ايه رأيكم فى الـ Mazda 3 2015 ؟؟؟؟؟

**kofta** · 08-08-2014 08:13 PM

ايه رأيكم فى العربية ديه هل حد جربها ؟؟؟؟؟

**WAEL .H** · 09-08-2014 01:49 AM

المشكلة في الموتور

**kofta** · 09-08-2014 07:23 AM

مشكلة ايه ؟؟؟

**WAEL .H** · 09-08-2014 11:20 AM

نفس الموتور بتاع الشكل القديم وصغير عليها ومأثر عليها في السحب والسرعة

**shifoo68** · 10-08-2014 12:43 AM

المشاركة الأصلية كتبت بواسطة kofta

ايه رأيكم فى العربية ديه هل حد جربها ؟؟؟؟؟

العربية تحفة فنية فى الصالون من جوة والخامات نظيفة جدا والعربية دى اللى ممكن تقول عليها تغيير فى شكل الصالون شكل مختلف تماما من نظام الزارير والشاشة اللى فى الوسط والكراسى الجلم مكملة شياكة الصالون والميزة كمان تقفيل بلادها يابانى ولا تقولى تيوتا واى حاجة تقفيلها واضح ..... ولكن يا فرحة ما تمت لالالالالالالالالا تحديث بالموتور او الفتيس بتاع الشكل القديم واللى قبلة
سحب ضعيف جدا مع 4 غيار فقط العربية شكلا فقط ولكن الموتور سحبة ضعيف

**dreslam** · 10-08-2014 01:13 AM

محدش جربها للان لكن مافيش شك انها تحفه فنيه خالصه وملامحها خارجيا وداخليا يخليها من اجمل عربيات ٢٠١٥ العبره لسوقها في الانتشار الغير متوقع لان في فئتها السعريه عربيات واكله السوق السنه اللي فاتت ونفسها حتاكله السنه الجايه ويمكن اللي بعديها كمان

**mirra** · 10-08-2014 01:22 AM

العربيه حلوه بس التوكيل ظالمها و كمان فيه مثل قديم بيقول (المازدا فاسده و لو كانت زيرو)..مع الاعتذار لكل مالكى المازدا.

**kofta** · 10-08-2014 11:04 AM

يعنى ابعد عنها ؟؟ انا كنت بفكر فيها بصراحة بس طالاما موتور سحبه ضعيف يبقى مش حلو كدة ولا رأيكم ايه ؟؟

**shifoo68** · 10-08-2014 12:40 PM

المشاركة الأصلية كتبت بواسطة kofta

يعنى ابعد عنها ؟؟ انا كنت بفكر فيها بصراحة بس طالاما موتور سحبه ضعيف يبقى مش حلو كدة ولا رأيكم ايه ؟؟

كمان نسيت اقول لحضرتك سعرها مبالغ قوى فيها وغاليةةةةةةةة 217000 الهاى لاين وهيا ماتتركبش غير هاى لاين ولو السعر دة يبقى اوكتافيا الفئة التانية وش على طول من غير ادنى تفكير تغيير فى كل حاجة من موتور لفتيس لشكل وفخامة وثبات وسعر اعادة البيع ,,,, وسعر المازدا غريب شوية واعتقد حياثر على المبيعات ولصالح التيوتا والسوبارو والسنترا

**WAEL .H** · 10-08-2014 03:52 PM

المشاركة الأصلية كتبت بواسطة shifoo68

كمان نسيت اقول لحضرتك سعرها مبالغ قوى فيها وغاليةةةةةةةة 217000 الهاى لاين وهيا ماتتركبش غير هاى لاين ولو السعر دة يبقى اوكتافيا الفئة التانية وش على طول من غير ادنى تفكير تغيير فى كل حاجة من موتور لفتيس لشكل وفخامة وثبات وسعر اعادة البيع ,,,, وسعر المازدا غريب شوية واعتقد حياثر على المبيعات ولصالح التيوتا والسوبارو والسنترا

بالعكس انا شايف ان الهاي لاين سعرها مناسب جدا لما تقارنها بباقي منافسيها لما تكون تقفيل ياباني وشكل جديد واخدة ست جوائز عالمية وفيها كمية كماليات كبيرة زي الجنوط وفتحة السقف وفرش جلد كامل وزينون وفوانيس متحركة وليد امامي وخلفي وكرسي كهربائي وحساس مطر واضاءة وبارك وزجاج فيميه ومفتاح بصمة وانذار غير طبعا الشاشة والكوماندر والبروجيكتور وده كله في بينزل في الفئة بتاعة غبور
عربية فخمة جدا وثابتة جدا موتورها اي نعم صغير عليها ومتقل العربية بس مجرب هو والفتيس ومفيش فيهم مشاكل مش في قوة وسحب الكوري وتويوتا بس عاملة زي الاوكتافيا بطة في الطلعة
التويوتا تقفيلها التركي باين عليها والسوبارو فقيرة والسنترا درجة تانية
هي باكيدج حلو لاي واحد بيدور على الفخامة والتميز بس من غير جري