كويسة مش وحشة
عرض للطباعة
كويسة مش وحشة
الف الف مبروك على العربية اولاً ومعلش ثباتها قليل علشان التورشن بيم وده عادي وخلي بالك من العربية وثباتها
ثقتك في الجيل القديم من سكودا أكبر من دلوقتي !!! زمان كانت العفشة مالتي لينك انما دلوقتي تورشن بيم زي كل العربيات الرخيصة !!!! مش عارف ادفع 200 الف جنية واخد تورشن بيم في الاخر !!!! يلا الحمد لله
المهم نرجع للموضوع - التسارع بتاع العربية ضعيف ومعروف لكن أكيد بتجمع مع الوقت السرعات يعني مش هتقف عن سرعة معينة مثلاً :)
بصراحة انا العربية دي شايفها سيراتو على اكبر شويه مش أكتر !!!! رغم ان السيراتو تتفوق في الموتور مفيش كلام لكن عفشة وكل حاجة واحده !!! كلنا تورشن بيم يا صديقي يبقى الرؤوس تساوت وللاسف !!!!
أحترامي ضاع للسكودا "التشيكية" بس علشان الناس بتسوق للعربية على أنها الماني والعربية تبيع لكن قلنا مليون مره مش بالعافية !! سكودا تشيكي ومش عايز أسمع نفس الكلمة فولكس اشتريت سكودا طيب يا استاذي جيلي الصينية اشترت فولفو يبقى فولفو صيني ؟؟؟؟؟؟؟؟؟؟؟؟؟؟؟؟؟؟؟؟؟؟؟ اللي عايز الالماني عارف هيروح يشتري ايه .... حتى الفولكس دلوقتي بقيت أي كلام خليها في الفتيس بتاعها الاول يصلحوه وبعد كده يتكلموا عن عربيات !!!!!!
ده كلام من مبيعات سكودا يقولك الماني وتكنولوجيا الماني اقوله طيب أسكت أحسن ووفر كلامك ده لحد مش فاهم !!!!
والف الف الف مبروك عربية جميلة وفخمة وشكلها حلو رغم انهم مش بيعدلوا على شكل السكودا كتير بس هي شكلها حلو من زمان رغم ان ناس مش بتحب شكلها بس دي ازواق وانا بحب شكلها بصراحة
سكودا تشيكى فعلا ياباشا بس لما يبقي الشاسيه والعفشه وكل خرم في العربيه المانى فا دى حاجه كويسه والمقارنع مع جيلي وفولفو غلط لا سكودا بق استفادت من المانيا واديتنا العربيه المحترمه دى لكن فولفو مخدتش حاجه من جيلي
بالنسبه للعفشهةطبعا لا خلاف ان المالتى افضل بسةالعربيه مش سيئه بالعكس اخدت بيها غرز قطم وكانت تمام
وبالنسبه للسيراتو ماهى ب ٢٠٠ الف الهاى لاين بس مس هتدينى ربع قاعدة السكودا من شكل وخامات ولو على مبلغ ال ٢٠٠ الف مفيش عربيه تستحق السعر دا
مش فرق الثانيتين دول فى السحب الى هيخليى العربيه تقيله فى السحب ورخمه
وتعديل الشكل بص على البي ام نن عشر سنين فاتت هتلاقي نفس الخطوط تقريباةوالتغير بيبقي بسيط
حضرتك اخرها 180 توب سبيد يعنى انا بجيب بل لانسر 210 و 215 عادى يعنى مش بطل مع احترامى طبعا و باخد ملفات على 140 عادى !! و اى عربية كمان تعمل كدا بس لو سواق صح
من غير تحيز للماركة الاسكودا فعلا تعتبر من السيارات ذات التوب سبيد المنخفض نسبيا ولكن يقابله ثبات وتحكم كامل في السياره علي سرعات عاليه
ومن غير شك ان تسارع الشكل الحالي والتوب سبيد الخاص به افضل من السابق بفضل تخفيض وزن الشاسيه وتعديلات بسيطه علي الموتور وان كان الفرق لا يزال بسيط
ولكن في النهايه العربيه طول عمرها ذات اداء متوسط في السرعه وكل ئل بيشتريها عارف ده كويس ومتقبل الوضع ومش مستني انه يجيب بيها ٢١٠ ولا حاجه
تحياتي
والله غصب عني وللاسف اقارن عربيتي الفيكترا سي مانيوال موديل 2007 قوة ماتورها 105 حصان بعربية موديل 2015 ماتورها 110 حصان بس العيب ع توكيل الاسكودا
المهم العربيتين بيجيبوا 180 مستريح وماهما عملت فالاسكودا اكيد هيكون اخر الدواسة 220 نظرا لانها 110 حصان واللي هيساعد فالوصول لل 220 هو وزن الاسكودا عشان اخف من الفيكترا بكتير
نبدأ نقول ان الاسكودا عملت تطور امتى لما يكون ماتورها 140 حصان tsi ساعتها هقول للتوكيل نقلت العربية وخليتها منافسة
لكن للاسف الشديد التوكيل خلى قوة العربية زيها زي اى عربية موديل قديم
يعنى التيوتا تطلع منها والسيفيك
يريت لو كلامي من الناحية التقنية للماتور غلط حد يصوبه لي