه واربط الافيز ..
دور العربيه لو مش دايره خليك مراقب المراوح اول المراوح تدور اقفل غطا القربه كويس
بعدين في النوبيرا بالذات اوعي تفتح غطا القربه نهائي الا والعربيه بارده الصبح
كده ما فيش فوران من القربه او سخونه ذياده ...
جرب ده الاول علشان ظبطت معايا اذا حصلت تاني يبقي فيه حاجه تانيه
مع تحباتي وماتقلقش
انا بشكركم جميعا على الرد
وهجرب طريقة استاذ واجا لو ظبطت يبقى تمام
لو مظبطتش هشوف حل الاستاذ رافت
شكرا جزيلا اخوانى والله
احيانا جوان وش السلندر فى بدايته بيعمل فوران فى القربه وده اللى حصل معايا جرب افتح غطاء الزيت وبص عليه علشان لو لاقدر الله لقيته مطحن او عليه نقط ميه تلحق نفسك فى الاول كانت عندى نفس المشكله وللأسف مهتمتش الا انى ابص على الزيت من المقياس لحد مافتحت بالصدفه غطاء الزيت من عند التاكيهات ولقيته مطحن.