استفسار فى تركيب كاميرا خلفية تعمل بشكل دائم

**الجنرال** · 09-08-2014 08:52 PM

السلام عليكم

عندي مشكلة في العربية اني مش بعرف اشوف خالص فى مراية الصالون

فبفكر اركب كاميرا وشاشة سيمفوني 7 بوصة .. وهخلي الكاميرا تشتغل على طول اول ما الكونتاكت يفتح

الكهربائي قالي ده كده حمل على الكاميرا وهتتحرق على طول .. والمفروض ان الكاميرا الخلفية متشتغلش اكتر من 5 دقايق اللى هي تقريبا مدة الركن .. اكتر من كده هتتحرق لان بيجيلها 12 فولت وهيا اصلا بتشتغل على 2 فولت (ده كلامه)

هل الكلام ده صحيح؟؟ ولو صحيح فهل في حل علشان اخلينا تشتغل على طول من غير ما تتحرق؟؟ وايه رأيكوا فى شاشة سيمفوني واسعارها ايه؟؟

وشكرا

**aymanshebl** · 09-08-2014 09:39 PM

ممكن تركب الكاميرا عادى و اللى قالك انها بتاخد 2 فولت ده من ضمن فئة الفتايين لان لو هيه بتاخد 2 فولت و اللى داخلها 12 فولت يبقى ثق تماما انها هتتحرق ولا هتشوف منها اى صورة خالص ممكن تعمل زرار خاص لفتح الكاميرا و قفلها علىشان متشتغلش على طول انما عادى ممكن تشتغل على طول ما فيش مشكلة ان شاء الله

**besso** · 10-08-2014 12:43 AM

هاتشتغل عادى مافيش حاجه اسمها هاتتحرق
ده اللمبه ما بتتحرقش!!

افرض انا بركن العربيه فى نص ساعه (سواقتى على قدى) الارسال يقطع :)
هههههههههه

**محمد محم عثمان** · 10-08-2014 12:49 AM

انا عايز اركب كاميرا خلفيه وهل الكاميرا فيها سنسور وهل تركبها يخرجنى من الضمان علما بأنى لسه جايب الهيونداى اكسنت الار بى من اسبوع موديل 2015.......فعلا مابشوفش حاجه وانا برجع