الموضوع: كيا سول 2015 الفئة الثانية

السقف البنوراما لاخوف منه هو يعادل السقف العادي وسمكه زي الزجاج السكريت ولو شفت حوادث الهونداي سوناتا علي اليوتيوب في السعوديه تلاقي العربيه مقلوبه السقف البنوراما يادوب حته مكسوره ياعني مفيش قلق منه

المشاركة الأصلية كتبت بواسطة darkangel345

شكرا يا جماعة لكل رددكوا بس امبارح كنت عند المعرض وبصراحة راجل محترم جدااا بس قالي العربية إللي انا رايحة اشتريها اتباعت وهو منشكح قووووي ومش حتوصل قبل شهر 11
قلتله طيب خلاص مقدميش بقي غير الخليجي قالي مبنشتغلش فيه ومنصحكيش بيه لان اي حاجه تبوظ في العربية تتصلح علي حسابك قلتله بسيطة قال لاااااااا يعني مثلا لو جابت فتيس ذي ما هو معروف عن العربيات الكيا ( كان نفسى اقوله حراااااااام عليك متقولهاش في وشي ) يتغير ب40 الف علي حساااااابك
شكلي حلغي فكره الكيا خااااالص

للأسف هوا فاكر أنه كده بيسوق للوكيل ,بس فى الحقيقه هوا بيدمر سمعه كيا كلها

الأختيار بين الوكيل و الخليجى أكتر حاجه ممكن تحير أى حد بيشترى عربيه

الخليجى أنا بشوف أنه أختيار ممتاز بس بالنسبه للعربيات ألى أتهرست فى السوق المصرى زى الريو الجديده و السيراتو القديمه , العربيات ديه أتجربت و الناس عرفت مشاكلها و مبقاش فيه حاجه تخوف من موضوع الضمان
يعنى أنا لو رجع بيا الزمن كنت حجيب ريو خليجى (أنا معايا وكيل علشان كانت لسه جديده وقتها)
و فى الأخر برضه فى نسبه مخاطره أن العربيه يكون فيها مشكله , مش شرط يكون الفتيس

بالنسبه للسول , الموضوع مختلف , العربيه لسه جديده و متجربتش لسه , فالقرار حيكون أصعب علشان نسبه المخاطره أكبر

السبع فعلن مركز خدمه و موزع معتمد لكيا فطبعا عنده وكيل بس ,

موضوع الفتيس ده أشتغاله من الراجل علشان يسوق للوكيل مش أكتر , و بعدين لقدر الله لو العربيه الوكيل فيها مشكله ,مين ضامن أنه حيأخد حقه من الوكيل ,و أن الوكيل ميقلش أن ده عيب أستخدام

هو بيبالغ عشان يبعدك عن الخليجى وكمان انتى ممكن تشترى ضمان 3 سنين من شركة تربل a
وكمان انا اعرف ناس اشترت عربيات توكيل مخصوص ومستفادش بالضمان
بس انا مشوفتش السول الخليجى
انتى ممكن تصوريها بكاميرا واضحه من جوه وبره وترفعى الصور واحنا نقولك اوك او لا
لان كان فيه زميل بيقول ان فيه خليجى فيها كل حاجه 165 الف اللى هيا فى الوكيل 205000
فطبعا يابلاش وصفقه رابحه
اخر حاجه ان احلى الوان السول ومتركبيش غيرها

الفضى الفيرانى النبيتى التوفى اللى هوا الموكا الفاتح
وسيبك من الاسود خاااااالص