عرض للطباعة
انا مش هتكلم على الموديلات و الانواع لاننا بنحارب بعض فى لانوس و نوبيرا و ماتيز
ولا هتكلم فى الاسعار لان سعر العربيات دى برة ممكن يجيب لكزس و الاغرب اننا بنقول على الفولفو وحشه عشان توكيلها و قطع الغيار
انا هتكلم على حاجه تافهه زى عربيات المصريين
ليه العربيات برة الزيرو شكلها العام انضف من نفس العربيه الزيرو فمصر
يعنى تحس ان الصاج اقوى و الرش نضيف و شكلها ماسك نفسه
رغم انها نفس العربيه
ممكن تكون عقده الخواجه مثلا...هههههههههه
عوامل التعريه ههههه
اصل مصر بلد شمس وتراب
معلش في الكلمة
لأن ده شعب خسارة فيه يركب حاجة نضيفة(مش قصدي الكل طبعا) يعني مثلا تلاقي واحد ماشي بعربية مصدية و مخبطة من كل حتة و شكلها يقرف علشان يبقي اسمها فابريكة و تجيب سعر.
الناس للأسف بتزهق من التوكيلات لأن مصر مفيهاش توكيل نضيف و بتروح لميكانيكية يخلو العربية عجلة في ظرف سنة بالكتير زي مثلا التيرموستات بيسخن العربية.
الناس بتستخسر في عربياتها اللي تلاقيه حاطط زيت درجة اللزوجة و الحرارة مش مناسبين لموتور عربيته علشان مستخسر يقرا الكتالوج.
اللي شايل سائل التبريد(المية الملونة) و حاطط مكانها مياه حنفية علي اساس إن مفيش فرق بينهم.
اللي بيهتم إن عربيته مترشش برة ولا جوة و سايبها الكهرباء تضرب و الموتور يقفش و يزعل اوي لو جابتلوا سعر قليل.
الاسباب كتير و في حاجات الناس ملهاش ذنب فيها
زي المطبات الصناعية و الحفر اللي في الارض و الطرق متسفلتة وحش و طبعا الصنايعية الفتايين.
:tumb:اقتباس:
المشاركة الأصلية كتبت بواسطة Omar Mahmoud
وكيل العربية هو المسئول عن مواصفات العربية
وطبعا علشان اوسخ (اسف في اللفظ) حاجة بتنزل لينا فلازم تبقي كدةا
الوكيل بيستخسر
شوف ياسيدي انا لما بروح شرم الشيخ بلاقي عربياتها افضل شكلا من عربيات اسكندرية والقاهرة . عشان شرم الشيخ مافيهاش عيال بتطلع من المدارس تعمل لوحات فنية على العربيات ولا عربيات كارو وتكانك وتروسيكلات وكثافة عددية وشباب بيقعدوا على عربيتك يتسامروا !!بالاضافة ان الزحمة بتزود نسبة وقوع حوادث .. مش حنروح بعيد يعني ..
كل دي عوامل بتبهدل العربيات . في داخل المدينة الواحدة او الشارع الواحد تلاقي العربيات اللي بتركن في جراج بعيد عن الشمس وحركة الناس والعربيات في الشارع حالتها اجمالا افضل . كل الكلام ده مش موجود بره ضيف لكده مفيش ناس حاقدة باصالك في العربية ومفكراك سارق فلوسها من جيبهم . دمت بصحة
العربية ف مصر اخرها 3-5 سنين و تحس انها عمرها بقى 20 سنه
بره معندهمش شمس زى هنا معندهمش تراب زى هنا
معندهمش شارع لو الدنيا مطرت فيه 5 دقايق يتحول لطينه زى هنا
دى عوامل كفيله تخلى العربية بعد 20 سنة نضيفه زى ما جت
لكن هنا الشمس و التراب و الطينة يخلولك العربية الزيرو بعد اول شهر كانها ماشيه من قرن فى البلد
علشان انت ماسفرتش بره مصر فمش قادر تفهم
اللي قال جو مصر معتدل كداااااااااااااب الجو في اوروبا احسن مليون مره
بره مصر ممكن تلبس نفس القميص اسبوع من غير ما الياقه تتوسخ
بره مصر بتخرج بالجزمه نضيفه و بترجع بيها برضه نضيفه
اول لما تنزل من الطياره بتحس انك اول مره بتتنفس من نقاء الهواء
مفيش تخريب متعمد من حد
مفيش فهلوه في الاصلاحات (علشان اللي بيخرب بيتحاسب و بيتخرب بيته)
و تحيا مصر
علشان هما ناس بتفهم وبتفكر العربيه تبوظ يجيب القطعةالاصليه العربيه تترش عادي بس بتترش صح ده غير اأنهم بينفذوا كلام الصانع مظبوط لأنه الصانع ادري بصناعته فمش هييجوا يفتوا هما وده المتبع في مصر الفتى وده سبب بوظان شكل العربيات في مصر وسبحان الله الفتى في الميكانيكية والتوكيلات معا ده غير المعتقدات الخاطئه عند المصريين زي اللي بيمشي بصفيحه مصديه ويقوللك فابريقه بره وجوه علشان يبيع لو المعتقدات والفتي خلص من مصر هتلاقى العربيات زي بره
شمش وتراب مصر لا يعتبرو شيء بالنسبة لشمس وتراب الخليج وعربياتهم انضف.اقتباس:
المشاركة الأصلية كتبت بواسطة algazar2
الاصل. مواصفات العربيات اللي بينزلها المنشا للبلد. واللي عايش فالخليح هيعرف ان حتي الصيني اللي فالخليج ممكن يبقي انضف من الماركات العالمية اللي بتنزل مصر.
امال الناس بتفضل العربيات الخليجي ليه مادام كدة كدة هتمشي في مصر وهتتعرض لنفس العوامل مايجيب العادية ويوفر فرق الفلوس ....
علي اد فلوس هنزلك المنتج ...
انت فى مصر اول ما بتشوف عربية من برا مصر لو جمرك الخليج او ليبيا , بتعرفها اول ما تشوفها من غير ما تشوف النمر , مجرد نظرتك للعربية بتحس ان فى حاجة مختلفة
يا ريت علي العربيات بس،
انت اي منتج بتجيبه في مصر يا مغشوش، يا دنيئ المواصفات وفوق كل ده غالي
جرب تجيب اكسسوارات من برة وهتشوف فرق السما من الارض لو قارنتها باللي بيتباع هنا
مصر لازم تبقى مميزه عن غيرها
معليش مع احترامي لرأي. حضرتك انا عكس وجت نظرك تماما ًاقتباس:
المشاركة الأصلية كتبت بواسطة delta force
انا بصراحة بشوف العربيات الفخمة عندنا هنااااا بشوفها بره مجرد حشرااااات بره .... حتى على مستوى الجيب جراند شروكي الي هناااااا وااااااااو وياااااااه دي كبيرة قوووي وواسعه وغول الطريق ووحش الاسفلت ... ونقعد نقول يااااه. دي جراند يا عم الحج. بروح بره بلاقي العربية الجراند يا عم الحج. بريالين. ومترمية. على الارصفه. كمان ووكلاها البرومة ومحدش بيعبرها.
المارسيدس الي هنا مارسيدس العيون وطالعين بيها سابع سما في دول عملينها تكس وتلاقيها. مترميه في المعارض. ومش مرغوبة زي ماركات تانيه .... فالقصد ان عندنا العربيات انضف وليها قيمة. بل احنا بندي عربيات كتيررر قيمة. وهيا بره ملهاش قيمة ... لكن الي حضرتك بتقول. عليه هو ان بره. الكماليات في العربية ده شيء عنصر جزب علشان يعرفوا يبيعوا العربية فبيحطوووولك فيها كل كمليات الدنيااااا والاخره بس علشان. يقولوا للزبون تعاله اشتري عربيتنا ابووووس ايديك تعاله خود من عندنا عربية اما عندنا كل كمليات عليها جمرك وليها قيمة حتى على مستوى موسوجر باب او سنتر لوك بيتجمرك ...
يا سيدي الفاضل بره الاشياء ملهاش تمن. ... واحنا على مستوى اربع فرد كويتش. قبل ما نيشتريها. بننزل نلف السوق ونسئل هنا وهنا. عن الاسعار ويقف يفاصل نص ساعه مع كل بياااااااع. علشان يعرف يجيب اربع فرد كويتش جداد ومش بس كده. لا يبصلك على التاريخ ويرجع تاني يعدي على محل محل ويسئل كل واحد تاريخ الفرد عندك كام. ومش كده وبس لا ويجي هنا نايل موترز يفتح موضوع طوووووووويل. عريض. ويقول عااااااوز احسن واروع واشيك وافضل واكبر فرد كويتش في السوق. بارخص تمن هههنههه وبعد ما اعضاء القسم. يقولوا اشتري كزا. ميقتنعش. يروح. قسم المنتدى العام للسيارات ويعمل. استطلاع رأي على ايه افضل فردة كويتش !!! كل ده علشان يجيب اربع فرد كويتش. ولو هز طولوا وفتح يوتيوب ويكتب. كده تفحيط او درافت ويشوف العيال في العالم بيحرقوا فرد الكويتش ازاي وهما واقفين .
اقسملك بالله. مره رحت عند بتاع كوتش. اسمو (( بنشرجي )) او بتاع البنشر ... علشان يحطلي خازوق بدل المسمار الي دخل في فردة الكويتش عندي ويلحمهالي. بصيت لقيت واد لسه في المدرسة. دخل بعربيتوا المكسيما. والكويتشات ممسوحه مسح. ويقول للواد الهندي (( عطني عطني. اربع كفرات. برجستون ... يالله ياللله أسرع !!! ))
الواد المصري الي هناك بيقلي عارف ياباشا اهو الواد. ده كل اسبوع او اسبوعين. يجي. يغير اربع فررررد ! واحنا. هنا بنقعد شهريييييييييييييين ولا سنتين. ونعمل استطلاع رأي كمان على ايه احسن فررررد !
فهنقول ايه الحمدالله على كل شيء أدينااااا عايشين وخلاص .... مستوى الدخل لو واحد بياخود ٣٠٠٠ جنية في مصر يبقى زي زبال في الخليج بياخود ١٥٠٠ ريال. وبيشحت ولو انتا دكتور هنا في مصر وبتاخود ٤٠٠٠ جنية يبقى توازي بياع في مكتبة او بياع في بقالة في الخليج مثلاً بياخود ٢٠٠٠ ريال ومش مكفينوا ومش عارف يعيش بيهم.
ده على مستوى الخليج. تعاله بقه على اوروبا. لو معاك ١٠٠٠ يوروا هنا في مصر تبقى ملك. وسلطان زمانك لو معاك نفس الالف يوروا في اي دولة في اوروبا. متعرفش تاخود حتى ؤوضة فوق السطووح. عرفتوا ليه بقول نحمد ربنا .... لاننا على بلاطة فقرررررررراء ومستوى المعيشي بتاعنا زفت الزفت كمان ومش فالحين غير اننا نخلف ونكتر عددنا كمان وكمان ونزيد فقرنا فقرررررر .
والي مش حاسس بفقرنا عاوزوا يفكر. كده عربية زي البيكانتوا كانت ب ٣٧ الف جنية دلوقتي وصلت تمنها ٩٥ الف جنية ياترى ايه السبب عربية زي هونداي اكسنت. كانت ب ٣٢ الف جنية ودلوقتي بقه ١٢٠ او ١٣٢ الف جنية. ياترى ايه السبب العربية غليت ولا ايه الي حصل ؟
فازاي احنا بنطالب انوا تجيلنا افضل بضائع واحنا اساساً ناس فقرااء عالمياً ... وتستغرب جداااااً لمن تلاقي واد لا وراه ولا قداموا وراح يجبلك عدة قال ايه اسمارت فوووووون ب ٥٠٠٠ او ٤٠٠٠ جنية وتقلوا ايه ده يقلك ده هاتف ذكي ... طيب اليس من الغباء شعب فقيرررررررررررر تالت تربعوا شايل سمارت فووون وطالع يتأمع بيه ... محدش فكر كام مليوون جنية. طلعوا. وراحوا كوريا والصين مش عارف بس مش هيفيد الكلام بس صدقوني ان مكنش في حلول جذرية وفورية. لموضوع تحديد النسل. وتحديد المشتريات. الغير ضرورية. فاعتقد مش هنعرف. نطور من نفسنا ولا نحسن معيشتنا ابداً وهنلاقي العربيات الي جيلنا اسوء واسوء او تلاقي العربيات في المستقبل محدش قادر يركبها او يقدر على مصاريفها غير الاغنياااااء فقط ... وتحياتي واسف على الاطالة
باختصار عشان مفيش دولة تحميك وتجبر الوكيل على مواصفات معينة فى الامن والسلامةو الجودة بشكل عام وتجبر الوكيل على الصيانة لمدة معينة او تصليح اى عيب
للأسف كلامكم صحيح، وأنا أعمل حاليا في السعودية وأرى سيارات من التسعينيات بحالة قوية وجيدة جدا مثل تويوتا كرسيدا، ولما أنزل مصر في الإجازة وأرى سيراتو ماشية في الطرق، تحس إنها متخيش بها البلاط، أظن هذا سببه ضعف الوكلاء في مصر، وعدم رقابة أي جهاز في الدولة عليهم، والأهم من كل ذلك أن مصر بلد فقيرة فعلا، لا يستطيع ناسها صيانة السيارات بطريقة فنية كما يحدث في الخليج مثلا، هنا سهل تغير طقم الدبرياج كله كل سنتين، وبسعر معقول (أقل من 1000 ريال) بالنسبة للدخل، بينما في مصر تجد الدبرياج في السما وصاحبه سايق به، ربنا يصلح أحوالنا
كلام معقول لاكن فى غير محله ولا يمت للموضوع بصلة , احنا ش بنتكلم على ان البلد فقيرة ولا غنية , أحنا بنتكلم ان نفس المنتج المستورد اللى بيتباع فى كل حتة فى العالم تلاقيه فى مصر بأضعاف سعره وبجودة سيئةاقتباس:
المشاركة الأصلية كتبت بواسطة y a r i s
يعنى السيارة المستورده بتتصدر لكل العالم , سعرها فى مصر مولع , وخدمة ما بعد البيع زبالة , وتقفيل أزبل وكماليات اقل
نفس مثال التليفون اللى بتتكلم عنه بغض النظر كل واحد حر يشترى التليفون اللى هو عايزه ولو بـ 20 الف
لكن ليه ثمنه أغلى من الخليج مثلا !
وأى حاجة ماركات , تلاقى توكيل مؤرف وسعر مضاعف
شكلها طبيعة عندنا
لاني فكرت فالموضوع كتير
وملقتش مبرر غير ممكن الطرق واهمال الصيانة
العبرة بالقوانين والمواصفا الفنية لكل بلد فالكوري مش زي الامريكي