فليشيا 97 محتاجه شويه حاجات مساعدين وعلبه دركسيون وصليبه
والماتور 65 % حسب كلام الميكانيكى هى سنتر وزجاج كهرباء قدام فقط كوتشتات جديده وبطاريه جديده تعمل كام
سامحونى فى الاطاله بس ديه اول مشاركه ليا واول عربيه برضو اركبها
عرض للطباعة
فليشيا 97 محتاجه شويه حاجات مساعدين وعلبه دركسيون وصليبه
والماتور 65 % حسب كلام الميكانيكى هى سنتر وزجاج كهرباء قدام فقط كوتشتات جديده وبطاريه جديده تعمل كام
سامحونى فى الاطاله بس ديه اول مشاركه ليا واول عربيه برضو اركبها
أخي العزيز أهلا وسهلا بيك فى القسم نورتنا
أنا عاوز أقول لو حضرتك الموتور 65 % يبقي كدة مش حلو ومعني كدة ان الموتور فيه شغل بالاضافة على المساعدين وعلبة الدريكسوين وما يستجد عن العمل فى السيارة
بالنسبة للسعر زي ماكنت عارف من 27 ألف تجيب حاجة مناسبة بس الاسعار مقدرش أحكم عليها كويس
ونصيحتي ليك أوعي تستعجل وتشتري أى حاجة وبعدين تندم والفليشيا من العربيات الجميلة هتعشقها لو حاتلها كويسة أما لو فيها عيوب هتكره اليوم اللى اشتريتها فيه
وسؤال هوة اللي بيبيع طالما حكم انها محتاجة مساعدين واسكاترا بس معملهومش ليه ويكسب هوة الفرق أعتقد العربية كدة هتفتح معاك شغل
فى التأني السلامة ودة إجتهاد شخصي قد أصيب أو أخطئ
تقبل تحياتي وأنتظر مشاركات الزملاء
فيها شغل كتيييير
هو البايع مقليش على اللى فيها انا وديت العربيه عند اتنين واحد كشف عفشه وعلى الحاجه اللى تخصه والتانى كشف ميكانيكى وهما اللى قالولى على اللى فيها
بس هو مقليش حتى المساعيد عاوزين يتغيرو وكان عاوز فيها 30 وحاولت معاه قبل ما اكشف عليها ل28 بس بعد ما كشفت عليها حسيت انى هصرف عليها كتير
بس غير كده بتاع العفشه قالى حالتا كويسه فمش عارف اعمل ايه اخدها ولا هصرف كتير عليها
طيب اانا مش فاهم مين قاللك فيها مساعدين
بص واضح ان صاحب العربية سايبك تكتشف عيوبها بنفسك ومش مستبعد يكون فيها اكتر من كدة والله أعلم بس بالنسبة والتناسب لما تكون العربية فيها الشغل دة يبقي أكيد هتفتح يقها اول ماتمد ايك فيها
والسؤال الاهم الميكانيكي حدد ازاى ان الموتور 65 % هل قاس كبس الموتور ولا حكم ازاي
بكرر نصيحتي الفليشيا لو مجبتش حالتها كويسة هتكرها وخصوصا لو دي هتكون أول عربية ليك
ملحوظة بردو هامة أنت بتقول 30 وضيف الشغل دة اللى أنتي حتي متعرفش اوله من أخرة
تقبل تحياتي
بص هو اللى كشف على العربيه اتنين واحد بتاع عفشه وكده والتانى ميكانيكى
وبالنسبه لحاله المتور هو مكشفش بحاجه هو خلع خرطوم وحط ايده فى مكان الخرطوم وطلع زى سائل اسود فى ايده
وقال ان فى حاجه مش فاكر اسمها مفتوحه وديه بتتفتح فى الصيف عشان الحر ومتسخنش
بس شكلى هعمل بنصحتك ومش هاخدها لان كلامك صح
أنا مش بقول أشتري ولا متشتريش اللى يهمنا تكون عارف حالتها بالظبط علشان لو حتي اشتريت بتقي عارف الشغل اللى فيها اية بالظبط وهيكلفك كام
بس حاجة بالعقل طالما الميكانيكي قال كدة وبتاع العفشة كمان طلع فيها شغل بكدة العربية دي صاحبها مهمل فيها وابتدت تفتح بوئها معاة وعاوز يزحلقها
متستعجلش ودور على حاجة زي كدة الاستعجال وحش
فكرتني باول عربية اشتريتها ورجعتها بعد 24 ساعة بالظبط وخسرت فيها شوية بس بعد كدة اتعلمت انك متستعجلش وتشوف عربية واتنين وتلاتة عندك السوق والمواقع الاعلانية
موفق إن شاء الله ونتشرف بيك بيننا فى المنتدي
تقبل تحياتي وأسف ع الاطالة