عرض للطباعة
السلام عليكم
أنا بتابع المنتدى من فترة وكنت مقتنع تماما بالشارك الفئة التانية (ABS - EBD - 2 Airbags - جنوط) وكيل
المشكلة إنها مش موجودة دلوقتي خالص فـفكرت في
1- ريو هاي لاين أو
2- الشارك الخليجي (ABS - 2 Airbags - جنوط)
عندي كام سؤال :
1. أجيب الخليجي منغير EBD ولا هو يستاهل وهل العربيات الخليجي مفيش منها قلق ؟
2. الخليجي بضمان High Trade ده حاجة كويسة ؟
3. أجيب ريو أحسن عشان ضمن أو عشان العربية أحسن أصلا ؟
ياريت برده حد يقولي أحسن معرض أجيب منه فين؟
أنا هانزل اتفق النهارده إن شاء الله
شكرا
الريو الهاي لاين تحفة من جوه وشنطتها واسعة. اوسع بكتير من الشارك فـأنا بدأت أشوف إن هيا اختيار أحسن كمان في اعادة البيع
سؤالي هو عن موتور ال 1400 ؟ هل سحبها كويس مع التكيف ؟
أنا عارف إنه مايتقارنش ب mivec بتاع الشارك بس عايز أطمِّن إنه موتور محترم
الراجل في المعرض قال لي إنه 2 كامة فسحباها ممتاز أنا طبعا معرفش يعني إيه 2 كامة.
شكرا
انا معايا كيا ريو 2014 .. بس الشارك كعربية افضل طبعا من الريو واعلى منها في التصنيف اصلا
والـ ebd طبعا مهم لكن الـ abs اعتقد اهم ( اي عوامل امان بالتأكيد مهمة مفيش شك )
لو مش هتقدر تجيب شارك فيها عوامل امان خالص فالريو هتبقى افضل في الامان فقط ليس الا
سحب الموتور مش بيتأثر بالتكييف وحتى لو بيتأثر مش بالدرجة الملحوظة و ده عن تجربة ( العربية معايا عاملة 10000 كيلو الحمدلله و 9شهور ) والموتور فعلا متحسش انه 1400 هتحس انه اكتر من كدهاقتباس:
المشاركة الأصلية كتبت بواسطة adelkkhalil
لكن في الاول وفي الاخر الشارك افضل من الريو وفئة وتصنيف اعلى من الريو ومفيش مقارنة لانك هتظلم العربيتين
طيب يعني أجيب الشارك اللي منغير ebd وخليجي ؟ دي الشارك اللي قدامي دلوقتي ؟
مادام الشارك فيها ABS - 2 Airbags - جنوط تبقى تمام ان شاء الله كويسة
ده تقريبا نفس عوامل الامان في ريو هاي لاين زيادة في الريو بس EBD وبعض الكماليات والاوبشنز اللي مش موجودة في الشارك
الريو شكل اجدد والشارك شكل متكرر
بس في النهاية الشارك كعربية اعلى من الريو
شوف حضرتك ترتاح في ايه واستخير ربنا وتوكل على الله
شكرا أنا خلاص هجيب شارك إن شاء الله
العفو ربنا يهديك للاصلح وان شاء الله الشارك عربية ممتازة
شكلك حابب الشارك وحد كان بيزن عليك بالريو :) قول ماتتكسفشاقتباس:
المشاركة الأصلية كتبت بواسطة adelkkhalil
الشارك افضل بس المشكلة إنها خليجي يعني إحتمال يكون مفيش ضمان
wait till you find the shark you want ( tawkeel ) a
الشارك
الشارك أفضل طبعا والله أعلم
بغض النظر الشارك افضل
أنا سمعت كلامكم وجبت الشارك الحمدلله فئة تانية توكيل زي ماأنا عايز
الف مبروك ... حضرتك جبتها بكام؟ و منين؟ و ايه الألوان المتوفرة؟اقتباس:
المشاركة الأصلية كتبت بواسطة adelkkhalil
الف مبروك
كيا ريو
اكيد افضل
الف مبروك ياباشا وياريت تقولنا رأيك بعد التجربة