هل تنصحونى بشراء تيوتا ياريس 2015 موتور 1500؟
و ما هى مميزاتها و عيوبها؟
و هل صناعتها يابانى ولا تركى؟
و جوده صناعتها؟
و هل الصاج متين؟
شكرا
عرض للطباعة
هل تنصحونى بشراء تيوتا ياريس 2015 موتور 1500؟
و ما هى مميزاتها و عيوبها؟
و هل صناعتها يابانى ولا تركى؟
و جوده صناعتها؟
و هل الصاج متين؟
شكرا
انا ملاحظ ان عندك حيرة جامدة جدا و في كذا موضوع في كذا قسم عن الفلوانس و الياريس و الكورولا و الكروز و الشارك .
لو حضرتك قولتيلنا متطلباتك ايه من العربية و رينج الفلوس نقدر نفيدك اكتر
زي ما قلك مستر محمد كده ... لازم تقوللنا ايه هيا متطلباتك علشان نقدر نرشحلك عربية حلوة كده ... بس بخصوص سؤالك اه نرشحلك ونص وتالت تربع كمان . انتي بتسئلي عن ايه اصلاً انتي بتتكلمي عن تويوتا. صانع العربيات رقم ١ في العالم يعني بتتكلمي عن التوب عن القيادة والريادة والسيطرة .
هو مش برضو المثل بيقولك. اركب وسيطر !!!
بالنسبة لصناعتها هيا متورها ياباني. بس بتتنصع في مصنع تويوتا الي موجود في تايلاند ... بخصوص العيوب لحد دلوقتي محدش اشتكى من عيوب محدده. بحيث نقدر نقول انوا عيب ... وبالتوفيق .
ده اللى محتاجه من العربية "المجهولة " بأولوية الترتيب :
عربية اوتو اروح بيها الشغل رايح جاى كل يوم لوحدى بمشاويرى يعنى حوالى 100 كم و تكون موفرة فى البنزين
عربية لما اكون مسافر تاخدنى و معايا العائلة و شنطنا و حاجاتنا و تكون ثابته و مريحه على الطريق
عربية توكيلها بيتعامل معاملة ادمية و مش مبالغ فى قطع غيارها و تكون متوفرة و معمرة
عربية معقولة السعر 125 الف تقريبا و لما اتزنق فى فلوسها الاقيها
عربية شكلها كويس و شيك
المستحيلات الخمسة - صح ؟؟ :)
هو كل الي مذكور ده موجود في اليارس مااا عدى حاجة وحدة
انتي عاوزة عربية.توكيلها بيتعامل بمعاملة ادمية ومش مبالغ في قطع الغيار ده مش موجودة في مصر اساساااااااااً ... انتا مش في الامارات حضرتك علشان تتعامل بادمية ولا انتا في امريكااا بس ما تقلقش التوكيل بكل لطافة وكل شياكة. وقت الجد. بيثبتك بكلمتين ويقنعك انك بتحلم. ان عندك مشكلة في العربية ... ومش بعيد. مهندس الاستقبال يوصفلك. او يطلبلك شاي بالينسون. او قرفة بالجنزبيل او لمون بالنعناع علشان تروح من راسك الوساوس. دي خالص. بالذات لو انتا في فترت الضمان وظهرت اي مشكلة ... فمتقلقش او متقلقيش. تويوتا يارس انشاء الله الخيار الانسب ... بس حتت بقه التوكيلات دي. لو بتفكري فيها يبقى عمرك ما هتركبي عربية في مصر ابداً .... لا وعاوزة التوكيل يتعامل معاملة ادمية كماااااان !!! قال ادمية قال !!! ده مش ناقص حضرتك غير تطلبي وجبة هبي ميل. لكل عميل :) مفيش الكلام ده في مصر ... وتحياتي
هل التويوتا افضل ام الكروز من حيث التوكيل والاعتمادية واسعار قطع غيارها ومدى كفائتها و هل فعلا التويوتا ياريس مينفعش تغير زيت مثلا غير فى التوكيل واسعار قطع غيارها اسعارها غالية جدا وهل متوفر قطع غيارها خارج التوكيل و هل ى موفره لبنزين وتنصحونى باايه كروز ام تويوتا من حيث كل ماذكرته وشكر جزيلا لكم ..
الكروز حلوة والكولتي وشكلها تحفة تحس كده شرسة. بس كوري والكوري دايماً مصنف نمرة اتنين. او بنصنفوا كبديل للياباني الاصلي ... اما التوكيل بتاع كروز فده بتاع منصور. يعني أنتا في أيادي أمينة وماااااااا أدراك. ما أمينة ، الناس تسمع كلمة امينة من هنا يفتكروا على طول امينة بتاعت سي السيد. قاعدالهم هناك في الاستقبال ياعزيزي توكيلات مصر كلها انيل من بعض نفسي اشوف توكيل عدل واحد .
بخصوص اليارس بتقدر تغير الزيت والفلتر بتاعها في اي مكان ... اما قطع غيار تيوتا الحمدالله متوفر بره التوكيل والتيوتا بصفة عامة انتو ناسين ان تالت تربع مصر عربيات تويوتا ... لان تويوتا مش بس كورولا او يارس بص حوليكم كويس هتلاقي عربيات الميكروباصات تويوتا. اتوبيسات الشركات تويوتا .... النص نقل الي بيجيبلكم البطيخ والكنتلوب واليوستفندي تويوتا ... عربيات. الاتاري والشرطة في كل لجنة وفي كل حته تويوتاااا ... ده غير عربيات السفارات والهيئات الدوبلوماسية تويوتا .... عربيات الجيب. بتاعت السياحه ورحلات السفاري تويوتا. ... حتى عربيات الامم المتحدة. اليو ان. تويوتاااا بسم الله مشاء الله
يعنى الياريس 2015 عربية يعتمد عليها وتستحمل سفر وبهدلة وكمالياتها ايه مفيش موقع عايز يفيدنى فى كمالياتها لان اللى موجود على النت الخليجى او اللى بتنزل برة نفسى اعرف بتاعت مصر مواصفاتها اية وسعرها انا شوفتها على الحقيقة وعجبنى شكلها بس عايز اعرف امكانيتها