الموضوع: سيتروين ds5 .... التقرير المتكامل

تقرير رائع

ثامناً- أماكن التخزين داخل السيارة

- صندوق قفازات مضئ

- صندوق مبرد اسفل مسند الذراع ويمتد لما أسفل جهاز التعشيق سعة 13 لتر

- جيوب فى الأبواب الأمامية مع حامل أكواب

- جيوب فى الأبواب الخلفية

- مسند ذراع خلفى فى منتصف المقعد الخلفى قابل للفرد مع حاملين للأكواب

- جيوب فى ظهر المقعدين الأماميين

- صندوقين لحفظ النظارة الشمسية فى منتصف سقف السيارة

- جيب صغير أسفل المقود على اليسار

- فتحة صغيرة لتخزين الكروت الهامة والرخص أسفل المقود على اليسار

- حقيبة خلفية سعة 468 لتر

- فتحة فى المقعد الخلفى لسهولة الوصول للشنطة الخلفية من داخل السيارة
ولتخزين أدوات التزحلق على الجليد أو اى أشياء طويلة

- صندوق تخزين أسفل مسند الذراع مغلف بالموكيت لتخزين التليفون ويشمل فتحة الـ usb & aux

أماكن التخزين بالسيارة هى أسوأ ما بالسيارة …
أماكن تخزين موزعة بطريقة سيئة وغير فعالة

[COLOR="rgb(139, 0, 0)"]صندوق القفازات صغير للغاية

الصندوق المبرد واسع جداً

صندوق التليفون المحمول والذى يشمل فتحتى الـ usb & aux لا يصلح لأى شئ
ولا حتى لحمل التليفون [/COLOR]

ما يشفع لأماكن التخزين بالسيارة هو إتساع صندوق التخزين الخلفى

لذا تستحق أماكن التخزين بالسيارة 6 درجات

يتبع

وفى النهاية


وبعد التحدث بالتفصيل عن 8 نقاط من أهم النقاط فى السيارة وكانت الدرجات كالآتى

+ الشكل الخارجى للسيارة 9 درجات
+الإضائة والرؤية فى السيارة 8 درجات
+الأيروديناميكية الهوائية للسيارة 6 درجات
+التجهيزات الداخلية للسيارة 9 درجات
+أداء السيارة والموتور والعفشة 7.5 درجة
+ تجهيزات الأمان فى السيارة 8.5 درجة
+ لذا الوسائل الترفيهية داخل السيارة 8.5 درجة
+أماكن التخزين بالسيارة 6 درجات


على أساس هذه النقاط يصبح متوسط تقييم السيارة هو

7.8 من 10

أى أن السيارة النسخة المصرية تكاد ترقى لتكون سيارة جيده جداً

لكن فى المجمل وكتقييم شخصى السيارة أكثر من ممتازة

وتنتظر الوقت الذى يتيح لك أن تمد يدك كى تلمس مقبض السيارة لتفتح لك واحة من الرفاهية والأداء الجيد

فى نهاية الموضوع أحب أن أنوه بالآتى

الموضوع بالكامل من إعدادى الشخصى

تمت الترجمة وتجميع المعلومات من عدة مواقع أجنبية

كما أحب أن أنوه عن جزيل شكرى للأستاذ أحمد عادل لسماحه لى لإقتباس بعض المعلومات والصور من موضوعه الأكثر من رائع والذى كان مرجع لى وأحد الأسباب الهامة لإقدامى لشراء هذه السيارة الرائعة

http://www.nilemotors.net/Nile/31670...troen-ds5.html

كما أتوجه بجزيل الشكر لإدارة المنتدى وأعضاءه الكرام لسعة صدرهم لتحمل هذا الموضوع الطويل

تم بحمد الله

تقرير مفصل وجميل
بس مستحيل عربيه تعمل 100 كم ب 25 لتر !
دا استهلاك خزعبلي اعتقد اخرها تعملهم ب 13 لتر كحد أقصي ومع التكييف كمان
مبروك العربيه ربنا يباركلك فيها

المشاركة الأصلية كتبت بواسطة hany63

تقرير ولا اروع الصراحه
الله يباركلك
الحاجه الوحيده اللي لفتت نظري هوا استهلاك البنزين داخل المدينه ولا ٦ سلندر
ملفتتش نظرك لوحدك
ياريت اعرف مثلا لما بتمشي ال ٤٠٠ كم متر داخل المدينه بتفول بكام لتر تحديدا
الموضوع ده مهم الصراحه لاني هستلم الاسبوع ده بيجو ٥٠٨ و اعتقد ان الموتور واحد في العربيتين
اصل الاعتماد على قرايات الكومبيوتر بتبقى ساعات لحظيا

أنا معتمدتش على قراءة الكمبيوتر .. أنا حسبتها على قراءة عداد الكيلومتر .. كنت بصفرة أول مابفول للآخر .. وأول مالمبة البنزين بتنور كنت بشوف العربية مشيت كام كيلو .. بلاقيها 380 أو 370 كيلو ... يعنى قول هتمشيلها الـ 20 أو الـ 30 كيلو باللى فاضل فى التانك
يعنى لكل 60 لتر اللى هوه سعة التانك بتمشى 400 كيلو بالعافية
ولما قلت لمهندس الصيانة على الموضوع ده قاللى مينفعش تحسب إستهلاك البنزين كده .. دانت لازم تبقى ماشى على سرعة لا تقل عن 90 وطريق يكون معرفش أيه والهواء أيه .. وأنا عارف الكلام ده كله
بس هيه على الطرق السريعة إقتصادية جداً فى البنزين

تاني سؤال هل الفرق كبير بالنسبه لقوة الموتور مقارنة بالفولفو و لا الفرق مش كبير و بالتالي مش كل شويه كنت تتمنى انك تركب الفولفو ؟

فرق كبير طبعاً .. 180 حصان و 163 حصان .. فرق 17 حصان
وموتور الفولفو ولا تسمع صوته وسحبه مخيييييف ... العربية تسحب منك ولا تحس
بس التجهيزات الداخلية إلى حد ما لصالح السيتروين وكمان الشنطة الخلفية والشكل الفريد كمان .. وكمان سعر الفولفو نط اوى .. 338 ألف جنيه بعد ماكانت 288 ألف

و مره تانيه تسلم ايدك على التقرير الجميل

المشاركة الأصلية كتبت بواسطة Adnfalcon

تقرير مفصل وجميل
بس مستحيل عربيه تعمل 100 كم ب 25 لتر !
دا استهلاك خزعبلي اعتقد اخرها تعملهم ب 13 لتر كحد أقصي ومع التكييف كمان

والله ده الإستهلاك اللى أنا شفته عن طريق التجربة .. ومقتنعتش إلا لما جربت تفويله واتنين وتلاته .. دانا حتى جربت الـ 95 بس قبل مايغلى

مبروك العربيه ربنا يباركلك فيها

ربنا يباركلك فيها
ليا تعليق عن الايروداينامك
الايروداينامك عشان يكون فعال لاقصى درجه لازم تكون النوافذ مغلقه وده مش عيب يقلل من ايروداينامك العربيه (تخيل الفرق بين مرور هواء جانبى داخل السياره والنوافز مفتوحه وانسيابه والنوافز مغلقه) اعتقد انك ترفع نقطتين لبند الايروداينامك
نقطه اخيره مكلمتناش عن اسعار قطع الغيار هل مناسبه للفئه السعريه