لو سمحت انا اتصلت بشرين كار علشان اسأل على فيات لينيا وقال ان مبقاش فى توكيل فيات فى مصر هل الكلام ده حقيقى ولا ايه ؟ وشكرا
عرض للطباعة
لو سمحت انا اتصلت بشرين كار علشان اسأل على فيات لينيا وقال ان مبقاش فى توكيل فيات فى مصر هل الكلام ده حقيقى ولا ايه ؟ وشكرا
ولو ليها توكيل هايكون ملهوش اى لازمه
ولو انا عاوز عربية فى حدود من 130000 الى 140000 بس تستحمل مشاوير ( 100 كم فى اليوم ) وتقعد من 5 الى 6 سنين وتكون موفرة فى البنزين وشكلها كويس ، ايه الخيرات اللى قدامى
في توكيل فيات في العبور
بص يا باشا انت حيكون قدامك حاجات كتير زي:
1- بيجو 301...فيها شوية مشاكل والكلام ده من ملاكها وتقدر تشوف ريفيوهاتها في قسم بيجو
2- كيا ريو...عربية محترمة والكوري دلوقتي بقي معمر كتير عن زمان انا معايا لانوس من 12 سنة وتشوفها تقول زيرو..استهلاكها في البنزين بناءاً علي آراء الملاك حلو جدا وعربية شيك بردو
3- لانسر شارك اول فئة ياباني 100% ودي الميزة الوحيدة اللي فيها ومتاخدش برايي انا بالذات في موضوع اللانسر لاني بشوفها عربية فقيرة جدا لاكن سوقنا لتعبان هو اللي بيخلينا نجري ورا اي حاجة ياباني لمجرد بلد المنشأ بس لاكن الياباني المحترم في نظري التويوتا والهوندا والسوبارو
4- اخر اختيار وده اللي انا برشحه ليك هو التويوتا ياريس 2015 بالموتور ال1500 اللي نزل جديد عربية تقفيل تايلاندي تقريباً بس بمعايير تويوتا العالمية كل حاجة فيها ياباني موفرة في البنزين وتقفيلاتها حلوة جدا تابلوه جلد والابواب من الداخل فيها تقفيلات جلد محترمة كتير في الوان كتير فيها لون الفرش الداخلي بيج واول فئة فيها 2 ايرباج و abs,ebd بجد عربية حلوة جدا
من الآخر كده الكيا حيبقي قدامك فيها اول فئة وتاني فئة اول فئة مفيش وسائل امان تاني فئة فيها 2 ايرباج و abs, ebd وتارة مالتي فانكشن وجنوط اسبور-البيجو اوتوماتيك عاملة 130000 تقريباً وفيها نفس وسائل امان التويوتا والريو-ويبقي اقلقم في نظري اللانسر الشارك الفاضية تماماً من وسائل الامان والكماليات وتبتدي اوتوماتيك من 138000 جنيه (بتشتري الياباني بس يا معلم)
استخير ربنا واتفرج عليهم كلهم ولو قدرت تسوقهم سوقهم هي مسالة راحة نفسية وربنا يوفقك للخير ومبروك مقدماً وربنا يديك خيرها ويكفيك شرها
تويوتا ياريس الجديدة ........كيا ريو السيدان ..........مناسبين وحلوين جدا جدا
مين اللي قال إن فيات ملهاش توكيل في مصر؟؟؟؟
علي حسب مجلة عالم السيارات التوكيل اتسحب من اوماترا و بقي تبع شركة النيل الهندسية و ساعتها عرفت إن توكيل فيات بيبيع قطع غيار الفا روميو
زود وهات الشيفروليه كروز الكل بيشكر فيها واللمسة الألمانية فيه
المثل بيقول ان ملحقتش الألماني اتمرمغ في لمساته