عرض للطباعة
السلام عليكم جميعا
لو سمحتم كنت عايز عنوان لكذا واحد في القاهرة بيصلح كاوتشات الرن فلات.
لأن عندي الكاوتش دخل فيه 3 مسامير وروحت لأحسن واحد عندنا في المنوفية لتصليح الكاوتش وماعرفشي يتعامل معاه صح وفكه بغشومية جامدة وكان واضح جدا إنه أول مرة يشوفه وأول مرة يفكه وربنا يستر بس ومايكونشي بوظ الفردة.
ياريت حد يدلني على حد بيتعامل مع الكاوتشات الرن فلات.
وشكرا
مفيش حاجه اسمها متخصص في الرن فلات يا فندم.الموضوع بسيط حضرتك شوف اي مركز إصلاح اطارات مش محل بتاع كاوتش صغير و هو يصلحهم.
قصدي إن مش كل الناس تقدر تصلح الرن فلات. ومش كل بتوع الكاوتشات إشتغلوا عليه.
طب سعادتك تعرف مركز إصلاح إطارات؟
انا صلحته فى fit&fix
ممتازين جدا بس غاليين جدا جدا
مسمار كلفنى ٦٠ جنيه
حضرتك أنا اكتشفت مؤخرا أنه بيتلحم عادي خالص زيه زي أي كاوتش. المهم الفك و التركيب ليه ماكينة خاصة لكن معظم الناس بتفكه بالماكينة العادية لكن عاوز حرص و خبره عشان مش يبوظ جنب العجلة.
أنا الكاوتش عندي نام و مشيت عليه شوية و روحت لواحد بتاع كاوتش عادي جدا فك الكاوتش و لحمه بلحام نضيف من جوا من غير مكوا طبعا و خلاص.
مشيت عليه زي الفل.
هو طبعا لا يعلي علي fit&fix بس هما غاليين بزياده فعلا
بس انا كان عندي مسمار برضه اتعاملت مع محل كوتش عادي جنبي و تعامل مع الفرده عادي جدا
يارتى فيت أند فيكس عندهم الماكن اللي بيفك الرن فلات؟ وهما فين أرجوك؟ وغالي شوية بس يعمل الحاجة صح مش مشكلة معايا.اقتباس:
المشاركة الأصلية كتبت بواسطة horas3000
إمبارح كنت عند أوتو تاير في سانت فاطيما وده في ناس من اللي شغالين في توكيل بي إم هما اللي قالوا لي عليه ورحت عندهم وقعدوا ساعة يفكوا فيه وفي الآخر ماعرفوش يفكوه وأخدت العجلة من غير ما تتصلح.
كانوا بيتعاملوا معاه بالماكن العادي مش بتاع الرن فلات.
وده تالت واحد يحاول مع الفردة ومايعرفشي يفكها. بقالي 3 أيام كل يوم الصبح وبالليل أزودها ومش لاقي حد يصلحها.
دي مأسااااااااااااة.
ممكن تكون المشكلة دي عندي زيادة شوية عشان الجنط ال18 فده مخلي الكاوتش أصغر في الحجم أونشف شوية عشان كده ما بيتفكش بالماكن العادي.
ايوه يا فندم ممكن fix & fit بريدجستون. و الرقم المختصر بتاعهم 19187 و ده الموقع بتاعهماقتباس:
المشاركة الأصلية كتبت بواسطة FrozenFire
Fit & Fix
ممكن تكلمهم علي التليفون تتأكد منهم انهم بيعرفوا يفكوها و تسأل علي اقرب فرع او تدخل علي الموقع بتاعهك
هو الران فلات اللي بيتنفخ عادي وتيوبلس
ولا الكاوتش الصب
معلش علشان مش عارف
انا برضه مش فاهم ايه المشكله
ال runflat في الفك و التركيب زيه زي اي كوتش
عموما يا تروح عند fit & fix و ممكن اشرفكو اللي في الحي السابع في مدينه نصر قدام جامعة الازهر
الكاوتش الرن فلات عادي جدا وبيتنفج وتيوبلس زيو زي اي كاوتش بس هو انشف كتير من العادي وصعب يتخرماقتباس:
المشاركة الأصلية كتبت بواسطة hugan
عشان كده لحامه صعب بردو
تماماقتباس:
المشاركة الأصلية كتبت بواسطة amer elsayed
شكرا للتوضيح
لازم حضرتك تروح ل fit & Fix أو غطاطي لأنهم عندهم المكن اللى بيفك الكاوتش الران فلات....جوانب الكاوتش الران فلات صلبة جدا جدا علشان كده بحتاج مكن خاص علشان الجنط ميبوظشاقتباس:
المشاركة الأصلية كتبت بواسطة FrozenFire
لو لا قدر الله الفردة باظت هات بيريلى من غطاطي و هما توكيل بيريلي فى مصر و الفردة ب2000جم ألماني