العربيه بتدور و تبطل على طول بعد الدوارة (مهم جدا لكل مالكى البومه)
معابا لانسر بومه 2005 1600 خليجي حصل معايا مرتين قبل كده العربيه تدور و تبطل بعد الدوارة مباشرة:
1 - مره وقت عمل حاجه فى التابلوه يظهر سلك لمس أو حصل قافلة العربية تدور و تبطل بعد الدوارة شلت القطاش بتاع البطارية و حطيته علشان أعمل ريسيت و مفيش فايدة كنت عند شارع دمشق و المحلات و الصنايعية هاتك يا فتي المهم ربنا رزقنى بولد شغال في محل أكسسوار فضل يراجع علي كل حاجة و في الأخر( طلع فيوز 10 اللي في المربع الأصفر في علبة فيوزات هو اللى بايظ الفيوز مش سايح من جوه لكن الرجلين مسودة غيره العربيه أشتغلت زي الفل )
2 - و أنا بغير البطارية من يومين بعد الولد ما غير قالى دور علشان أقيس الشحن و معرفش هبب إيه و أنا جوه العربيه بدور وهو فاتح الكبوت إتكرر نفس الموضوع و كنت شايل معايا فيوزات اسبير غيرتها و مفيش فايده و لا الريسيت نافع برضه رحت جبت كهربائي و مفيش فايده قالي كهربة العربيه سليمه راح معلي الاكسلتير شويه كأنك ساند بنزين فضلت دايره قالى ده Idle control و اتنين تانيين قالو نفس الكلام غيره كلمت واحد ميكانيكى اعرفه بيفهم و دارس و قلتله على اللى حصل ( فك قواطيش البطارية أكتر من نص ساعة و يمكن ساعة و بعدها وصلها و دور دارت زي الفل ولا كنترول و لا أي حاجه)
الخلاصة : العربية دي كهربتها عامله زي المزر بورد بتاعة الكمبيوتر أي كنترول فيها ممكن ياخد شحنة كهربا و يقف قبل ما تغيير ما تغير و تلعب أفصل البطارية ساعة و وصلها و أعمل الريسيت صح 10 دقايق و و بطل و 10 دقايق تانين و بطل و بعدها دور و أمشي.
ملحوظة : بعد الريسيت عند تشغيل التكييف أول مرة سيب العربية 5 دقايق و التكييف شغال قبل ما تمشى علشان العربية بتظبط نفسها (أول ما تشغل تبرجل و تظبط لحدها )
