مكافحة انقطاع الكهرباء مطلوب مساعدة

**ali ashraf** · 09-08-2014 04:02 PM

السلام عليكم موضوع انقطاع التيار الكهربائى فى الفترة الاخيرة اصبح غير محتمل , قررت أشترى اما موتور بنزين او انفريتر يدوب هشغل مروحة و كومبيوتر و روتر و 2 لمبة بالاضافة الى تلفزيون و ريسيفر مع ملاحظة ان الموتر البنزين يشغل تكييف ايضا بس بقول غير امن و لانه فى منزل مش مكان عمل او عيادة ملهاش لازوم الكلفة و المخاطر عموما الانفرتر مع بطارية دييب سيكل فى حدود 3 الاف جنية يعنى مش رخيص برضه السؤال ايه راى من جرب الانفرتر وهل هو عملى فعلا لان اجهزة يو بى اس مثلا لا تخدم سوى بضع دقائق ياريت تساعدونى مش عايز اخسر فلوس على الفاضى و المثل بيقول اسأل مجرب و شكرا

**rotanamasoud** · 09-08-2014 09:04 PM

الانفرتر عيوبه قدره محدوده وزمن محدود واهلاك بطاريه كل فتره من الزمن
مميزاته صامت وبلا صيانات ولابنزين ولا زيت الخ
المولد تقريبا العكس قدرات مفتوحه زمن تشغيل متواصل يصل ل11 ساعه
والعيوب الازعاج(حلها كاتم) ومكان له وبنزين وصيانه دوريه
راييى الشخصى ان المولد عملى اكثر وراجع الموضوع ده
http://www.nilemotors.net/Nile/411407-a.html

**ali ashraf** · 09-08-2014 09:28 PM

المشاركة الأصلية كتبت بواسطة rotanamasoud

الانفرتر عيوبه قدره محدوده وزمن محدود واهلاك بطاريه كل فتره من الزمن
مميزاته صامت وبلا صيانات ولابنزين ولا زيت الخ
المولد تقريبا العكس قدرات مفتوحه زمن تشغيل متواصل يصل ل11 ساعه
والعيوب الازعاج(حلها كاتم) ومكان له وبنزين وصيانه دوريه
راييى الشخصى ان المولد عملى اكثر وراجع الموضوع ده
http://www.nilemotors.net/nile/411407-a.html

جزاكم الله خيرا حقيقة موضوع وافى و كامل و ربنا يكرمك و يسعدك يارب , سؤالين معلش . انا عارف قدرة المولد مثلا 3 او 5 كيلو بس عند الشراء موضوع القدرة عند بدأ التشغيل دى اسأل عنها ازاى؟ و السؤال الثانى عند اتصالى بالمحلات اللى عمله عروض بتقول ممكن تشتغل بالغاز ( انبوبة بوتجاز) اى راى حضرتك فى موضوع الغاز ده وهل ينفع اتصل بشركة الغاز مثلا لانى فى البيت غاز طبيعى لتوصيله بالمولد و كده يبقى الواحد وفر و جاب طاقة نظيفة و مستمرة ياريت تتكرم على بالرد

**rotanamasoud** · 09-08-2014 09:41 PM

بالنسبه للقدره سوقيا بيتقال 5 كيلو بيطلع 2.5 فسؤالك بيكون عنك 5 كيلو بيطلع 2.5 وخد بالك ممكن تلاقى 5 بيطلع 2
الغاز محرك بنزين لتشغيله بالغاز تعرفها من المواضيع فى المنتدى للعربيات لتشابه المحرك
ومعظم الردود ان الغاز حامى وبيقلل عمر المحرك لاكن ممكن تتلافى العيب بميزه ان الغاز موجود على طول وانه مش محرك سياره شغال على طول(يعتبر بيشتغل شهرين صيف باجمالى 60 ساعه مثلا وبيتعان باقى السنه فمتقلقش من موضوع الغاز)اما التوصيل من الشركه رسميا ممكن ولا لا حيتحججو ممكن توصيل بصفه غير رسميه

**ahmedsamy90** · 16-08-2014 11:05 PM

بص يا باشا انا نازل ان شاء الله كمان يومين باب اللوق اشوف موضوع الانفرترات واجهزة اليوبي اس اللي بتشتغل على بطارية خارجية واول لما اعرف الأسعار والمواصفات هبلغك

**drcobra** · 17-08-2014 11:12 AM

انفرتير هندى بيور ساين 875 فولت امبير ماركة سوكام سعرة 1350 مكان الشركة فى الهرم اول نصر الدين
والشركة انا اشتريت منها بطارية كورى 100 امبير ديب سيكل بسعر 1600 جنية