من يومين كنت مسافر بني سويف وكنت سامع عن طريق الكريمات الجديد وسامع انه حلو جدا ده لأن الجيش اللي عامله
المهم توكلت على الله وجبت النوبيرا اللي بسافر بيها دايما وطلعت على الطريق بداية الطريق تبدأ من بعد التبين وطبعا اكيد في ناس كتير هاتقول ايه التبين دي التبين دي كانت اخر حي في محافظة القاهرة ودلوقتي بقت تابعه لحي حلوان لو انت جاي من الأستراد في اتجاه حلوان هاتفضل ماشي على طول لحد ما تعدي مايو وحلوان هاتفضل ماشي بتاع 4 او 5 كيلو هاتلاقي الطريق مطلع الطريق على يمينك تطلع الطريق
حوالي 94 كيلو تكون في بني سويف وسرعة الطريق 120 الطريق حلو جدا انا كنت ماشي 140 ومش حاسس بأي سرعه والغريبه كمان ان الغردقه والزعفرانه ليه نزله من على نفس الطريق 280 كيلو للغردقه انا اخدت الطريق لبني سويف في ساعه الا ربع تقريبا افضل من الزراعي والصحراوي لا يعيبه الا عدم وجود اضاءه باليل ولكن تعوضها عيون القط في جزء كبير من الطريق
ياريت كل طرق مصر تبقى كده
هاجيبلك طلعة الطريق من على جوجل واحطهالكم للافادهان شاء الله