ماشاء الله تقرير ممتاز
ربنا يباركلك فيها يديك خيرها ويكفيك شرها
عرض للطباعة
ماشاء الله تقرير ممتاز
ربنا يباركلك فيها يديك خيرها ويكفيك شرها
أنا عارف إنك مقتنع و دي عربيه الله أكبر أحرجت عربيات ضعف ثمنها من حيث الكماليات و الثبات و تجهيزات الأمان
لكن الكام نقطة اللي مش عاجبينك مش هاتعوضهم إلا النجمة الفضي (ميرسيدس) :) و بداية من e
موضوع البنزين زي ما بقولك كده حن رجلك و بلاش كيك داون من الآخر غير طريقة سواقتك لازم الطلعة تبقي براحة و التسارع هادي
أنا مجرب الكلام ده في 407 2000 cc و صدقني بعمل معدلات إستهلاك هايلة
تقرير رائع وانا ركبت العربيه حسيت انها مستقبليه شويه وسابقه جيلها مع اني مش بحبها عشان ضخمه شويه حسب الاذواق
مبروك العربيه
يا كبير أنا مبعملش بيها سباقات .. وبرده مبفركش بيها
يعنى لما بحرق بنزين بيبقى فى العادى .. بدوس سنة زيادة علشان أسقط غيار واحد مش غيارين .. ومع الكلام اللى بقولهولك ده بر دو عن طريقة السواقة المفروض متعملش غير 400 كم بس ؟؟؟ طب تعمل 500 حتى أو 600 هنقول ماشى ويبقى كده الإستهلاك 10 لتر لكل 100 كم .. إنما 400 ده إستهلاك رهيب .. معناه إنى جايب دواسة البنزين للآخر علطول و مبرفعش رجلى عنها خالص والكلام ده مش حقيقى .. ومعناه إن المتوسط بتاعها 15 لتر لكل 100 كم
ثم بالنسبة لموضوع الكام نقطة اللى مش عاجبنى .. أنا أكتر نقطة أملى خاب فيها موضوع العفشة .. وده معتقدش ليه دعوة بمرسيدس أو أى عربية تانية .. أنا بتكلم على الفشة السعرية اللى فيها العربية .. العربية بتهبد بردو بطريقة رخمة .. متوقعتش إنها تبقى ناشفة كده بالإخص إنى كان معايا كيا سيراتو 2010 وكلنا عارفين مشكلة العفشة الناشفة بتاعتها وقلت أجيب عربية غالية .. يبقى لما أجيب عربية تمنها 300 ألف ألاقى عفشتها ناشفة ( طبعاً عفشتها أبعد ماتكون عن السيراتو بس الموضوع نسبة وتناسب ) يعنى الفولفو بتاعة أخويا عفشتها حريرررررررررررررر
وبردوا العربية أنا مقتنع بيها جداً ومبسوط بيها جداً .. بس أنا بشارككم معايا فى رأيي
وبما إنك كان معاك بيجو أنا كنت عايز أعرف هل فعلاً الفرنساوى كلو بيبقى صوت الموتور بتاعو عالى زى ما المهندس بتاع التوكيل بيقوللى .. العربية عندى صوت موتورها من بره عالى سنة وكمان صوت كباس التكييف عاااااالى جداً من بره ( من جوه مبسمعش حاجة ) لكن لما أطلع بره العربية وبقف جنبها بسمع صوت الموتور .. بردو مش زى الفولفو وأنا واقف جنبها مكنتش بعرف شغالة ولا لأ ... ده حتى الكيا سيراتو كان صوتها أوطى منها
لو عايز تقارن بالبيجو ال 508 انا لسه جاي من المعادي الجديده لغاية مساكن شيراتون عن طريق الدايري و خدت المسافه في اكتر من ساعه لوجود حادثتين على الدايري و عطلوني جامد كان الطريق لما يقفل و يفتح بعمل كيك داون نقله واحده معظم الوقت و العربيه ادتني ١٠ لتر لكل ١٠٠ كيلو
العفشه بتاعتها كويسه جدا جدا مع جنط ١٦ و ظابط الهوا ٣٦
موضوع ممتاز جدا جدا جدا لاعلى مستوى
هو اذاي موضوع بالجمال دة متثبتش
فين ياعم مشرفين القسم دة ... صح النوووم يارجالة
طب والله إنتو حيرتونى .. أنا لو عملت كيك داون زى مابتقول نقلة واحدة الغستهلاك بيطلع فوق الـ 23 ... والمتوسط بيبقى معدى ال 10 بكتير
أنا مبقتش عارف ده عيب فى عربيتى ولا عيب فى العربية دى عموماً
أنا ميهمنيش إنو يتثبت ... أنا كفاية عليه الكلام اللى واحد فى تقل حضرتك فى المنتدى يقولو على الموضوع .. كلامك ده والله وسام أشيله على صدرى ومش عايز حاجة تانية
أنا عملت الموضوع إبتغاء مرضاة الله ولمنفعة الناس لعل أى شخص يقرأه يستفيد منه وأتحصل أنا على أجر وثواب من هذه المنفعة وخصوصاً لأن التقارير عن هذه السيارة قليلة جداً والسؤال عنها كتير جداً
بسم الله الرحمن الرحيم
أخونا الكريم جد آ kingrab
كنت أود أن أخبرك بشىء ما و لكننى خشيت من سوف الفهم أو سوء الظن ثم عندما قرأت ردودك على الأعضاء توسمت فيك سماحة النفس و لذلك قررت أن أخبرك.
أنت شجاع جدآ من وجهة نظرى و تمتلك شجاعة لا أمتلكها أنا.
أنا لا أستطيع أن أدفع كل هذا المال (و إن كنت أمتلك أضعافه فى البنك) لأشترى سيارة باهظة الثمن جدآ كهذه ثم أسير بها وسط شوارعنا . . . وما أدراك ما شوارعنا و ما تمتلىء به من همج . . و أغبياء . . و مستهترين . . و بلطجيه. و مستحيل أن تخرج من بيتك ثم تعود إليه بدون أن تصطدم بأى من الأنواع الأربعة السابق ذكرها.
و الأدهى و الأمر أن الحق ضائع . . لا تأخذ حقك ممن كبدك الخسائر الفادحه حتى ولو إتخذت كل الإجراءات القانونيه (على إفتراض أن الشرطه لبت إتصالك و جاءت إليك من الأساس).
و لذلك أن لا أتصور أن أقتطع من شقى عمرى جزءآ كبيرآ لأشترى به سياره غاليه باهظة الثمن ثم يصدمها أى من الأنواع الأربعه السابق ذكرها ليكبدنى الخسائر الفادحه ثم ينتهى الأمر على جدال بالباطل مدعوم بصوت عالى و كثير من الشتائم و السباب و يضيع الحق و الحقوق فى ثنايا ذلك كله.
كم يحزننى أن يكون هذا حال أبناء قومى و لكنها الحقيقه
أسأل الله أن ينجيك من شياطين الطريق ثم من شروره و أن يمتعك الله بكل نعمه عليك لأنك إنسان كريم و الكريم لا يضام
السلام عليكم ورحمة الله و بركاته
الأخ الفاضل scientist9508
متفتكرش إن كلامك ده مكنش موقع تفكير فى دماغى قبل ماشترى العربية بس أنا هحكيلك القصة
أنا عملى فى شرم الشيخ
وبسافر كتير على الطريق .. فكنت محتاج عربية قوية ومريحة على السفر وفيها وسائل أمان وخاصة بعد الحادثة الشديدة اللى عملتها بعربيتى السابقة الكيا السيراتو وربنا نجانى منها على خير
وقعدت سنتين بدون سيارة علشان أدور على عربية محترمة وعلشان أجمع المقدم اللى دفعته فى العربية دى ( حوالى 170000 ) وأخدتها قسط على سنتين
وبعد ماجبتها إستحرمت أسافر بيها لسببين ..
أولاً : طريق شرم بقى مش مضمون مع الإنفلات الأمنى الحاصل
ثانياً : إستحرمت أبهدل العربية رايح جاى على طريق طويل زى ده علشان أنا ممكن أسافر مرتين فى الشهر الواحد
فخليت العربية لمشاوير القاهرة المهمة فقط أو للسفر للأماكن الساحلية
وكمان أن اربنا كارمنى بعربية تانية صغيرة لسه بايعها من كام أسبوع وبدور على عربية غيرها لمشاوير البهدلة .. وربنا يستر علشان أنا لما بعت العربية التانية المدام عندى شغالة على العربية دى أثناء سفرى ..بس أنا مربيلها الرعب .. يعنى لو رايحة مشوار فى وسط البلد ولا فى أى حتة زحمة بقولها يا إما ماتروحيش يا إما تركبى تكتك
وبغطى العربية وبحافظ عليها بقدر الإمكان ومبحطش فيها حاجة غالية تبان من الإزاز بعد ما بردو إتسرقت مرتين
بس كل ده مش هيمنع قضاء الله ... يعنى لو إفترضنا إنك راكن عربيتك فى شارع فاضى ورجعت لقيت واحد كاتبلك عليها بمسمار ؟؟؟ هتعمل أيه ؟؟
ثم أى عربية جديدة غالية كانت أو رخيصة قلبك هيتحرق عليها لما تاخد أول خبطة .. بعد كده خلاص .. يبقى أنا هفضل خايف وممتعش نفسى ؟؟؟
ثم أهم حاجة أنصحك بيها وأنصح الناس كلها واللى ناس كتير بتنطشها .... التأمييييييييييييين .. حتى لو العربية مش تقسيط
أنا ربنا أراد إنى أعمل الحادثة بتاعة الكيا بعد إنتهاء فترة التأمين وعدم التجديد بشهر واحد فقط
ومع ذلك مزعلتش لأن بعتبر إن دى إرادة ربنا وبشكره صبح وليل إن طلعت منها سليم لأنها كانت حادثة موت وكنت عامل بيها موضوع فى المنتدى
أنا آسف إنى طولت عليك .. بس تعليقك لفت نظرى أوى وبصراحة
ثم إنت عايز يحصلى حاجة إزاى بعد الدعوتين اللى إنت دعتهم فى الآخر دول ؟؟؟
الله يباركلك على كلامك الحلو ده ...
بس بردو مش عارف ليه حاسس إنك إتعرضت لموقف رخم فى شوارع بلدنا المحروسة من كلامك ده .. صح ولا إحساساى غلط ؟؟
كلام مظبوط جدا و رأي يحترم من انسان محترم
بس تعال نفكر من زاويه اخرى غير زاوية النزاهه
مهو العربيه الرخيصه مفيهاش اي وسائل امان من وسائد هوائيه و انظمة فرامل و ثبات ٠٠٠٠٠٠الخ
يعني الغلطه و في الغالب مش هتكون غلطتك بفوره و اقل حادثه اللي في العربيه هيتعرض للاصابه او الوفاه لا قدر الله
طبعا ربنا هوا المنجي و كل واحد هياخد نصيبه و اعرف ناس اتوفت في حوادث و راكبه عربيات فوق النص مليون بس ربنا قال برضه الواحد يحكم عقله و يا ما الواحد اتعرض لمواقف صعبه و ربنا نجاه منها و من بعدها الامكانيات المتوافره
و للعلم اول عربيه اشترتها للمدام كانت سوزوكي ماروتي و كانت فرحانه بيها و مش عايزه تغيرها بس لما انا سوقتها محتيش بأي بأمان و صممت ابيعها و ادتها عربيتي الكورولا اللي بأضعاف تمنها رغم ان الحاله الماديه ايامها مكنتش متيسره عشان خفت عليها و ربنا يحفظ الجميع