ودا رقم المعرض اللي انا اشتريت منه
جاسر تريد
01001883500
في مدينة نصر بالقاهرة
عرض للطباعة
ودا رقم المعرض اللي انا اشتريت منه
جاسر تريد
01001883500
في مدينة نصر بالقاهرة
أول تفويلة عملت معايا 300 كيلومتر/ 20 لتر ... أو 15 كيلومتر / للتر .. كانت عبارة عن سواقة هادئة لأبعد الحدود بدون أي حرق أو تسارع مفاجئ على اعتبار إنها كانت لسة في التليين وكانت بالتكييف على طول وفيها كتير وسط البلد وزحمة كوبري أكتوبر ... والتفويلة كلها عملت 750 كيلومتر
ثاني تفويلة نفس الظروف لكن كنت سايق براحتي وعلى سرعات عالية شوية وبحرق وبعمل كل حاجة ... وعملت 285 كيلومتر / 20 لتر
الموضوع ده فيه كل ملاحظاتي عن العربية لو كنت لسة ما شوفتهوش
http://www.nilemotors.net/Nile/434488-2015.html
وده رد لي كان حد بيقارن عن الفرق بين السويفت والأتراج في الاستهلاك
اقتباس:
التوفير .. من الحسابات على الورق أعتقد السويفت تكسب
السويفت 87 حصان 4 سلندر على وزن 940 كيلوجرام
الأتراج 78 حصان 3 سلندر على وزن 870 .. فرق الوزن بينهم مش كبير .. ولكن فرق القدرة الحصتنية والعزم بتاع السويفت أكبر بكثير ... وبالتالي هاتدي درجة توفير أكبر في الوقود ... المحركين الإثنين VVT بنفس التكنولوجي أو متقاربة جدا
الفرق الوحيد لصالح توفير الوقود للأتراج هو الفتيس الـ CVT ... وده سلاح ذو حدين ... بمعنى لو مشيت عليه بالراحة بدون حرق نهائي وبدون ما تكون رجلك تقيلة على دواسة الوقود وبمعدل تسارع هادئ جدا هايديك توفير رائع أعلى من الفتيس الأتتوماتيك العادي اللى في السويفت ... لكن لو رجلك ثقيلة على البنزين ومتعود تدوس وخلاص وتحرق على الغيارات وكل شوية بنزين فرامل بنزين فرامل هاتلاقيه بياكل البنزين أكل ولو قريت تجارب الناس اللى معاها الأتراج هاتلاقي ناس بتقول شعر في توفير الوقود فيها وناس تانية لما تكتب معدل استهلاكها وفاكرة إنها كدة موفرة أبص ألاقي البيرسونا الـ 1600 بتاعتي بتعمل أحسن منه
وعموما أنا بحب الفتيس الأتوماتيك العادي عن الـ CVT .. لإني جربته في اللانسر البوما وما عجبنيش نهائيا في أسلوب النقلات بتاعته ... وعلى هو عاجب ناس تانية وعلى فكرة هو عاجب ناس ثانية عشان بس كلامي ما يتفهمش إنه حاجة وحشة ... هو بس عايز معاملة هادئة عشان تاخد منه الهدف بتاعه اللى هو توفير الوقو
معلش هوا ميتسوبيشي زي سوزوكي في مصر ؟!
توكيل وإعادة بيع وصيانة وصناعة وكدا ؟
نقطة تفوق الاتراج الوحيدة عن الديزاير هي الاتساع الداخلي وحجم الشنطة ... فكرة اعادة البيع لصالح الاتراج اعتقد انها غلط ... لسة الناس في مصر ثقافتهم متستمح بشراء عربية مستعملة 3 سلندر 1200 سي سي وبثمنها في الوقت اللى هتتباع فيه يقدر يجيب عربية افضل منها ... الديزاير برضه اسمها سويفت ... والسويفت في مصر من اوائل التسعينات وسمعتها كسيارة كويسة جدا ... غير الاتراج اللى اول مرة تنزل السنة دي (مع اختلاف التكنولوجيا والشكل والموديل) لكن اسم السيارة معروف ... زي الكورولا ... زي اللانسر .. زي السيفيك ... زي الجولف ... عربيات بتنزل بنفس الاسم ونفس العلامة من اكتر من 25 سنة وماسكة نفسها في السوق وبتتطور شكلا وتكنولوجيا ... نفس الامر على السويفت ...
انت احتياجاتك ايه؟ توفير ؟ الاتنين هيوفروا جدا بس الاتراج كويسه لان اعادة بيعها هيكون كويس بسبب علامة ميتسوبيشي.
أداء؟ الإتنين مش هيدوك الاداء بتاع المنافسين اللى فى نفس الفئة السعرية سواء جديد او مستعمل.
فكرة ان المستعمل بلاش عشان مهلوك مش مظبوط.. طيب منا ببيع عربيتي رغم انها جيده جدا جدا.
فيه وفيه.. المهم تختار عربية صح.
يا جماعه قصة علامة ميتسوبيشي دي مش هتخلي الاتراج تكسب في اعادة البيع على اي حال من الاحوال
سوزوكي اسمها معروف برضو وسويفت اسم معروف مش جديد على السوق المصري
ماعندك الميتسوبيشي كولت حد سمع ان اعادة البيع بتاعتها كويسه ؟
عموما من الآخر ..اللي بيحكم الموضوع ده هو العرض والطلب .. يعني العربيه اللي هتنتشر اكتر هتبقى مطلوبه في المستعمل اكتر
وفي رأيي الشخصي حرام واحد يحدد قرار شراء عربيه عشان اعادة البيع .. دي أرزاق والله
والسويفت تكسب بكل المقاييس مع احترامي للاتراج وملاكها
السويفت
مقارنه صعبه السويفت تكسب طبعا لكن انتشارها في مصر صفر تقريبا بعكس الاتراج اللي بقينا نشوفها يوميا